ကျွန်တော့်အတွက်ကတော့ နံပါတ် (၁) ကျန်းမာရေး၊ နံပါတ် (၂) ကျန်းမာရေး

ဓာတ်ပုံ - လမင်းနိုင်

Dress - MK (Cool)

ကျွန်တော့်အတွက်ကတော့ ဘ၀မှာ အရေးကြီးဆုံးက ကျန်းမာရေးပါ။ ကျန်းမာမှ ဘ၀ရပ်တည်မှု၊ မိသားစုအတွက် အားလုံး ကို ကိုယ့်စိတ်တိုင်းကျ ဖြည့်ဆည်းပေးနိုင်မှာ။ ဒီတော့ ကျွန်တော့်ဘ၀မှာ အရေးကြီးဆုံးကဘာလဲလို့မေးရင် ကျန်းမာရေးလို့ပဲဖြေမှာ ပါ။ နံပါတ် (၁) ကျန်းမာရေး၊ နံပါတ် (၂) ကျန်းမာရေးပါ။

(၁)        မိသားစု နိုင်ငံခြားမှာရောက်နေတဲ့အချိန် တစ်ယောက်တည်းရှိနေတဲ့ အချိန်ဆိုရင်တစ်ယောက်တည်း လမ်းလျှောက်တာတို့၊ Gym ကစားတာတို့ လုပ်ဖြစ်တယ်။ Gym ကတော့ ပုံမှန်ကစားတယ်။ စိမ်းစိမ်းလန်းလန်းရှိတဲ့နေရာမှာ တစ်ယောက်တည်းအေးအေး ချမ်းချမ်း လမ်းလျှောက်တာကတော့ မိသားစုအနားမှာမရှိတဲ့ အချိန်လုပ်တဲ့ အလုပ်တစ်ခုပါ။

         

(၂)        ကလေးတွေ မြန်မာပြည်မှာရှိရင်တော့ ကလေးတွေအတွက် မိသားစုအတွက် အချိန်ပေးတယ်။ မိသားစုနဲ့ပဲ အပြင်သွားရင်ပဲ ဖြစ်ဖြစ်၊ တစ်ယောက်တည်း အပြင်ထွက်ရင်ပဲဖြစ်ဖြစ် စာအုပ်ဆိုင်တွေ့ပြီဆိုတာနဲ့ စာအုပ်ဆိုင်ထဲဝင်ပြီး စာဖတ်တယ်။ ၀ယ်ချင်တဲ့ စာအုပ်တွေ ၀ယ်တယ်။

Location - Market Place By City Mat (Popular Books Store)

         

(၃)        ကော်ဖီဆိုင်ထိုင်တယ်။ စာအုပ်ဖတ်တယ်။ စာအုပ်ဖတ်ခြင်းကလည်း စိတ်အေးချမ်းမှုတစ်ခုပါပဲ။ လူကိုဆောင်နေတာ စိတ်ပဲ လေ၊ စိတ်မထားတတ်ရင် ဘ၀ကဘယ်လိုမှအဆင်ပြေမှာ မဟုတ်ဘူး။ ပြဿနာ၊ အခက်အခဲ၊ စိတ်ချမ်းသာခြင်း၊  စိတ်ဆင်းရဲခြင်းဆို တာ လူတိုင်းလူတိုင်းမှာရှိတာပဲ။ ပြဿနာ၊ ဒုက္ခ၊ အခက်အခဲကို ရင်ဆိုင်ရပြီဆိုရင် ပြဿနာကို ချက်ခြင်းဖြေရှင်းတာထက် အဲဒီ ပတ်ဝန်းကျင်ကနေ ခနလေးထွက်သွားတာက အကောင်းဆုံးပဲလို့ ကျွန်တော်ထင်တယ်။ ချက်ခြင်းဖြေရှင်းရင် အဖြေမှန်ကိုရမှာ မဟုတ်ဘူး။ ပြဿနာဖြစ်ပြီဆိုရင် အဲဒီပြဿနာထဲကနေ ခနထွက်သွားလိုက်တယ်။ အဲဒီလိုလုပ်တာဟာ ရင်မဆိုင်ရဲလို့လည်း မဟုတ် ဘူး။ ကြောက်လို့လည်း မဟုတ်ဘူး။ အဖြေမှန်ကိုရှာတဲ့ သဘောပါ။ ချက်ခြင်းဖြေရှင်းရင်ဆိုင်လိုက်ရင် နှစ်ဖက်လုံးအတွက် အဖြေမှန် မရနိုင်ဘူး။ သေသေချာချာစဉ်း စားပြီးတော့မှ ဖြေရှင်းရင် နှစ်ဖက်လုံးကလည်း သွေးအေးသွားတဲ့အချိန် ဖြစ်သွားတဲ့အတွက် အဖြေ မှန်ကိုရှာနိုင်တယ်လို့ ကျွန်တော်ကတော့ ထင်တယ်။ အဲဒီနည်းအတိုင်းပဲ ပြဿနာကြုံလာတိုင်း ကျွန်တော်ဖြေရှင်းပါတယ်။

Location - Golden Valley Cafe & Restaurant