Primary tabs

အလုပ်တစ်ခုပြီးတစ်ခု ပြောင်းတယ်ဆိုတာ မကောင်းဘူးတဲ့လား

အလုပ်တစ်ခုကနေတစ်ခု ခုန်ကျော်ကူးပြောင်းနေတတ်တဲ့ ဝန်ထမ်းတွေကို Job Hopper ဆိုပြီး ခေါ်တတ်ကြပါတယ်။ အလုပ်လျှောက်ထား ရှာဖွေသူတစ်ယောက်အနေနဲ့ ဝန်ထမ်းသစ်ရွေး ချယ်  ခန့်အပ်တဲ့သူတွေက ကိုယ့်ရဲ့ အလုပ်လျှောက် 
လွှာထဲမှာ ရေးသားထားတဲ့ အလုပ်သမိုင်းကြောင်းမှာ ဟ နေတဲ့ အကြောင်းအရာတွေ၊ ကွက်လပ်ဖြစ်ကျန်ခဲ့ရတဲ့ အကြောင်းအရင်းတွေကို ရှာဖွေကြမယ်ဆိုတာ နားလည်ထားပြီးသားဖြစ်နေဖို့ လိုအပ်ပါတယ်။ အလုပ်လျှောက်လွှာထဲမှာ ကွက်လပ်ဖြစ်ခဲ့တဲ့ အကြောင်းအရာလေးတွေကြောင့် အများနဲ့ ယှဉ်ပြိုင်အရွေးခံကြတဲ့အချိန်မှာ ကိုယ်က နောက်ရောက်သွားတာမျိုးလည်း ဖြစ်နိုင်ပါတယ်။ ဒါကြောင့် ရာထူးတစ်ခုအတွက် အင်တာဗျူးဖြေကြား ခွင့်ရတဲ့အခါမှာ အလုပ်တွေ တစ်နေရာကနေ တစ်နေရာကို ပြောင်းခဲ့ရတဲ့ အကြောင်းနဲ့ ပတ်သက်လို့ အဓိကအကြောင်းပြချက်တွေ သေသေချာချာ ပြင်ဆင်မှုပြုလုပ်ထားခြင်းက အကောင်းဆုံး ဖြစ်ပါလိမ့်မယ်။

သင်က ၂ နှစ်အတွင်းမှာ အလုပ် ၄ ခု ပြောင်းခဲ့တယ်ဆိုပါစို့။ အင်တာဗျူးမေးတဲ့ ပုဂ္ဂိုလ်က  အလုပ်တွေပြောင်းခဲ့ရခြင်းရဲ့ အကြောင်းပြချက်ကို သိချင်ပါလိမ့်မယ်။ ဝန်ထမ်းသစ်ရွေးချယ်ခန့် အပ်ခြင်းဆိုတာဟာ အချိန်ယူရတဲ့ လုပ်ငန်းစဉ်တစ်ခုဖြစ်ပြီး နေရာတစ်ခုအတွက် ကိုက်ညီသင့်တော်မယ့် လူကို ရှာဖွေရခြင်းဖြစ်တာကြောင့် တစ်စုံတစ်ယောက်က မျှော်လင့်မထားလောက်တဲ့ အချိန်တိုလေးလောက်သာ လုပ်ကိုင်ပြီးတဲ့နောက် နှုတ်ထွက်မယ်ဆိုရင် ကုမ္ပဏီကို အခက်တွေ့စေပါတယ်။ အလုပ်တစ်ခုကနေ တစ်ခု ခုန်ကျော်ကူးပြောင်းနေတဲ့ Job Hopper တစ်ယောက် အလုပ်ကနေ နှုတ်ထွက်တဲ့အခါတိုင်း လူ့စွမ်းအား အရင်းအမြစ်ဌာနက လစ်ဟာသွားတဲ့နေရာကို ဖြည့်ဆည်းဖို့ အချိန်ယူဆောင်ရွက်ကြရပါတယ်။ ဒါကြောင့် အင်တာဗျူးမေးမြန်းတဲ့သူတွေက အရင်အလုပ်ကနေ ဘာကြောင့်နှုတ်ထွက်လာခဲ့ရသလဲဆိုတဲ့ အကြောင်းပြချက်ကို အမြဲလိုလို မေးမြန်းနေရခြင်းပါ။ တကယ်လို့ အင်တာဗျူးမေးတဲ့သူက သင်ဟာ အလုပ်တစ်ခုမှာ ရေရှည်လုပ်ကိုင်မယ့် ပုံစံမျိုးမတွေ့ရဘူးလို့ ခန့်မှန်းမိသွားတဲ့အခါမှာတော့ သူတို့အနေနဲ့ သင့်ကို ဂရုတစိုက် ထည့်သွင်းစဉ်းစားခြင်းပြုတော့မှာ မဟုတ်ပါဘူး။ ဒါကြောင့် တစ်နေရာတည်းမှာ အချိန်အကြာကြီး အလုပ်လုပ်ကိုင်ဖို့ ဆန္ဒမရှိဘူးဆိုရင်တောင်မှာ အင်တာဗျူးမေးခွန်းတွေအတွက် အဖြေကိုတော့ သေသေချာချာ ပြင်ဆင်ထားဖို့လိုပါတယ်။ 

Job Hopper အမျိုးမျိုး 
မလွဲသာလို့ အလုပ်ပြောင်းသူများ မလွဲသာလို့ အလုပ်ပြောင်းရတယ် ဒါမှမဟုတ် အလုပ်  တစ်ခုကနေ အခြားအလုပ်ကို ခုန်ကူးရတယ်ဆိုတဲ့သူတွေဟာ များသောအားဖြင့် သူတို့ရဲ့အချိန် တွေကို အလုပ်မှာဘဲ နစ်မြှုပ်ထားပြီး သူတို့ပေးနိုင်တာ အကုန်ပေးတဲ့သူ တစ်နည်းအားဖြင့် အလုပ်ကို သူတို့လုပ်နိုင်သမျှ အကောင်းဆုံး အချိန်ပေးပြီး ဆောင်ရွက်တတ်ကြတဲ့သူတွေပါ။ ဒါထက်ပိုပြီး တောင်းဆိုမှုတွေရှိလာတဲ့အခါ အဲ့ဒီအလုပ်ကို စွန့်ခွာဖို့ သူတို့က ဆုံးဖြတ်ထားကြပါတယ်။ 

ငြီးငွေ့လာလို့ အလုပ်ပြောင်းသူများ
ပျင်းရိငြီးငွေ့လာလို့ အလုပ်ပြောင်းတဲ့သူတွေဆိုတာကတော့ အချိန်တိုတစ်ခုလောက်သာ အာရုံစူးစိုက်နိုင်ကြတဲ့သူတွေဖြစ်ပြီး သူတို့ရဲ့ စိတ် ပါဝင်စားမှုအတွက် ပုံမှန်ဆိုသလို အလုပ်ပြောင်းဖို့ လိုအပ်တယ်လို့ ခံစားရတတ်သူတွေကို ခေါ်နိုင်ပါတယ်။ 

အခွင့်အလမ်းအတွက် အလုပ်ပြောင်းသူများ
အခွင့်အလမ်းကောင်းတွေ ရယူပိုင်ဆိုင်နိုင်ဖို့ အလုပ်ပြောင်းတဲ့သူတွေကတော့ ကောင်းမွန်တဲ့ ကမ်းလှမ်းချက်တွေကို မလွန်ဆန်ဝံ့ကြသူတွေလို့ ဆိုရမှာပါ။ တစ်စုံတရာက ပိုကောင်းတယ်လို့ အရိပ် အမြွက်တွေ့မယ်ဆိုတာနဲ့ ခုန်ကူးတတ်ကြတဲ့ သူတွေပေါ့။ 

အသက်မွေးဝမ်းကြောင်း အလုပ်ပြောင်းသူများ
အသက်မွေးဝမ်းကြောင်းအဖြစ် ရပ်တည်လုပ်ကိုင်နိုင်ဖို့ အလုပ်ပြောင်းကြတဲ့သူတွေကတော့ သူတို့ ဘာလိုချင်တယ်ဆိုတာကို မဆုံးဖြတ်နိုင်ကြ ပါဘူး။ သူတို့ရဲ့ အလုပ်သမိုင်းကြောင်းကလည်း များသောအားဖြင့် အလုပ်ရှာဖွေရေး ကြေငြာချက်
စာရွက်တွေထဲက လစ်လပ်နေရာတွေနဲ့ ဆင်တူနေတတ်ပါတယ်။ (စားဖိုမှူးအဖြစ် လုပ်ကိုင်ခဲ့တာ ၆ လ၊ ရေငုပ်သူတွေအတွက် ညွှန်ကြားလေ့ကျင့်ပေးသူအဖြစ် လုပ်ကိုင်ခဲ့တာ ၃ လ၊ ဆိုင်ပိုင်ရှင် အလုပ်ကတော့ ၄ လ) စသဖြင့်ပေါ့။ 

အလုပ်တစ်ခုကနေတစ်ခု ခုန်ကျော်ကူးပြောင်း တတ်သူတွေရဲ့ ကောင်းမွန်တဲ့အချက်များ 
ဝန်ထမ်းရှာဖွေ ခန့်ထားတဲ့သူတွေဟာလည်း အများအားဖြင့်တော့ ကျွန်တော်တို့လိုဘဲ အလုပ်ခုန်တဲ့သူတွေကို မကောင်းတဲ့ဘက်ကနေ ရှုမြင်တွေးတောတတ်ကြပါတယ်။ ဒါပေမဲ့ အလုပ်ခုန် တတ်တဲ့ တစ်စုံတစ်ယောက်အနေနဲ့ အားသာတဲ့ အချက်တွေလည်း ရှိနေပါသေးတယ်။ 

မတူကွဲပြားတဲ့ ပတ်ဝန်းကျင်တွေမှာ အလုပ်လုပ်ဖူးခြင်း
အလုပ်ခုန်ကူးတတ်တဲ့သူတွေဟာ ကုမ္ပဏီ အမျိုးမျိုးမှာ အလုပ်လုပ်ဖူးတာကြောင့် မတူညီတဲ့ ပတ်ဝန်းကျင်အမျိုးမျိုးမှာ အလုပ် လုပ်ကိုင်ဖူးတဲ့ အတွေ့အကြုံရှိပါတယ်။ အဲ့ဒီအတွေ့အကြုံကြောင့်ဘဲ သူတို့က အပြောင်းအလဲကို အလိုက်သင့်အလျားသင့် ပြုလုပ်ဆောင်ရွက်နိုင်စွမ်းလည်း ပိုရှိပါတယ်။ ပုံစံခွက်တစ်ခုမှာ အသားကျနေသလိုမျိုး အလုပ်တစ်ခုတည်းကိုဘဲ  ပုံမှန်လုပ်ကိုင်နေတဲ့ ဝန်ထမ်းတစ်ယောက်ဟာ သူအလုပ်လုပ်နေတဲ့ ကုမ္ပဏီအတွင်းမှာဘဲ ပြောင်းလဲမှုတွေပြုလုပ်ခဲ့မယ်ဆိုရင်တောင် သူ့အတွက် အရမ်းကြီး ခက်ခဲနေနိုင်ပါတယ်။ အပြောင်းအလဲတွေနဲ့ အသားကျနေတဲ့သူ တစ်ယောက်အနေနဲ့တော့ အလိုက်သင့်လေး စီးမျောပြောင်းလဲလိုက်ရုံပါဘဲ။ 

အမျိုးမျိုးသော ကျွမ်းကျင်မှုများရှိနေခြင်း
မတူညီတဲ့ ကုမ္ပဏီအမျိုးမျိုးမှာ အလုပ်လုပ်ခဲ့တဲ့အတွက်ကြောင့် ကျွမ်းကျင်တတ်မြောက်မှုတွေလည်း တိုးလာစရာရှိပါတယ်။ အထွေထွေသော ကျွမ်းကျင်မှုတွေက ကုမ္ပဏီအတွက်လည်း သိပ်ကို အသုံးဝင်တဲ့ အရည်အချင်းတွေဖြစ်ကြောင်း သက် သေပြနိုင်ပါသေးတယ်။ မကြာခဏဆိုသလို အလုပ်ခုန်ကူးတတ်တဲ့သူတွေဟာ နယ်ပယ်တစ်ခုမှာ အထူးကျွမ်းကျင်တတ်ကြတဲ့သူတွေနဲ့အတူ အလုပ်လုပ်ကိုင်ခဲ့ဖူးကြပါတယ်။ အလုပ်အမျိုးမျိုး ပြောင်းတတ်တဲ့သူတွေဟာ သူတို့နဲ့အတူ လုပ်ကိုင်တဲ့သူတွေဆီကနေ အထွေထွေသော ကျွမ်းကျင်မှုတွေကို သင်ယူခဲ့ရတာကြောင့် ကျွမ်းကျင်မှုအမျိုးမျိုး တိုးပွားလာကြပါတယ်။ 

အဆက်အသွယ်များများရှိတာကြောင့် ကွန်ရက်ပိုပြီး ကျယ်ပြန့်ခြင်း
ယျေဘုယျအားဖြင့် အလုပ်ခုန်ကူးတဲ့သူတွေဟာ ကုမ္ပဏီတစ်ခုတည်းမှာဘဲ တစ်သက်လုံး လုပ်ကိုင်သူတွေနဲ့ ယှဉ်မယ်ဆိုရင်  အလုပ်ကိစ္စနဲ့ပတ်သက်ပြီး အဆက်အသွယ်တွေ ပိုပြီး များများစားစားရှိတတ်ပါတယ်။ အဆက်အသွယ်တွေ အများ
ကြီးရှိနေတဲ့ ဝန်ထမ်းတွေဟာ ကုမ္ပဏီအတွက် ပိုပြီး အသုံးဝင်နိုင်တဲ့အကြောင်း သက်သေပြလို့ ရနိုင်ပါတယ်။ 

ကုမ္ပဏီအရွယ်အစား အမျိုးမျိုးမှာ လုပ်ကိုင်တဲ့ အတွေ့အကြုံရှိခြင်း
အရွယ်အစား မတူညီတဲ့ ကုမ္ပဏီတွေမှာ တစ်ခုနဲ့တစ်ခု မတူဘဲ ထူးခြားတဲ့ လုပ်ကိုင်ဆောင် ရွက်မှု နည်းလမ်းတွေ ရှိနေတတ်ပါတယ်။ ဘယ်ဟာက အလုပ်ဖြစ်တယ်၊ ဘာကတော့ အလုပ်မဖြစ်နိုင်ဘူးဆိုတာကို တွေ့ကြုံ သိနှင့်နေတဲ့ ဝန်ထမ်းက ကုမ္ပဏီအတွက်လည်း ပိုပြီးအလုပ်ဖြစ်နိုင်ကြောင်း ပြောလို့ရပါသေးတယ်။ 

စိတ်အားထက်သန်မှုပိုရှိခြင်း
အလုပ်ခုန်ကူးသူတွေဟာ ကုမ္ပဏီရဲ့ လုပ်ငန်းပြီးမြောက်မှုအတွက် မြှင့်တင်အားဖြည့်ပေးတဲ့သူလည်း ဖြစ်နေတတ်ပါတယ်။ ဘာကြောင့်လဲဆို တော့ လူတိုင်းဟာ အလုပ်သစ်တစ်ခုကို စတင် လုပ်ကိုင်တဲ့အခါ ကောင်းမွန်တဲ့အမြင်နဲ့သာ ရှု့မြင်
တွေးထင်ခံချင်ကြတာကြောင့်ပါဘဲ။ တချို့သော အလုပ်ခုန်ကူးသူတွေဟာ အလွန်အမင်းအပျင်း ထူသူတွေဖြစ်နိုင်တယ်လို့ ခန့်မှန်းထားကြတာတွေ ရှိနေပါတယ်။ အလွန်အမင်း အပျင်းထူခြင်းက အလုပ်တွေခုန်ကူးနေရခြင်းရဲ့ အကြောင်းပြချက် လည်း ဖြစ်နိုင်တာကြောင့်ပါ။ 

ကြောက်ရွံ့မှုကင်းကင်းနဲ့  ချဉ်းကပ်ဆောင်ရွက်တတ်ခြင်း 
အလုပ်ခုန်ကူးတဲ့ သူတွေဟာ များသေားအားဖြင့်တော့ အသစ် အသစ်သော အရာတွေကို ကြိုးစားကြည့်ဖို့ ကြောက်လန့်မနေတတ်ကြပါဘူး။ တချို့သော အနေအထားတွေမှာ ကြောက်ရွံ့မှုကင်းစွာ ချဉ်းကပ်ဆောင်ရွက်နိုင်မှုတွေက ကုမ္ပဏီအတွက် သိပ်ကို အသုံးဝင်တဲ့အချက်အဖြစ် ထည့်သွင်းပြော ဆိုလို့ ရပါတယ်။ 

ဖော်ပြခဲ့တဲ့ အချက်တွေကတော့ အလုပ်တစ်ခုကနေ တစ်ခုကို မကြာခဏဆိုသလို ပြောင်းေ ရွှ့တတ်သူတွေအတွက် အကောင်းဘက်က တွေးမြင်ထားတဲ့ အားသာချက်တွေဘဲဖြစ်ပါတယ်။ ဒါပေမဲ့ တချို့သူတွေကတော့ တစ်နေရာကနေ တစ်
နေရာကို ပြောင်းရွှေ့ရင်းကနေ ကိုယ့်ကို စိတ်ကျေနပ်နှစ်သက်စေနိုင်တဲ့ အလုပ်တစ်ခုမှာ ရေရှည်ရပ်တည်လုပ်ကိုင်ချင်ကြပါတယ်။ 

အလုပ်ခုန်ကူးခြင်းကို ဘယ်လိုရှောင်ကြမလဲ
တကယ်လို့ သင်ဟာ အလုပ်ခုန်ကူးတတ်သူတစ်ယောက်ဖြစ်ပြီး လအနည်းငယ်ထက် ပိုပြီးတော့ ကျေနပ်နှစ်သက်စွာ လုပ်ကိုင်နိုင်တဲ့ အလုပ်ကို ရရှိဖို့ နည်းလမ်းရှာဖွေချင်နေတဲ့သူဆိုရင်တော့ အောက်မှာဖော်ပြထားတဲ့ တချို့သော အချက်တွေကို အလေးထား တွေးတောကြည့်ကောင်း တွေး ကြည့်နိုင်ပါတယ်။

ကိုယ်လုပ်နေတဲ့ ကုမ္ပဏီမှာ ရာထူးတိုးတယ်
ကိုယ့်ရဲ့ ကြိုးစားဆောင်ရွက်မှုတွေ အားလုံးကို အစကနေအဆုံး ပြန်လည်ဆောင်ရွက်ရဖို့ အခြားကုမ္ပဏီကို ဘာလို့ပြောင်းချင်ရတာပါလဲ။ ကုမ္ပဏီတစ်ခုတည်းမှာဘဲ ပိုများတဲ့ တာဝန်တွေကို စိတ်အားထက်သန်စွာ ဆောင်ရွက်ခြင်းဖြင့်လည်း ရာထူးနေရာ တိုးတက်လာနိုင်ပါတယ်။ ကုမ္ပဏီမှာ ရှိနေတဲ့ အခွင့်အလမ်းတွေကို မျက်စိရှင်ရှင်နဲ့ စောင့်ကြည့်နေသင့်ပြီး အခွင့်အလမ်းပေါ်တာနဲ့ သက်ဆိုင်သူဆီကိုလည်း ချဉ်းကပ်ဖို့ လိုအပ်ပါတယ်။  

ကိုယ့်နေရာကနေ စိန်ခေါ်မှု အသစ်တွေကို လုပ်ဆောင်ပေးပါ 
ကိုယ့်ရဲ့နေရာကနေဘဲ စိန်ခေါ်မှုအသစ်တွေကို လုပ်ကိုင်ဆောင်ရွက်ကြည့်ပါ။ စိန်ခေါ်မှုအသစ်တွေအပေါ်မှာ လုပ်ကိုင်ရခြင်းက ဦးနှောက်ကို လှုံ့ဆော်ပေးတဲ့အပြင် စိန်ခေါ်မှုတွေကို နှစ်သက်ကြောင်းလည်း ပြသလို့ရပါလိမ့်မယ်။ စိန်ခေါ်မှုတွေအပေါ်မှာ ကိုင်တွယ်ဖြေရှင်းတဲ့ ကိုယ့်ရဲ့ ဆောင်ရွက်ချက်တွေကို အလုပ်ရှင်က နှစ်သက်တဲ့အခါမှာ ရာထူးတိုးဖို့ ဦးတည်သွားနိုင်ပါတယ်။ 

ကိုယ့်အလုပ်နဲ့ကို အမြဲရှုပ်နေပါစေ
ကိုယ့်အလုပ်နဲ့ ကိုယ်အမြဲမအားမလပ်ဖြစ်နေတဲ့အခါမှာ အခြားအလုပ်တစ်ခုကို ခုန်ကူးဖို့အ တွက် စဉ်းစားမိမှာ မဟုတ်တော့ပါဘူး။ ကိုယ်ပါဝင်ရတဲ့ အခန်းကဏ္ဍအတွင်းမှာဘဲ ပြီးမြောက်အောင်မြင်အောင် ဆောင်ရွက်ရမယ့် ရည်မှန်းချက်ပန်းတိုင်တွေကို ချမှတ်ခြင်းဖြင့် ကိုယ့်ကိုကိုယ် တက်ကြွလှုပ်ရှားမှု ရှိနေပါစေ။ ဆောင်ရွက်ရမယ့် အလုပ်စာရင်းကို ပြုလုပ်ထားခြင်းဖြင့်လည်း သွားလိုတဲ့ လမ်းကြောင်းမပျောက်ဘဲ လိုရာပန်းတိုင်ကို ရောက်ရှိအောင် လုပ်ဆောင်နိုင်ဖို့ အကူအညီဖြစ်စေပါတယ်။ 

ကျွန်တော်တို့ဟာ များသောအားဖြင့်တော့ သူများဆီမှာရှိနေတဲ့ အရာတွေက ကိုယ့်ဆီမှာ ရှိနေတာတွေထက် ပိုသာတယ်လို့ အမြဲတမ်းတွေးမိတတ်ကြပါတယ်။ တကယ်တော့ ဘယ်အလုပ်မှာမဆို အတက်နဲ့ အကျဆိုတာ ရှိစမြဲပါဘဲ။ အလုပ်တစ်ခုက ခက်ခဲတဲ့နေရာမှာ ရှိနေခဲ့တယ်ဆိုရင် နှုတ်ထွက်ဖို့ ဆုံးဖြတ်ချက်မချခင်မှာ အလုပ်ကနေရရှိမယ့် အကောင်းနဲ့ အဆိုးတွေကို ချိန်ညှိကြည့်ပါ။ ကိုယ်ကအကောင်းဆုံး ကြိုးစားခဲ့ပေမယ့် အရာရာက ဆုံးရှုံးနေရတယ်၊ အခြေအနေဆိုးရွား
နေတယ်ဆိုရင် အခြားတစ်နေရာကို ရွေ့သွားသင့်တဲ့ အချိန်ပါဘဲလို့ အကြံပြုရင်း နှုတ်ဆက်ပါတယ်။ 
Is Being a Job Hopper a Bad Thing?
By Daniel Briggs