အားရပါးရ အ၀စားမယ်... ကိုရီးယားစားဖွယ်

    ၂၀၁၅ ဇန်န၀ါရီ ရောက်လာပြီ ဆိုတော့ People ပရိသတ်များ အားလုံးကို မင်္ဂလာနှစ်သစ်ပါလို့ နှုတ်ခွန်း ဆက်သရင်း Eating in Style ရဲ့ ထုံးစံအတိုင်း အားရပါးရ စားချင်စဖွယ် မွှေးပျံ့တဲ့ အနံ့အရသာ အပြင်အဆင်နဲ့ ကိုရီးယားစားဖွယ်ရာတွေကို တည်ခင်းဧည့်ခံဖို့ ပြင်ဆင်လာခဲ့ပါတယ်။
    ကိုရီးယားအရသာ စစ်စစ်အတိုင်း ရရှိခံစားနိုင်ဖို့အတွက် ကိုရီးယားက တိုက်ရိုက်ပို့ဆောင်ပေးတဲ့ စားသောက်ကုန်တွေနဲ့ ချက်ပြုတ်ရောင်း ချပေး နေတဲ့ Yoogane Chicken Galbi Restaurant (G-08, ပုလဲကွန်ဒို C ၊ ကမ္ဘာအေးဘုရားလမ်း နဲ့ ဆရာ စံလမ်းထောင့်၊ ဗဟန်းမြို့နယ်) ကနေ ရွေးချယ်လာခဲ့တာပါ။
    အားပါးတရ သုံးဆောင်ကြည့်လိုက်ပါဦး နော်…။

Yoogane ကြက်သားဂါးလ်ဘိ
    နူးညံ့တဲ့ ကြက်သားနဲ့ လတ်လတ်ဆတ်ဆတ် ဟင်းသီးဟင်းရွက်တွေပါဝင်ပြီး  ယိုဂါနဲစားသောက်ဆိုင်ရဲ့ ကိုရီးယားကတိုက်ရိုက်ပို့ဆောင်လာတဲ့ ငရုတ်သီးဆော့စ်နဲ့ ချက်ပြုတ်ထားတာဖြစ်ပါတယ်။

ပါဝင်ပစ္စည်း

ကြက်သား (အသားသီးသန့်)    - ၃၀၀ ဂရမ်
ကြက်သွန်မြိတ်အကြီး             - ၅၀ ဂရမ်
ဂေါ်ဖီ                                 - ၁၀၀ ဂရမ်
အာလူး                               - အနည်းငယ်
ဆန်ကိတ် (ဆန်မုန့်နှစ်ချောင်း)   - အနည်းငယ်
ငရုတ်သီးဆော့စ်                    - ဟင်းခပ်ဇွန်းကြီး ၂ ဇွန်းစာ

ချက်ပြတ်နည်း
    အသားချည်းသီးသန့် အနေတော်လေးတွေ တုံးထားတဲ့ ကြက်သား၊ ဂေါ်ဖီ၊ အာလူးနဲ့ ဆန်မုန့်နှစ်ချောင်းလေးတွေ အားလုံးကို ဒယ်အိုးတစ်လုံးထဲရောထည့်ပြီး ကြက်သားဂါးလ်ဘိအတွက် သီးသန့်ပြုလုပ်ထားတဲ့ ကိုရီးယားငရုတ်သီးဆော့စ် နဲ့ ရော မွှေချက်ထားတာဖြစ်ပါတယ်။

သီးရွက်စုံခေါက်ဆွဲအေး
    နန်မြောင်ခေါက်ဆွဲကို အသီးအရွက် တချို့နဲ့ရောနှောပြီး ကိုရီးယားဆော့စ်ဖြစ်တဲ့ ဘီဘင်ဆော့စ်၊ ကြက်သွန်ဖြူဆော့စ်တို့နဲ့ တွဲစပ်ထားတဲ့ အရသာကို ခံစားကြည့်နိုင်မှာ ဖြစ်ပါတယ်။

ပါဝင်ပစ္စည်း
Nangmyeon ခေါက်ဆွဲ    - ၂၀၀ ဂရမ်
ဂေါ်ဖီ                           - ၄၀ ဂရမ် (ပါးပါးလှီး)
ဂေါ်ဖီအနီ                      - ၄၀ ဂရမ် (ပါးပါးလှီး)
သစ်တော်သီး                 - ၆၀ ဂရမ် ( အချောင်း လေးများလှီး)
မုန်လာဥနီ                    - ၃၀ ဂရမ် (အချောင်း လေးများလှီး)
သခွားသီး                     - ၃၀ ဂရမ် (အချောင်း လေးများလှီး)
ဆလပ်ရွက်                   - ၂၀ ဂရမ် ( မထူမပါးလှီး)
မုန်ညင်းဖြူ                   - ၁၀ ဂရမ် (မထူမပါးလှီး)
အသင့်ပြုလုပ်ပြီး နန်မြောင်မုန်လာဥဖြူ - ၈၀ ဂရမ်
ကြက်သွန်ဖြူဆော့စ်       - ၅၀ ဂရမ်
Bibim ဆော့စ်             - ၁၂၀ ဂရမ်
ကြက်ဥပြုတ်               - ၁ လုံး
ကဏန်းသားချောင်း     - ၈၀ ဂရမ်
နှမ်းစေ့                      - အနည်းငယ်
ရှာလကာရည်              - သင့်ရုံ

ပြုလုပ်နည်း
    ဒီခေါက်ဆွဲပွဲလေးမှာ ပါဝင်ပစ္စည်းတွေများ ပေမဲ့ ပြုလုပ်နည်းကတော့ ခေါက်ဆွဲကို ပြုတ်၊ ရေ အေးအေးနဲ့ပြန်ဆေး ဆယ်ယူရေစစ်ပြီးတဲ့အခါ အသီးအရွက်တွေ၊ ready-made ဆော့စ်တွေနဲ့ ရောသမမွှေကာ သုံးဆောင်ရုံပဲ ဖြစ်ပါတယ်။

နန်းတွင်းတော့ပိုကီ
    ဆန်ကိတ်လို့ခေါ်ကြတဲ့ ဆန်မုန့်နှစ်ချောင်း အိအိလေးတွေကို ဘူးလ်ဂိုဂိဆော့စ်လို့ခေါ်တဲ့ ကိုရီးယားဆော့စ်နဲ့ ကြက်သားကိုအသုံးပြုပြီး ချက်ပြုတ်ထားတာဖြစ်ပါတယ်။

ပါဝင်ပစ္စည်း
ဆန်ကိတ်            - ၂၀၀ ဂရမ်
ကြက်သား           - ၁၈၀ ဂရမ်
ဘူးလ်ဂိုဂိဆော့စ်    - ၅၀ ဂရမ်
King Oyster မှို    - ၁၅ ဂရမ်
မုန်လာဥနီ           - ၁၅ ဂရမ်
ကြက်သွန်မြိတ်     - ၁၅ ဂရမ်
ရေ                    - ၂၀ ဂရမ်
ဆား၊ ငရုတ်ကောင်း၊ နှမ်းစေ့    - အနည်းငယ်စီ
နှမ်းဆီမွှေး          - သင့်ရုံ

ပြုလုပ်နည်း
    ပထမဆုံး ဆန်ကိတ်ကို ပြုတ်ပြီး ဆယ်ယူရေစစ်ထားပါတယ်။ ဆီပူမှာ ကြက်သားကိုအရင် ထည့်ကြော်ပြီး အသီးအရွက်အားလုံးထည့်ကြော်ပါ တယ်။ အဲဒီနောက်မှာ ဘူးလ်ဂိုဂိဆော့စ်ထည့်ပါ တယ်။ နောက်ဆုံးမှာ ဆန်ကိတ်တွေကို ထည့်မွှေပြီး နှမ်းဆီမွှေးနဲ့ နှမ်းစေ့ဖြူးကာ သုံးဆောင်နိုင်ပါပြီ။

ကြက်သားဂါးလ်ဘိ ထမင်းကြော်
    ကြက်သားဂါးလ်ဘိနဲ့ Mozzarella Cheese တို့ ပါဝင်တဲ့ Yoogane ဆိုင်ရဲ့ Main Menu ထမင်းကြော် ဖြစ်ပါတယ်။

ပါဝင်ပစ္စည်း
ကြက်သားဂါးလ်ဘိ                - ၁၅၀ ဂရမ်
ထမင်း                                - ၂၅၀ ဂရမ်
မိုဇွဲလားချိစ်                          - ၈၀ ဂရမ်
ကိုရီးယားထမင်းကြော်အနှစ်    - ၂၀ ဂရမ်
ကိုရီးယားထမင်းကြော်ဆော့စ်   - ၅ ဂရမ်
ကင်မ်ချီ (နုပ်နုပ်စင်း)             - ၃၀ ဂရမ်
ကြက်သွန်မြိတ်အကြီးနှင့် ကြက်သွန်နီ - ၅၀ ဂရမ်
ဆန်ကိတ်၊ နှမ်းစေ့              - အနည်းငယ်စီ

ပြုလုပ်နည်း
    ပထမဆုံး ကြက်သားဂါးလ်ဘိ၊ ကြက်သွန်နဲ့ ဆန်ကိတ်တွေကိုရောကြော်ပြီး ထမင်းနဲ့ ကျန်တဲ့ပါဝင်ပစ္စည်းများအားလုံးကို ထည့်မွှေကာနောက်ဆုံး မှ ချိစ်ကိုထည့်မွှေကြော်ပေးထားတာဖြစ်ပါတယ်။
    ဒီထမင်းကြော်ပွဲ ဟာ ချိစ်ပါဝင်တဲ့အတွက် အမြင်အားဖြင့်ရော အနံ့အရသာအားဖြင့်ပါတစ်မူထူးခြားမှုရှိနေပါတယ်။ ချိစ်အရသာမကြိုက်တဲ့ ပရိသတ်တွေအတွက်လည်း  ကြက်သားဂါးလ်ဘိ ထမင်းကြော်ကို  သီးသန့်သုံးဆောင်နိုင် မှာ ဖြစ်ပါ ကြောင်း….။