Primary tabs

လုပ်ငန်းခွင်ကမမတို့ လေးစားခံရဖို့ဆိုရင်

လုပ်ငန်းတစ်ခုမှာ ကိုယ့်နေရာက မိတ္တူတွေကို လက်ခံကူးယူပေးဖို့ တာဝန်ယူရတဲ့သူဒါမှမဟုတ် ဝန်ထမ်းတွေထဲက ဝန်ထမ်းတစ်ဦး၊ ကိုယ်ကဘယ်လိုရာထူးနဲ့ ဘယ်လိုတာဝန်ကို ထမ်းဆောင်နေရ သူဘြဲဖစ်ဖြစ် လုပ်ငန်းခွင်ထဲက လူတိုင်းဟာ တလေးတစား ပြုမူဆက်ဆံခံရဖို့အတွက်  ထိုက်တန်ပါတယ်။ ဒါပေမဲ့ တစ်ခါတစ်ရံမှာတော့ ကိုယ့်ရဲ့ အသက်မွေးဝမ်းကြောင်းလုပ်ငန်းမှာ အထက်အရာရှိက ကိုယ့်ကိုသိမ်ငယ်စေဖို့ပြောဆိုတာ၊ လုပ်ဖော်ကိုင်ဖက်တစ်ယောက်က ထိပါးတိုက်ခိုက်တာ၊ ပြီးတော့ အခြားဝန်ထမ်းတစ်ဦးဦးက ကိုယ့်ကိုမနာလိုတာ စတဲ့များပြားလှစွာသော အခြေအနေတွေကို တွေ့ကြုံရတာမျိုးရှိတတ်ပါတယ်။ ဒီလိုအခြေအနေမျိုးတွေ ကြုံလာတဲ့အခါ ဘယ်လိုကိုင်  တွယ် ဖြေရှင်းရမယ်ဆိုတာကို သိထားဖို့က သိပ်ကို အရေးကြီးပါတယ်။ ဒါမှသာကိုယ့်ရဲ့ အသက်မွေးဝမ်းကြောင်းလုပ်ငန်းအပေါ် ယုံမှားမကင်း ဖြစ်ရတာတွေ မရှိတော့ဘဲ ကိုယ်ဟာအားလုံးနည်းတူတလေးတစား ပြုမူဆက်ဆံရမယ့်သူအဖြစ် အများကအသိအမှတ်ပြုလာကြပါလိမ့်မယ်။

အထူးသဖြင့် လုပ်ငန်းခွင်ထဲက အမျိုးသမီးတွေအနေနဲ့ တလေးတစားပြုမူပြောဆိုတာကို လက်ခံရဖို့အတွက် လိုက်နာသင့်တဲ့ နည်းလမ်းလေးတွေကို မျှဝေပေးလိုပါတယ်။ အဲ့ဒီနည်းလမ်းတွေကတော့...

၁။ ကိုယ့်အလုပ်အပေါ် အာရုံစိုက်ပြီး ကြိုးစားပါ

လုပ်ငန်းခွင်ထဲမှာ တလေးတစား ပြုမူခံရဖို့ဆိုရင်တော့ အကောင်းဆုံးနည်းလမ်းက ကိုယ့်အလုပ်ကိုအကောင်းဆုံးလုပ်ဖို့ပါဘဲ။ အလုပ်ကိုစောစောလာ၊ နောက်ကျပြန်၊ ပေးအပ်ခံရတဲ့ တာဝန်တွေကို အကောင်းဆုံးသော စွမ်းဆောင်ရည်နဲ့ ဆောင်ရွက်ဆိုတဲ့ စကားတွေကို အစောကတည်းက ကြားဖူးပြီးသားဖြစ်မှာပါ။

ကိုယ့်ကိုလေးစားခံရဖို့နဲ့ အခြားသူတွေအပေါ် လွှမ်းမိုးနိုင်ဖို့ဆိုရင် ကိုယ်ဟာတာဝန်ယူထားရတာတွေနဲ့ ပတ်သက်လို့ အကောင်းဆုံးလုပ်ဆောင် နိုင်ပြီး ဒီလိုတာဝန်တွေ ပေးအပ်ခံရခြင်းက ကိုယ်နဲ့ ထိုက်တန်တယ်ဆိုတာကို သက်သေပြနိုင်ရပါမယ်။ ဒါ့အပြင် အမျိုးသမီးတွေအနေနဲ့ ကိုယ့်ရဲ့ လုပ်ငန်းတာဝန်တွေကို တိုးတက်အောင်ဆောင်ရွက်နေတဲ့နည်းတူ ကိုယ့်ရဲ့ အသွင်အပြင်နဲ့ ပြောဆိုဆက်ဆံရေးကောင်းမွန်မှုကိုလည်း အရောင်တင်နေဖို့ လိုပါသေးတယ်။ 

၂။ မှတ်တမ်းကျန်ရစ်မယ့် ဘယ်လိုဆက်သွယ်မှုမျိုးမဆိုပညာသားပါပါ ပြုမူဆောင်ရွက်ပေးပါ

ကိုယ့်ရဲ့ လုပ်ဖော်ကိုင်ဖက်နဲ့ ဘယ်လိုဘဲ ရင်းနှီးကျွမ်းဝင်ပါစေလုပ်ငန်းနဲ့ မသက်ဆိုင်တဲ့ ပေါတောတောအီးမေးလ်တွေ ပို့ကြတယ်ဆိုတာမျိုး လုပ်ငန်းခွင်အတွင်းမှာ မလုပ်သင့်ပါဘူး။ ကိုယ့်ရဲ့ အီးမေးလ်တိုင်းဟာ အလောတကြီးအကြောင်း ပြန်ဖို့ လိုအပ်တဲ့အမျိုးအစားမဟုတ်ရင် သင့်တင့်လျောက်ပတ်တဲ့ နှုတ်ခွန်းဆက်သတာမျိုးလောက် ဘဲ ပါဝင်သင့်ပါတယ်။ 

ကိုယ်ကနည်းလမ်းတကျ လုပ်ဆောင်မှသာ ကိုယ့်ထက်ရာထူးမြင့်တဲ့သူတွေက (ကိုယ့်ရဲ့ အီးမေးလ်ကိုဖတ်ဖို့ အလားအလာရှိတဲ့ မည်သူမဆို) ပိုပြီးလေးလေးနက်နက်နဲ့ အရေးတယူရှိပါလိမ့်မယ်။

အီးမေးလ်ပို့ဖို့ စာစီနေတဲ့အခါမှာလည်း ကိုယ့်လုပ်ငန်းခွင်ထဲက ဘယ်လိုပုဂ္ဂိုလ်မျိုးကိုမဆို တစ်ဆင့်ပြန်လည်ပေးပို့လို့ရတဲ့ မေးလ်တစ်စောင်ဖြစ်စေဖို့ စိတ်ထဲထည့်ထားရပါမယ်။ တကယ်လို့ ကိုယ့်ရေးသားတဲ့ မေးလ်ထဲမှာ ကိုယ့်လုပ်ဖော်ကိုင်ဖက်တစ်ဦးချင်းစီက ဖတ်ဖို့ အဆင်မပြေနိုင်လောက်တဲ့ အကြောင်းအရာမျိုးရှိခဲ့မယ်ဆိုရင် အစည်းအဝေးပြုလုပ်ပြီး လူချင်းတွေ့ဆုံပြောဆိုဖို့ အကြံ ပြုပါတယ်။ 

၃။ ကိုယ့်ရဲ့ စကားနဲ့ ကိုယ်ဟန်အမူအရာကတစ်ဆင့် ကိုယ့်ကိုယ်ကိုယုံကြည်မှုရှိကြောင်း ပြသပေးပါ

တောတွင်းသဘာဝအရ ပြောရမယ်ဆိုရင် ငှက်တွေဟာပိုပြီးတော့ အရွယ်အစားကြီးမားသယောင် ထင်ရစေဖို့နဲ့ တစ်ဖက်ကိုပိုမိုခြိမ်းခြောက်  ဟန့်တားနိုင်စေဖို့ သူတို့ရဲ့ တောင်ပံတွေကို ဖြန့််ထုတ်တတ်ကြပါတယ်။ ဆိုလိုချင်တာကတော့ ကိုယ့်ရဲ့ပြောဆိုပြုမှုနေထိုင်ပုံတွေဟာယုံကြည်မှုနဲ့ အင်အားရှိရှိကြံ့ခိုင်မှုကနေပေါ်ထွက်လာတာတွေ ဖြစ်နေသင့်ကြောင်းပြောပြလိုပါတယ်။ 

နောက်ပြီး မျက်လုံးချင်းတွေ့ဆုံပြောဆိုခြင်းကလည်း သိပ်ကိုအရေးပါပါတယ်။ ကိုယ့်ရဲ့ မျက်လုံးတွေက ရေရေရာရာမဟုတ်ဘဲခပ်မြန်မြန် ရွေ့လျားနေတယ်ဆိုရင်တော့ မလုံခြုံမှုကို ခံစား နေရတဲ့သူ၊ စိတ်လှုပ်ရှားနေတဲ့သူအဖြစ် ပုံပေါ်နေပါလိမ့်မယ်။ ရှက်ရွှံ့နေတဲ့ ခံစားချက်ကို ဖုံးဖိထားဖို့ဆိုရင် ကိုယ့်ရဲ့ အသံနဲ့ အယူအဆတွေက အများအပေါ် လွှမ်းနေအောင် ပြုလုပ်ဖို့လိုပါတယ်။ ကိုယ့်ရဲ့ အယူအဆတွေကိုခိုင်ခိုင်မာမာ၊ ရှင်းရှင်းလင်းလင်းနဲ့ ယုံကြည်မှုရှိရှိပြောဆိုသင့်ကြောင်း သတိပေးပါရစေ။ 

၎။ အဖွဲ့ဝင်တစ်ယောက်ဖြစ်ရမယ့်အချိန်နဲ့ ဦးဆောင်သူတစ်ယောက်ဖြစ်ရမယ့်အချိန်ကိုသိပါ

အမျိုးသမီးအများစုဟာ တစ်ဦးတစ်ယောက်တည်း ပြီးမြောက်အောင်မြင်အောင် လုပ်ဆောင်နိုင် တယ်ဆိုတာကို အသိအမှတ်ပြုခံရဖို့ စိုးရိမ်တတ်ကြလေ့ရှိပြီးဦးဆောင်သူအဖြစ် နေရမယ့်အချိန်မှာ သူတို့အဖွဲ့ရဲ့ နောက်မှာဘဲနေကြလေ့ရှိပါတယ်။ လုပ်ငန်းတာဝန်တစ်ခုကို ဆောင်ရွက်တဲ့အခါ အခြားသူတွေကို ပါဝင်လာစေဖို့ တိုက်တွန်းရမှာ ဖြစ်သလို ကိုယ်ပိုင်စိတ်ကူးအယူအဆတွေကို ထွက်ပေါ်လာအောင် ကြိုးစားအားထုတ်ဖို့ လိုအပ်တဲ့အပြင် ကိုယ်ကိုယ်တိုင်လည်း အမှန်တကယ် ပါဝင် 
ဆောင်ရွက်ပါ။ ကိုယ့်ရဲ့အဖွဲ့ဝင်တွေက ကိုယ့်ဆီလာဖို့အတွက် တွန့်ဆုတ်မှုရှိမနေစေဖို့ ကိုယ်တိုင်ကလည်း သက်ဆိုင်ရာဗဟုသုတ ကြွယ်ဝသူ၊ ချဉ်းကပ်ဖို့ လွယ်ကူတဲ့သူ၊ ဖော်ရွေမှုရှိတဲ့သူဖြစ်ဖို့ လိုပါတယ်။ 

အဖွဲ့တစ်ခုရဲ့ ဦးဆောင်သူအနေနဲ့ ကိုယ်ဟာခက်ခဲတဲ့ ဆုံးဖြတ်ချက်တွေကိုချမှတ်ဖို့ ရင်ဆိုင်ကြုံတွေ့ရပါမယ်။ အဲ့ဒီလိုအချိန်မျိုးမှာ ကိုယ်ဆောင်ရွက်နေတဲ့ စီမံကိန်းရဲ့ ရည်ရွယ်ရာနဲ့ ကိုယ့်အဖွဲ့ရဲ့ စိတ်ဓာတ်ကိုအာရုံစိုက်တတ်ဖို့လိုပါတယ်။  ကိုယ်ချလိုက်တဲ့ ဆုံးဖြတ်ချက်ကို တစ်ယောက်စီတိုင်းက သဘောကျဖို့ဆိုတာ မဖြစ်နိုင်ပါဘူး။ ဒါပေမဲ့ အပေါ်မှာပြောခဲ့တဲ့ အရာနှစ်ခုသာ စိတ်ထဲမှာ ရှိခဲ့မယ်ဆိုရင် အခြားအရာတွေက သိပ်ပြီး အရေးမကြီးဘူးလို့ ဆိုနိုင်ပါတယ်။ 

၅။ ကိုယ့်နေရာကိုကိုယ်သိပါ

သင်ဟာသင့်ရဲ့ လုပ်ငန်းမှာဘယ်လောက်ဘဲ အရည်အချင်းပြည့်ဝ ကျွမ်းကျင်နေပါစေ အရာ အားလုံးကိုသိတယ်ဆိုတာမျိုး သိမ်းကျုံးကောက်ချက်မဆွဲဖို့ အကြံပြုပါရစေ။ ကိုယ့်ရဲ့ အလုပ်နဲ့ ပတ်သက်လို့ ငါသိငါတတ်ခံယူချက်တွေကြောင့် လုပ်ဖော်ကိုင်ဖက်တွေရဲ့ လေးစားခံရမှုကို ဆုံးရှုံးရတတ်ပါတယ်။ တစ်စုံတစ်ခုကို ကိုယ်ကမသိခဲ့ဘူးဆိုရင် အကူအညီတောင်းခံပါ။ အားလုံးကို အမှားမှားအယွင်းယွင်း ကိုယ်တိုင်ဆောင်ရွက်တာနဲ့စာရင် သိတဲ့သူကိုမေးမြန်းပြီး အကူအညီတောင်းခံ တာက ပိုကောင်းပါတယ်။ 

လုပ်ငန်းခွင် ပတ်ဝန်းကျင်တစ်ခုချင်းစီဟာ မတူညီကွဲပြားကြတယ်ဆိုပေမယ့် ကိုယ့်နေရာ ကိုယ်တော့ သိထားရပါမယ်။ ကိုယ်နေရာက ဘာလဲဆိုတာကို စိတ်ထဲမှာရှိနေရင် ကိုယ့်ထက် ရာထူးပိုမြင့်တဲ့သူတွေကိုလိုက်ပြီး အတုခိုးတာမျိုး 
မလုပ်တော့ပါဘူး။ လူတိုင်းကိုသာတူညီမျှ ပြောဆိုဆက်ဆံပါ။ တကယ်လို့ ကိုယ်ကအားလုံးကို သာတူညီမျှ ပြုမူခဲ့မယ်ဆိုရင် ကိုယ်ဆောင်ရွက်တဲ့ ကိစ္စတော်တော်များများကိုလည်း သူတို့ကလက်ခံ ကြပါလိမ့်မယ်။ 

နောက်တစ်ခုကတော့ ဘယ်လိုအဆင့်အတန်း၊ ဘယ်လိုရာထူးနဲ့သူကိုမဆို အသိအမှတ်ပြု ကျေးဇူးတင်တတ်ဖို့ လိုပါတယ်။ ကိုယ့်ဋ္ဌာနရဲ့ အကြီးအကဲကို နှုတ်ဆက်တာနဲ့ ကိုယ့်ရုံးမှာရှိတဲ့ လုံခြုံရေးကို နှုတ်ဆက်တဲ့ အပြုအမူမှာပါဝင်တဲ့ နွေးထွေးမှုခြင်း တူညီနေသင့်ပါတယ်။ 

၆။ အတင်းမပြောပါနဲ့

ကိုယ့်ရဲ့ လုပ်ဖော်ကိုင်ဖက်တွေအကြောင်းကို ပျော်စေပျက်စေသဘောနဲ့ အတင်းသဘောမျိုး ပြောဆိုတတ်ကြပါတယ်။ ဒီလိုပြောဆိုခြင်းဖြင့် ကိုယ်ပြောတာကိုခံရတဲ့သူထက် ကိုယ့်သိက္ခာက ပိုပြီးထိခိုက်ဆုံးရှုံးရပါတယ်။ ကိုယ့်ကိုစောင့်ကြည့်
နေကြတဲ့သူတွေက သင်ဟာယုံကြည်စရာ မကောင်းတဲ့သူအဖြစ် အလိုအလျောက် သိသွားကြမယ့်အပြင် သူတို့ဆီမှာရှိတဲ့ သတင်းအချက်အလက်တွေကို သင်နဲ့အတူ မျှဝေကြတော့မှာ မဟုတ်ပါဘူး။ 

အတင်းပြောတယ်ဆိုတာထက် ကိုယ့်ရဲ့ ပတ်ဝန်းကျင်မှာ ဘာတွေ ဖြစ်ပျက်နေသလဲဆိုတာကို မျက်စိဖွင့် နားစွင့်ထားရပါမယ်။ အသစ် အသစ်သော အတင်းအဖျင်းတွေကို ပြောဆိုတဲ့နေရာမှာ သင်ပါဝင်လာဖို့ အခြားသူတွေ ကြိုးစားတဲ့အခါ ပါဝင်ခွင့်ရရှိတဲ့အတွက်လည်း လိုလိုလားလားမဖြစ်မိစေပါနဲ့။ 

အဲ့ဒီလိုအတင်းအဖျင်းတွေ ပြောနေတာကို ရပ်တန့်သွားဖို့ ဒါမှမဟုတ် အခြားသောအကြောင်းအရာတွေကို ပြောင်းလဲပြောဆိုခြင်းအားဖြင့် အခြားသူတွေက သင်ဟာဒီလိုသေးသိမ်တဲ့ အလုပ်တွေကို မပျော်မွေ့တတ်သူအဖြစ် သဘောပေါက်လာပြီး သင့်ကိုလည်းပိုပြီးလေးစားလာကြပါလိမ့်မယ်။ 

၇။ ကိုယ်တက်လှမ်းလိုတဲ့ နေရာပေါ်မူတည်ပြီး ဝတ်စားဆင်ယင်ပါ

ကိုယ့်ရဲ့ ဝတ်စားဆင်ယင်ပုံက ကိုယ်ဟာဘယ်လိုလူစားမျိုးလဲဆိုတာအပြင် ကိုယ်က ဘယ်လိုပုံစံမျိုးနဲ့ အာရုံစိုက်ခံရတာကို သဘောကျပါတယ် ဆိုတာကိုဖော်ပြပါတယ်။ သူငယ်ချင်းတွေနဲ့ အပြင်ထွက်လို့ ဘားတစ်ခုကိုသွားကြတဲ့အခါ ကိုယ်
ကစကတ်တို ဒါမှမဟုတ် ဘောင်းဘီအတိုကို ဝတ်ဆင်ချင်ပါလိမ့်မယ်။ ဘာလို့လဲဆိုတော့ ကိုယ့်အနေနဲ့ မိန်းကလေးသူငယ်ချင်းတွေ အများကြီးကြားထဲမှာ ကြည့်ပျော် ရှု့ပျော်ရှိနေတယ်ဆိုတာမျိုးတော့ အထင်ခံချင်လို့ဘဲ ဖြစ်ပါတယ်။ ဒါပေမဲ့ လုပ်ငန်းခွင်အတွင်းမှာဆိုရင်တော့ ဘယ်လိုဝတ်စုံမျိုးကိုဝတ်ဆင်ပြီး ကိုယ့်အပေါ်ကိုဘယ်လိုထင်မြင်စေချင်သလဲဆိုတာ စဉ်းစားဖို့ လိုလာပါပြီ။ 

တကယ်လို့ ကိုယ်ဟာတစ်နေ့မှာ ကုမ္ပဏီတစ်ခုရဲ့ အမှုဆောင်အရာရှိချုပ်တစ်ယောက် ဖြစ်လိုတယ်ဆိုရင် အမှုဆောင်အရာရှိချုပ်ပုံစံမျိုး ဝတ်စားဆင်ယင်ပါ။ ကိုယ်နဲ့ ရာထူးချင်းတူတဲ့ သူတွေကဂျင်းတွေ၊ ထသွားလာသွားပုံစံတီရှပ်တွေကို ဝတ်ဆင်နေကြပေမယ့် ကိုယ်ကတော့ ဘလေဇာကုတ်နဲ့ လာတတ်တဲ့သူမျိုး ဖြစ်နေပါစေ။ 

တစ်စုံတစ်ယောက်က ကိုယ့်ရဲ့ ဝတ်စားဆင်ယင်ပုံကလက်ရှိရာထူးထက် ပိုပြီးအဆင့်မြင်နေတယ်လို့ သုံးသပ်ခဲ့မယ်ဆိုရင် အံ့သြမသွားပါနဲ့။ တကယ်တမ်း အဲ့လိုကြုံတွေ့ရမယ်ဆိုရင်လည်း အဲ့ဒီအတိုင်းသာ ဆက်ပြီးထင်နေပါစေလေ။ ပိုပြီးအရေးကြီးတာတစ်ခုကတော့ ဝတ်စားဆင်ယင်မှုထက် ကိုယ့်ရဲ့ ပင်ကိုယ်အရည်အသွေးနဲ့ လုပ်ငန်းခွင်တွင်း ကျင့်ဝတ်တွေကို ကိုယ်ဖြစ်လိုတဲ့ အမှုဆောင်အရာရှိချုပ်မှာရှိရမယ့် အရည်အသွေးတွေအတိုင်း ကြိုးစားဖြည့်စွမ်းနေရပါမယ်။ 

၈။ လုပ်ငန်းခွင်နဲ့ လူမှုဘဝကိုရောထွေးတာမျိုး မဖြစ်ပါစေနဲ့

အလုပ်ကနေ ကျင်းပပြုလုပ်တတ်တဲ့ ပါတီပွဲမှာ အမူးလွန်ပြီးတော့ ပိုက်ဆံအိတ်ပျောက်တာ၊ ဖုန်းပျောက်တာ၊ ဘဏ်စာအုပ်ပျောက်တာအပြင် ဂုဏ်သိက္ခာနဲ့ အလုပ်ကိုပါ ဆုံးရှုံးသွားရတဲ့ လူတချို့ကို တွေ့ခဲ့ဘူးပါတယ်။ လုပ်ဖော်ကိုင်ဖက် တွေ အများကြီးရှိတဲ့နေရာမှာ ကိုးယိုးကားရားနိုင် တဲ့ စကားလုံးတွေ ထွက်ပေါ်လာဖို့အတွက် ကြက်မြီးအရက် (Cocktail) တစ်ခွက်တည်းနဲ့လည်း ဖြစ်နိုင်ပါတယ်။ ဒါပေမဲ့ ဘယ်တော့မှ ဒီလိုမလုပ်မိဖို့ အကြံပြုလိုပါတယ်။ 

လုပ်ဖော်ကိုင်ဖက်တွေဟာ ပါတီပွဲမှာ ဘယ်သူတွေက အလွန်အကျွံသောက်ပြီး မူးရူးနေသလဲဆိုတာကို မှတ်မိလေ့ရှိပြီး အဲ့ဒီအကြောင်းအရာတွေက အချိန်အတော်ကြာသည်အထိ ပြောစရာ ဖြစ်နေပါလိမ့်မယ်။ လုပ်ငန်းခွင်ကကျင်းပပေးတဲ့ ပါတီတွေဟာ ကိုယ့်ရဲ့ လုပ်ဖော်ကိုင်ဖက်တွေနဲ့အတူတင်းကျပ်မှုတွေ ဖြေလျော့ပြီးပေါ့ပါးပျော်ရွှင်စွာနေဖို့ဆိုပေမယ့် အတိုင်းအတာတစ်ခု ကိုယ့်ဆီမှာရှိနေရပါမယ်။ အများလက်ခံနိုင်လောက်တဲ့ အကန့်အသတ်အတွင်းသာ ပျော်ပါးကြတာ ပို ကောင်းပါတယ်။

၉။ ဘယ်တော့မှ ဆင်ခြေမပေးပါနဲ့

အလုပ်ကိစ္စနဲ့ ပတ်သက်လို့ ဆင်ခြေတက်နေတဲ့သူမျိုးမဖြစ်ပါစေနဲ့။ တကယ်လို့ သင်ဟာလက်ရှိရာထူးနဲ့ ပတ်သက်လို့ ကျေးဇူးမတင်တတ်ခဲ့ဖူးဆိုရင် သင့်ကိုဘယ်လိုလူမျိုးက ရာထူးတိုးပေးမလဲဆိုတာ စဉ်းစားစရာပါဘဲ။ 

လုပ်ငန်းခွင်အတွင်းမှာ တစ်ခုခုက မှားယွင်းဖြစ်ပျက်နေတယ် ဒါမှမဟုတ် လုံလောက်မှုမရှိဘူးလို့ တွေးထင်ခဲ့ရင် ဒါကတခြားကိစ္စသက်သက်သာ ဖြစ်ပါတယ်။ ဒီလိုကိစ္စရပ်တွေ ချဉ်းကပ်တဲ့အခါမှာ စနစ်တကျရှိရမှာဖြစ်ပြီးတော့ ရန်လိုတဲ့ အပြုအမူမျိုးနဲ့ မဖြေရှင်းသင့်ပါဘူး။ ကောင်းမွန်တဲ့ အကြံပြုချက်တွေကသာ ပိုပြီးတော့ တိုးတက်ကောင်းမွန်လာစေဖို့ ဆောင်ရွက်သင့်ပါတယ်။

ကိုယ့်လုပ်ငန်းရဲ့ ရည်မှန်းချက်ကို ရောက်ရှိစေဖို့ အကောင်းဘက်ဦးတည်ထားရင်း အပြောင်းအလဲတွေနဲ့ ဆန်းသစ်တဲ့ စိတ်ကူးတွေ အမြဲ ထည့် သွင်းထားဖို့ လိုအပ်တဲ့အပြင် ပြန်လည်သုံးသပ်မှုတွေ ပြုလုပ်ဖို့လည်းလိုပါတယ်။ 

၁၀။ ကိုယ်ရေးကိုယ်တာခံစားချက်တွေကိုအလုပ်ထဲမှာထုတ်ဖော်မပြပါနဲ့ 

လုပ်ငန်းခွင်ထဲကို ရောက်ပြီဆိုတာနဲ့ ကိုယ်ရေးကိုယ်တာဇာတ်လမ်းတွေကို တံခါးပေါက်မှာကတည်းက ချန်ထားရစ်ခဲ့ပါတော့။ ကိုယ့်ရဲ့ အချစ်ရေးအချစ်ရာကိစ္စတွေ ဒါမှမဟုတ် မိသားစုအရေးကိစ္စတွေနဲ့ ပတ်သက်ပြီး ထုတ်ဖော်ခံစားပြနေမယ်ဆိုရင် လုပ်ငန်းပြီးမြောက်ဖို့အတွက် ကြိုးစားနေတဲ့ သူတွေဆီက မလေးမစားဆက်ဆံခံရတာမျိုး ကြုံတွေ့ရပါလိမ့်မယ်။ 

လုပ်ငန်းခွင်အတွင်းမှာ စိတ်ထိခိုက်စရာ ကြုံတွေ့ရတာ ဒါမှမဟုတ် စိတ်ဖိစီးရတာတွေဆိုတာလူတိုင်းရင်ဆိုင်ရတဲ့ ကိစ္စတွေဖြစ်တာကြောင့် စိတ်ဆင်းရဲတာမျိုးမဖြစ်ပါနဲ့။ လူတိုင်းမှာ မှားယွင်းပြုလုပ်မိတာတွေရှိပါတယ်။ ဒါပေမဲ့ မှားမိတဲ့ကိစ္စကို သိပ်ပြီးစိတ်ထိခိုက်ခံစားတဲ့အခါ အများအမြင်မှာကိုယ်ကတည်ငြိမ်မှုမရှိတဲ့သူ၊ ယုံကြည်စိတ်ချဖို့ မကောင်းတဲ့သူအဖြစ် ထင်ရပါလိမ့်မယ်။ ကိုယ်က ဆုံးရှုံးရတယ်လို့ ခံစားရတဲ့အခါမှာ ကိုယ်တိုင်ပဲ စိတ်သက်သာရာရအောင်လုပ်ပါ။ အပြင်ဘက်ကို
ထွက်ပြီးအသက်ဝဝရှုလိုက်ပါလို့ အကြံပြုလိုပါတယ်။ 

၁၁။ ငြင်းသင့်တဲ့အချိန်မှာ No လို့ ငြင်းတတ်ပါစေ 

အများတကာ ရိုသေလေးစားတာကိုခံရဖို့နဲ့ ပတ်သက်လို့ အမျိုးသမီးအများစုမှာ မှားယွင်းတဲ့ ယူဆမှုတွေ ရှိနေပါတယ်။ လုပ်ငန်းခွင်အတွင်းမှာအများရှေ့ရောက်ဖို့ဆိုရင် တောင်းဆိုလာသမျှ အရာအားလုံးကို ဆောင်ရွက်ပေးတာနဲ့ ယဉ်ကျေး
သိမ်မွေ့စွာ ပြုမူပြောဆိုတာလို့ ထင်တတ်ကြပါတယ်။ မှန်ပါတယ်။ ဒီလိုလုပ်တာက ကိုယ့်ကုမ္ပဏီအပေါ်မှာ ကိုယ့်ကျေးဇူးနဲ့ တန်ဖိုးအတွက် သက်သေ ပြရာရောက်ပါလိမ့်မယ်။ ဒါပေမဲ့ ဒီလိုလုပ်လို့ ကျေးဇူးအတင်မခံရသလို တလေးတစားလည်း ပြုမူခံရမှာမဟုတ်ပါဘူး။ 

လုပ်ငန်းခွင်အတွင်းမှာ နှစ်သက်သဘောကျခံချင်တာနဲ့ ရိုသေလေးစားခြင်းခံရတယ်ဆိုတာ နှစ်ခုကကွာခြားတယ်ဆိုတာကို သတိပြုမိဖို့ လိုပါတယ်။ တကယ်လို့ သင်ကအများ သဘောကျတာကို လိုချင်တယ်ဆိုရင် သေချာတာကတော့ စွန့်စားရမှာဘဲ ဖြစ်ပါတယ်။ 

တစ်စုံတစ်ယောက်က ကိုယ့်ရာထူးနဲ့ မကိုက်ညီတဲ့ လက်တိုလက်တောင်းကိစ္စလေးတွကို ပြုလုပ်ပေးဖို့ တောင်းဆိုလာတဲ့အခါ သင့်အနေနဲ့ နားလည်တဲ့အကြောင်း၊ ပြီးစီးအောင် ဆောင်ရွက်နိုင်တဲ့ အကြောင်းပြောရမှာဖြစ်ပေမယ့် သင်တာဝန်ယူရမယ့် ကိစ္စရပ်တွေအပေါ်မှာ အာရုံပိုစိုက်ရမယ့် အကြောင်းကိုလည်း ပြောပြဖို့ လိုပါတယ်။ ကိုယ်နဲ့ ထိုက်တန်တဲ့ တာဝန်ကိုဆောင်ရွက်ပေးဖို့အတွက် တလေးတစားတောင်းဆိုခံရတာမျိုး ဖြစ်သင့်ပါတယ်။ 

ဖော်ပြခဲ့တဲ့ အချက်တွေထဲက ပရိသတ်ကြီးနဲ့ ကိုက်ညီအဆင်ပြေမယ့် နည်းလမ်းတချို့ ပါရှိလိမ့်မယ်လို့ မျှော်လင့်မိပါတယ်။ လုပ်ငန်းခွင်အတွင်းမှာ အဆင်ပြေကြပါစေလို့ ဆန္ဒပြုရင်း ဒီတစ်လအတွက် နှုတ်ဆက်လိုက်ပါတယ်။ 
Ref: Women In The Workplace: 12 Ways To Gain And Keep Respect
By Kelley Lord