Primary tabs

အလုပ်ခုန်ကူးသူတွေအတွက် အကောင်းဆုံးကိုယ်ရေးအကျဉ်းပြင်ဆင်နိုင်ဖို့ ဗျူဟာ (၇) ရပ်

အရင်တုန်းကတော့ အလုပ်တစ်ခုကို စဝင်ကြပြီဆိုတာနဲ့ ဘဝတစ်လျှောက်လုံးနီးပါး မိမိစတင်လုပ်ကိုင်ခဲ့ရာ ကုမ္ပဏီမှာဘဲ အလုပ်လုပ်တတ်ကြပါတယ်။ တချို့ဆို ပင်စင်ယူရတဲ့ အသက်အရွယ်အထိ အလုပ်လုပ်ခြင်းကနေ အနားမယူမီကာလတစ်ခုအထိ ကုမ္ပဏီတစ်ခုတည်းမှာဘဲ အလုပ်လုပ်သွားခဲ့ကြတာမျိုးတွေ ရှိခဲ့တာပေါ့။ သေချာတာတစ်ခုကတော့ အချိန်တွေက ပြောင်းလဲသွားခဲ့ပါပြီ။ အလုပ်တွေကို မကြာခဏဆိုသလို ပြောင်းရွှေ့နေကြရတဲ့ ယနေ့ခေတ်မှာတော့ အလုပ် တစ်ခုမှာ ဘဝတစ်လျှောက်လုံး လုပ်ကိုင်ဖို့ဆိုတာက စိတ်ကူးယဉ်ကြည့်ဖို့တောင် ခက်ခဲတဲ့အရာလို့ ဆိုရမလားပါဘဲ။

တကယ်လို့ သင့်ရဲ့ ကိုယ်ရေးအကျဉ်းဟာ အချိန်အတိုင်းအတာ တစ်ခုထိသာ လုပ်ကိုင်ထားတဲ့ အလုပ်တွေနဲ့ ရာထူးနေရာတစ်ခုပြီး တစ်ခုကနေ ထွက်ခွာလာရတဲ့အကြောင်း ပါရှိနေမယ်ဆိုရင် ဝန်ထမ်းရှာဖွေတဲ့ မန်နေဂျာအနေနဲ့ သင်ဟာ အလုပ်ခုန်တတ်တဲ့သူတစ်ယောက်အဖြစ် သိမြင်သွာပါလိမ့်မယ်။ ဒါပေမဲ့ ဒီလိုအခြေအနေကိုလည်း မဖြစ်မနေတော့ လက်ခံရမှာပါဘဲ။ 

 ‘အလုပ်ခုန်ကူးတဲ့သူ’ ဆိုတဲ့ အမည်ဟာသင့်အနေနဲ့ ညွှန်းဆိုမခံလိုတဲ့ အမည်တစ်ခု ဖြစ်ပါလိမ့်မယ်။ နောက်ပြီး ကုမ္ပဏီအများစုကလည်း ပုံမှန်အားဖြင့်တော့ အလုပ်ခုန်ကူးတတ်သူတွေကို မနှစ်သက်တတ်ကြပါဘူး။

တကယ်လုိ့ သင်က ကုမ္ပဏီတစ်ခုကနေ တစ်ခုကို မကြာခဏဆိုသလို ပြောင်းရွှေ့နေရတယ် ဆိုရင် အလုပ်တစ်ခုစီမှာလည်း အချိန်တိုလေးသာ အလုပ်လုပ်ခဲ့တယ်ဆိုရင် သင့်ရဲ့ ကိုယ်ရေးအကျဉ်း ကို ဘယ်လိုခိုင်မာအောင် ရေးရမလဲဆိုတာနဲ့ အလုပ်ခုန်ကူးတဲ့သူအဖြစ် သတ်မှတ်ခံရခြင်းကနေ ရှောင်ရှားလို့ရမလဲဆိုတဲ့အချက်တွေကို ဖော်ပြပေးချင်ပါတယ်။ 

Why Do Companies Want to Avoid Hiring Job Hoppers?
ကုမ္ပဏီတွေက အလုပ်ခုန်ကူးတဲ့သူတွေကို ဘာကြောင့် ရှောင်ရှားချင်ကြတာလဲ။ 
မန်နေဂျာတွေ ရှာဖွေတတ်တဲ့ အရာတစ်ခုကတော့ အရင်ကဘာတွေကို ဘယ်လိုလုပ်ခဲ့သလဲဆိုတဲ့ ပုံစံကိုပါဘဲ။ ကောင်းမွန်တဲ့ပုံစံဆိုတာ ကုမ္ပဏီတိုင်းမှာ ရာထူးတိုးမြင့်ပေးခြင်းခံရတဲ့သူမျိုးကို ခေါ်နိုင်မယ်ထင်ပါတယ်။ အလုပ်တွေကို နှစ်စဉ်ပုံမှန်ဆိုသလို စွန့်ခွာနေတာ ဒါမှမဟုတ် မကြာခဏဆိုသလို ထွက်ခွာနေပါသလားဆိုတာကိုလည်း ကြည့်ပါတယ်။ အလုပ်ခန့်အပ်ဖို့ ဝန်ထမ်းရှာဖွေနေတဲ့ မန်နေဂျာတွေအတွက်ကတော့ ဒီလိုပုံစံမျိုးရှိတဲ့ ဒီလိုဝန်ထမ်းမျိုးဟာ အလုပ်တစ်ခုမှာ အချိန်အကြာကြီးနေမယ့် အနေအထားမှာ မရှိတာကြောင့် သူ့နေရာအတွက် အခြားတစ်ယောက်ကို ခပ်မြန်မြန်ပြန်ရှာရလိမ့်မယ်ဆိုတာကို သိမြင်ေ စဖို့ ညွှန်ပြပေးနေတတ်ပါတယ်။ 

ဒါက ကုမ္ပဏီတွေအနေနဲ့ အလုပ်ခုန်ကူးတဲ့သူတွေကို ရှောင်ရှားလိုတဲ့ အကြောင်းအရာတွေထဲက တစ်ခုဖြစ်ပါတယ်။ ဘာကြောင့်လဲဆိုတော့ ဝန်ထမ်းသစ်တွေ ငှားရမ်းရခြင်းက ကုန်ကျစရိတ် မနည်းကြလို့ပါ။ အင်တာဗျူးဖို့၊ သင်တန်းပေးဖို့နဲ့ ဝန်ထမ်းသစ်ကို ကုမ္ပဏီ ဒါမှမဟုတ် အဖွဲ့အစည်းနဲ့ ပေါင်းစပ်မိလာစေဖို့ သုံးရတဲ့အချိန်ကစလို့ ဝန်ထမ်းသစ်က လုပ်ငန်းကို အမှန်တကယ် နားလည်တတ်ကျွမ်းပြီး ကောင်းကောင်းအသုံးဝင်လာတဲ့ အချိန်အထိ ပေါင်းထည့်ပေးမယ်ဆိုရင် ကုမ္ပဏီရဲ့ အချိန်နဲ့ ငွေက သိသာတဲ့ ပမာဏတစ်ခုအထိ သုံးကြရလို့ဖြစ်ပါတယ်။ 

တစ်စုံတစ်ယောက်ရဲ့ နေရာကို အစားထိုးနိုင်ဖို့အတွက် ဖော်ပြခဲ့တဲ့ ကြိုးစားအားထုတ်မှုတွေကို ခြောက်လကနေ တစ်နှစ်လောက်အထိ ဘာ ကြောင့်အချိန်ယူရပါသလဲ။ ဝန်ထမ်းရှာဖွေနေတဲ့ မန်နေဂျာတွေဟာ လိုအပ်တဲ့ ကျွမ်းကျင်မှုတွေနဲ့ လိုအပ်တဲ့ နောက်ခံအကြောင်းအရာရှိတဲ့ ဝန်ထမ်းတွေကို တွေ့ရှိလိုကြတဲ့အပြင် အချိန်ကာလတစ်ခုအထိ ခန့်အပ်တဲ့ရာထူးမှာ တည်မြဲကြမယ့် ဝန်ထမ်းမျိုးကိုလည်း တွေ့ရှိကြရဖို့ စိတ်အားထက်သန် ကြပါတယ်။ 

အလုပ်ခုန်ကူးတာလေးကို မှေးမှိန်သွားစေဖို့ ကိုယ်ရေးအကျဉ်းရေးတဲ့အခါ ပြုလုပ်ရမယ့် ဗျူဟာ ၇ ခု 
သင့်ရဲ့ ကိုယ်ရေးအကျဉ်းဆိုတာဟာ သင့်အသက်မွေးဝမ်းကြောင်း လုပ်ငန်းအကြောင်းကို ပြောပြဖို့အတွက် အကောင်းဆုံး အခွင့်အရေးပါဘဲ။  ဒါကြောင့် သင်ဟာ သစ္စာရှိပြီး အားကိုးအားထား ပြုလို့ရတဲ့ ဝန်ထမ်းတစ်ယောက်ဖြစ်တဲ့အကြောင်းကို ကောင်းကောင်းပြောပြဖို့ လိုပါတယ်။

အလုပ်တွေ တစ်ခုပြီးတစ်ခုကို မကြာခဏ ပြောင်းခဲ့တဲ့အကြောင်း အာရုံမစိုက်မိစေဖို့ ရေးလို့ ရမယ့် နည်းလမ်းလေးတွေကတော့  ခိုင်မာတဲ့ အကျဉ်းချုပ် ဖော်ပြပေးပါ : ကိုယ်ရေးအကျဉ်းရဲ့ စာမျက်နှာထိပ်ဆုံးမှာ အလုပ်နဲ့ သက်ဆိုင်တဲ့ တတ်ကျွမ်းမှုဆိုင်ရာ အရည်အချင်း အကျဉ်းချုပ် ဒါမှမဟုတ် သင့်ရဲ့ ရည်မှန်းချက်ဟာ ကိုယ့်အကြောင်းကို ပြောပြရမယ့်နည်းလမ်းထဲက သိပ်ကို အရေးပါတဲ့ အကြောင်းအရာပါ။ သင့်အနေနဲ့ ‘ဘယ်ခုနှစ်တွေမှာတော့ ဈေးကွက်ရှာဖွေသူ တစ်ယောက်အနေနဲ့ အတွေ့အကြုံရှိခဲ့ပါတယ်’ ဒါမှမဟုတ် ‘နှစ်ပေါင်းများစွာ ရှင်သန်လုပ်ကိုင်နိုင်မယ့် နေရာတစ်ခုကို ရှာဖွေနေခဲ့တယ်’ ဆိုပြီး အတွေ့အကြုံအများကြီး ရှိတာကို အာရုံစိုက်မိစေဖို့နဲ့ နေရာ ဒါမှမဟုတ် ရာထူးတစ်ခုမှာ အကြာကြီး လုပ်ကိုင်နေထိုင်လိုတဲ့ ဆန္ဒရှိကြောင်းကိုလည်း ဖော်ပြလို့ရပါတယ်။ 

ရှိရှိသမျှ အရာတွေ ထည့်သွင်းရေးသားတာမျိုး မလုပ်ပါနဲ့ : တကယ်လို့ သင်ဟာ အလုပ်တစ်ခုမှာ ၂ နှစ်ကြာ လုပ်ကိုင်ခဲ့ပြီး ၂ လအကြာမှာ နောက်အလုပ်တစ်ခုကို ပြောင်းခဲ့တယ်၊ နောက် ၂ နှစ်အကြာမှာ နောက်အလုပ်တစ်ခုကို ထပ်ပြောင်းခဲ့မယ်ဆိုရင် ဒီလိုအခြေအနေမျိုးက လက်မခံနိုင်စရာမရှိတဲ့အပြင် တိုးတက်မှုလို့လည်း အသေအချာ ဆိုနိုင်တာပေါ့။ လအနည်းလောက်သာ လုပ်ခဲ့တဲ့ နေရာအကြောင်းကို ချန်လှပ်ထားခဲ့လိုက်ပါ။ ဒါဆိုရင် အလုပ်ပြောင်းခဲ့ရတဲ့ အကြောင်းအရာနဲ့ ပတ်သက်လို့ အင်တာဗျူးဖြေဆိုစဉ်အချိန်အတွင်းမှာ ဆွေးနွေးပြောဆိုဖို့ မလိုအပ်တဲ့အပြင် ဝန်ထမ်းရှာဖွေတဲ့ မန်နေဂျာတွေကလည်း ကိုယ်ရေးအကျဉ်း ကို ကြည့်တဲ့အခါမှာလည်း သင့်ကို အမှတ်လျှော့ပေးမိစေမယ့် အလားအလာတွေကို မြင်တော့မှာ မဟုတ်ပါဘူး။ နောက်ပြီး နောက်ထပ် သင်လိုချင်တဲ့အလုပ် ဒါမှမဟုတ် နှစ်ရှည်လုပ်ကိုင်လိုတဲ့ အလုပ်နဲ့ ဆက်စပ်မှုသိပ်မရှိတဲ့ အတွေ့အကြုံတွေဆိုရင်လည်း ထည့်သွင်းမထားတာက ပိုကောင်းပါတယ်။ 

အလုပ်တွေကို ပေါင်းစပ်လို့ရမယ့် အခွင့်အရေးတွေကို ရှာဖွေကြည့်ပါ : စာချုပ်ဝန်ထမ်း (အမြဲတမ်းဝန်ထမ်းမဟုတ်ဘဲ အချိန်ကာလတစ်ခု အထိသာ ငှားရမ်းခန့်အပ်ခံရသူ)အဖြစ် ကာလတစ်ခုအထိ အလုပ်လုပ်ဖူးပါသလား၊ မတူညီတဲ့ ကုမ္ပဏီတွေမှာ အချိန်တိုလေးတွေ အလုပ်လုပ်ခဲ့ ဖူးပါသလား။ လုပ်ခဲ့ဖူးတဲ့အလုပ်တွေအားလုံးကို ရာထူးတစ်ခုဖြစ်အောင် စုစည်းပေးလိုက်ပါ။ ဒီနည်းလမ်းက အလွတ်တန်းအလုပ် လုပ်ကိုင်နေသူတွေအတွက် အကူအညီဖြစ်စေပါတယ်။ ရုပ်သံဇာတ်လမ်း ထုတ်လုပ်တဲ့သူတွေလို အလုပ်ရေချိန် အတက်အကျရှိတဲ့ နယ်ပယ်မှာ အလုပ်လုပ်နေတဲ့ သူတွေအတွက်လည်း အသုံးဝင်ပါလိမ့်မယ်။ 

အလုပ်ခုန်ကူးရခြင်းက တမင်တကာ လုပ်ခဲ့တာမဟုတ်ကြောင်း ရှင်းလင်းပါစေ : ငွေကြေးပိုမိုရလိုတဲ့အတွက် ဒါမှမဟုတ် ပိုမိုကောင်းမွန်တဲ့ ခေါင်းစဉ်တစ်ခုအတွက် ရာထူးတွေ အများကြီး စွန့်ခွာခဲ့တဲ့ အလုပ်ခုန်ကူးတဲ့သူတွေကို အလုပ်ရှင် တစ်ယောက်အနေနဲ့ အပြုသဘောမဆောင်တဲ့ သုံးသပ်မှုမျိုးတွေ စဉ်းစားမိကောင်း စဉ်းစားမိပါ လိမ့်မယ်။ ဒါက ပုံမှန်အားဖြင့်တော့ အလုပ်တွေကို ရည်ရွယ်ချက်နဲ့ ပြောင်းရွှေ့ခဲ့တာ မဟုတ်တဲ့သူတွေအတွက် မှန်ချင်မှ မှန်ပါလိမ့်မယ်။ ဘာကြောင့် လဲဆိုတော့ ကုမ္ပဏီရဲ့ ဖွဲ့စည်းပုံ ပြင်ဆင်မှုကြောင့် အလုပ်ကနေ ရပ်စဲခံရတာ ဒါမှမဟုတ် ကုမ္ပဏီက လုပ်ငန်းတချို့ကို ရပ်ဆိုင်းလိုက်တာကြောင့် အလုပ်ကနေ ထွက်ခွာခဲ့ရတဲ့သူတွေ ရှိနေတတ်တာကြောင့် ဖြစ်ပါတယ်။ 

လတွေကို ချန်လှပ်ထားခဲ့လိုက်ပါ : တစ်ခါတရံမှာ ကိုယ်ရေးအကျဉ်းတွေဟာ ရက်စွဲတွေကို သိပ်ပြီးသိသာလွန်းစေပါတယ်။ ဘယ်အလုပ်မှာ ဘယ်နှစ်ခုနှစ် ဘယ်နှစ်လ ဘယ်နှစ်ရက်ကနေ ဘယ်လောက်အကြာအထိ အလုပ်လုပ်ခဲ့တယ် ဆိုတာမျိုးပေါ့။ ဒါပေမဲ့ အဲ့ဒီအတွက် နည်းလမ်းမရှိတာတော့မဟုတ်ပါဘူး။ မျက်လုံးဆိုတဲ့အရာက သိသာထင်ရှားတဲ့အရာကို ရှာဖွေလေ့ရှိတာကြောင့်မို့ နေ့ရက်တွေ ရက်စွဲတွေကို အလွယ်တကူ ကြည့်မိသွားစေမယ့် နေရာတစ်ခုမှာ ထားရှိပြီး အာရုံစိုက်စေတာထက် အလုပ်အကိုင် ဖော်ပြချက်ရဲ့ အဆုံးသတ်ကို ရွှေ့ထားပေးလိုက်ပါ။ နှစ်တွေ အများကြီး အလုပ်လုပ်ခဲ့တယ်လို့ ယူဆစေခြင်းအားဖြင့် သင့်ဟာ အလုပ်တစ်ခုကို ရေရှည်လုပ်ကိုင်လိုတဲ့ ဆန္ဒရှိတယ်လို့ ထင်မြင်မိပါစေ။ သင့်ရဲ့ ကိုယ်ရေးအကျဉ်းကို စနစ်တကျ ရှိစေခြင်းဖြင့် အမှတ်တွေ ပိုယူလို့ရပါတယ်။  

အထောက်အကူဖြစ်စေမယ့် အကြောင်းအရာတွေကို ရှင်းရှင်းလင်းလင်း ဖော်ပြပေးပါး အလုပ်ခုန်ကူးတဲ့ သူတွေနဲ့ ပတ်သက်လို့ အဓိကကျတဲ့ အကြောင်းအရာတွေထဲက တစ်ခုကတော့ ကုမ္ပဏီတစ်ခုမှာ ထိုက်သင့်အားလျော်တဲ့ ရင်းနှီးမြုပ်နှံမှုကို မပြုလုပ်ရသေးခင်မှာ သူတို့က အရင် ထွက်ခွာလာခဲ့ကြတာဘဲ ဖြစ်ပါတယ်။ 

လူအသစ်တစ်ယောက်ကို ငှားရမ်းရခြင်းဟာ အင်တာဗျူးတဲ့အချိန်ကစလို့ နောက်ခံအကြောင်း အရာတွေကို သိရှိအောင် သင်ကြားပေးရတဲ့အထိဆိုရင် ကုန်ကျစရိတ်က မသေးလှပါဘူး။ ဒါပေမဲ့တကယ်လို့ သင်က အလုပ်တစ်ခုမှာ တစ်နှစ်လောက်သာ လုပ်ခဲ့မယ်ဆိုရင် ဒါပေမဲ့ အဲ့ဒီအချိန်အတွင်းမှာ တစ်စုံတရာကို ပြောင်းလဲလုပ်ဆောင်နိုင်စွမ်း ရှိခဲ့တယ်ဆိုရင် ကိုယ်ရေးအကျဉ်းကို ကြည့် မိတဲ့သူက တစ်ခုခုမှားယွင်းနေသလားလို့ ထင်စရာရှိပါတယ်။ သင့်ရဲ့ ကိုယ်ရေးအကျဉ်းမှာ အောင်
မြင်ပြီးမြောက်မှု ရရှိခဲ့တဲ့ အပိုင်း တစ်နည်းအားဖြင့် သင်ကျွမ်းကျင်စွာ ဆောင်ရွက်နိုင်တဲ့အရာတွေကို စုစည်းဖော်ပြထားတဲ့ နေရာလေးကိုလည်း ထည့်သွင်းရေးသားဖို့ စဉ်းစားနိုင်ပါသေးတယ်။ ဒီလိုလုပ်ခြင်းဖြင့် ကိုယ့်ရဲ့ အောင်မြင်မှုရရှိခဲ့တဲ့ အပိုင်းတွေမှာဘဲ အာရုံစိုက်မိစေပါလိမ့်မယ်။ ပြီးတော့ ရာထူးနေရာအမျိုးမျိုးမှာ နေခဲ့တဲ့အချိန်တွေ အကြောင်းနဲ့ ပတ်သက်လို့ သတိမပြုမိတော့ဘူးပေါ့။ 

ကျွမ်းကျင်မှုတွေကို စုစည်းဖော်ပြထားတဲ့ ကိုယ်ရေးအကျဉ်းတစ်စောင်ဖြစ်အောင် ကြိုးစားကြည့်ပါ : အများစု သုံးနေကြတဲ့ ကိုယ်ရေးအကျဉ်းပုံစံက ကိုယ်လုပ်ခဲ့တဲ့ အလုပ်အကိုင်တွေကို ဟိုးအစကနေ အဆုံးအထိ အစဉ်လိုက်ရေးချထားတာ များပါတယ်။ ဒါပေမဲ့ ဒီလိုပုံစံကိုဘဲ ရွေးချယ်ရမယ်ဆိုတာက မဟုတ်သေးပါဘူး။ သင့်အနေနဲ့ ကိုယ့်ရဲ့ ကျွမ်းကျင်တတ်မြောက်မှုတွေနဲ့ ရရှိခဲ့တဲ့အောင်မြင်မှုတွေအပေါ် အာရုံစိုက် ရေးသားထားတဲ့ functional resume ဆိုတဲ့ ကိုယ်ရေးအကျဉ်းတစ်စောင်ကို ဖန်တီးလို့ရပါတယ်။ Hybrid resume လို့လည်းခေါ်ကြတဲ့ combination resume ကတော့ ကိုယ့်ကျွမ်းကျင်မှုတွေနဲ့ အလုပ်ရှင်အနေနဲ့ လိုချင်မယ်ထင်ရတဲ့ အလုပ်သမိုင်းကြောင်းတွေကို ထည့်သွင်းထားတဲ့ တစ်နည်းအားဖြင့် အများစုသုံးနေကျ ကိုယ်ရေးအကျဉ်းနဲ့ functional resume စတဲ့ ပုံစံနှစ်မျိုးကို ပေါင်းစပ်ပေးထားပါတယ်။ ဒါကြောင့် အဲ့ဒီလို ကိုယ်ရေးအကျဉ်းပုံစံမှာ  အလုပ်လုပ်ခဲ့တဲ့ နောက်ကြောင်းကို အစီအစဉ်တကျ စာရင်းပြထားပေမယ့် ရရှိခဲ့တဲ့ အောင်မြင်မှုတွေနဲ့ ကိုယ့်ရဲ့အရည်အချင်းနဲ့ ကျွမ်းကျင်မှုတွေကို သိသာထင်ရှားစွာ ဖော်ပြထားပေးပါတယ်။ 

အထက်မှာ ဖော်ပြခဲ့တဲ့ ဗျူဟာ ၇ ခုက အကြောင်းအမျိုးမျိုးကြောင့် အလုပ်နေရာ တစ်ခုပြီးတစ်ခုကို ပြောင်းရွှေ့လုပ်ကိုင်နေရတဲ့ သူတွေ အတွက် ကောင်းမွန်အကျိုးရှိတဲ့ ကိုယ်ရေးအကျဉ်း တစ်စောင်ကို ဖန်တီးတဲ့နေရာမှာ အသုံးဝင်လိမ့်မယ် 
လို့ မျှော်လင့်ရင်းနဲ့ ဒီလအတွက် နှုတ်ဆက်ပါတယ်။ 

7 Resume Tips for Job Hoppers 
By Madeleine Burry