တြိဂံ မြေစိုက် ထောင့်မှန် မြွေဟောက် ကျင့်စဉ်များ

Photo – LMN

မတ်လအတွက် လေ့ကျင့်ခန်း ကဏ္ဍမှာ မျက်နှာပိုင်းဆိုင်ရာ ကျင့်စဉ်တွေကို ဖော်ပြပြီးတဲ့နောက် ခန္ဓာကိုယ်တစ်ခုလုံးအတွက် လေ့ကျင့်နိုင်မယ့် ယောဂကျင့်စဉ်တချို့ကို ဆက်လက်ဖော်ပြလိုက်ပါတယ်။ ခုလိုကျင့်စဉ်တွေကို သရုပ်ပြသ တင်ဆက်ပေးခဲ့တာကတော့ Jenny Yoga Class မှ ဆရာမ  Jenny ဖြစ်ပါတယ်။

၁။         တြိဂံကိုယ်ဟန်ယောဂကျင့်စဉ်

ခန္ဓာကိုယ်ကို ဟန်ချက်ညီစေပြီး ကြံ့ခိုင်မှုကို ပိုမိုရရှိစေနိုင်တဲ့ ကျင့်စဉ်တစ်ခုဖြစ်ပါတယ်။ ခါးနေရာမှ အဆီကိုကျစေပြီး သွေးလှည့်ပတ်မှု ကောင်းမွန်စေသလို ခါးဘေးအကြောကို ဆွဲဆန့်ပေးတဲ့အတွက် ခါးနာတတ်သူများအတွက်လည်း အကျိုးကျေးဇူး ရရှိစေပါတယ်။

၁)         ကြမ်းပြင်ပေါ်မှာ မတ်မတ်ရပ်နေပါ။ ခြေနှစ်ဖက်ကို မိမိတတ်နိုင်သလောက် ချဲ့ကားလိုက်ပါ။(ချဲ့လိုက်တဲ့ ခြေနှစ်ဖက်ရဲ့ အကွာအဝေးဟာ ပုံမှန်အားဖြင့် မိမိရဲ့ခြေထောက် တစ်ချောင်းစာ အရှည်အလျားလောက် ရှိနေရပါမယ်)

၂)         ပုံမှာမြင်တွေ့ရတဲ့အတိုင်း ဘယ်ခြေထောက်ကို ၉၀ ဒီဂရီလှည့်ပြီး ညာခြေထောက်ကို ၃၀ ဒီဂရီလှည့်ထားပေးပါ။ (ခါးကိုတည့်တည့်ထားပြီး တင်ပါးဆုံရိုးကို မစောင်းအောင် ဂရုပြုပါ)

အသက်ရှူသွင်းလိုက်ပြီး လက်များကို ဘေးသို့ ဆန့်တန်းလိုက်ပါ။

၃)         အသက်ရှူထုတ်ပါ။ ခါးမှစပြီး ကိုယ်အပေါ်ပိုင်းကို ဘယ်ဘက်သို့  တိမ်းညွှတ်လိုက်ပါ။

မိမိတတ်နိုင်သလောက်သာ ပြုလုပ်ပါ။

၎)         ပုံမှာမြင်တွေ့ရတဲ့အတိုင်း ကိုယ်ကိုစောင်းချလိုက်ပြီး ဘယ်ဘက်လက်ကို အားလျှော့ထားပါ။ညာဘက်လက်ကို တည့်တည့်ထောင်ထားပါ။ မျက်လုံးက ညာဘက်လက်ကိုကြည့်ပါ။ ခန္ဓာကိုယ်ကို ရှေ့။ နောက်ယိုင်မနေစေဖို့ သတိပြုပါ။

အသက်ရှူသွင်းလိုက်ပါ။ ကိုယ်ကိုတဖြည်းဖြည်းချင်း ပြန်မတ်ပါ။

အသက်ရှူထုတ်ပါ။ ကိုယ်ကို ဘေးသို့ပြန်ကွေးလိုက်ပါ။

အသက်ရှူသွင်း၊ ရှူထုတ် ၅ ကြိမ်ပြုလုပ်ပါ။

ပြီးတဲ့အခါ လက်ကိုချပြီး ခြေထောက်ကို ပြန်သိမ်းကာ တစ်ကိုယ်လုံးကို လျှော့ထားပါ။

အထက်ပါအတိုင်း ညာဘက်ကို တစ်ဖန်ပြန်လေ့ကျင့်ပေးပါ။

 

၂။         ခြေကာ၍ ဦးခေါင်းမြေစိုက် ယောဂကျင့်စဉ်

ခန္ဓာကိုယ်အထက်ပိုင်း သွေးလှည့်ပတ်မှုကို ကောင်းမွန်စေပြီး သွေးတိုးရောဂါကို ပျောက်ကင်းစေပါတယ်။

၁)         ကြမ်းပြင်ပေါ်မှာ မတ်မတ်ရပ်နေပါ။ ခြေနှစ်ဖက်ကို မိမိတတ်နိုင်သလောက် ချဲ့ကားလိုက်ပါ။(ချဲ့လိုက်တဲ့ ခြေနှစ်ဖက်ရဲ့ အကွာအဝေးဟာ ပုံမှန်အားဖြင့် မိမိရဲ့ခြေထောက် တစ်ချောင်းစာ အရှည်အလျားလောက် ရှိနေရပါမယ်) လက်များကိုဘေးသို့ ဆန့်တန်းထားပါ။

၂)         ပုံမှာမြင်တွေ့ရတဲ့အတိုင်း ကိုယ်အပေါ်ပိုင်းကို ရှေ့သို့ကွေးညွှတ်လိုက်ပါ။လက်နှစ်ဖက်က ခြေကျင်းဝတ်နားကို ကိုင်ထားပါ။

၃)         လက်နှစ်ဖက်ကို လျှော့ပြီး တတ်နိုင်သမျှကြမ်းပြင်ဘက်သို့ ကွေးညွှတ်ပါ။

၎)         ဦးခေါင်းကို ကြမ်းပြင်နှင့် ထိကပ်လိုက်ပါ။ (မရလျှင် အတင်းအကျပ်မပြုလုပ်ဘဲ မိမိတတ်နိုင်သလောက်သာလုပ်ပါ) စက္ကန့်အနည်းငယ်မျှ နေပေးပါ။

လက်နှစ်ဖက်ကို ဆန့်တန်းပြီး ကိုယ်ကိုတဖြည်းဖြည်းချင်း ပြန်မတ်ပါ။

လက်နှစ်ဖက်ကို အောက်ချပြီး ခြေထောက်ကို ပြန်စုကာ တစ်ကိုယ်လုံးကို လျှော့ချထားလိုက်ပါ။

 

၃။         ထောင့်မှန်ပုံစံ ယောဂကျင့်စဉ်

ဝမ်းဗိုက်ကို ချပ်ရပ်စေပြီး လက်ပြင်ကိုင်းခြင်းကို ပျောက်ကင်းစေသလို ခြေထောက်ကြွက်သားများကိုလည်း အားကောင်းစေပါတယ်။

၁)         ပုံမှာမြင်တွေ့ရတဲ့အတိုင်း ခြေစုံမတ်မတ်ရပ်ပါ။ လက်ဆယ်ချောင်းကို ယှက်ထားပါ။

အသက်ရှူသွင်းပါ။ လက်မြှောက်လိုက်ပါ။ (တံတောင်ကိုဆန့်ဆန့်ထားပြီး လက်မောင်းနှစ်ဖက်ကို နားနားကပ်ထားပါ)

၂)         အသက်ရှူထုတ်ပါ။ ကိုယ်အပေါ်ပိုင်းကို ကြမ်းပြင်နှင့် တစ်တန်းတည်းဖြစ်အောင် ရှေ့သို့ ကိုင်းညွတ်လိုက်ပါ။ (တင်ပါးကစပြီး လက်ဖျားအထိ မျဉ်းဖြောင့်တစ်တန်းတည်း ဖြစ်နေရပါမယ်)

အသက်ရှူသွင်း ရှူထုတ် ၅ ကြိမ် ပြုလုပ်ပါ။ စက္ကန့်အနည်းငယ်ကြာ နေပေးပါ။

လက်နှစ်ဖက်ကို အောက်ပြန်ချပြီး တစ်ကိုယ်လုံးကို လျှော့ချထားလိုက်ပါ။

 

၎။         မြွေဟောက်ပုံစံ ယောဂကျင့်စဉ်

ဝမ်းဗိုက်အတွင်းရှိ အင်္ဂါအစိတ်အပိုင်းများကို ကောင်းမွန်စေပြီး ၀မ်းချုပ်ခြင်းကို ကာကွယ်နိုင်သလို နောက်ကျော နာကျင်ခြင်းကိုလည်း ပျောက်ကင်းစေပါတယ်။

၁)         ကြမ်းပေါ်မှာ ယောဂဖျာသို့ အခင်းတစ်ခုခင်းပြီး ပုံမှာမြင်တွေ့ရတဲ့ အနေအထားအတိုင်း မှောက်အိပ်ပါ။ ခြေထောက်နှစ်ချောင်းကို ပူးကပ်ထားပါ။

၂)         တံတောင်ဆစ်ကို ကွေးပြီး လက်ချောင်း ၁၀ ချောင်းကို ကားထားပါ။

၃)         တံတောင်ဆစ်ကို ဆန့်ထုတ်ပြီး ကိုယ်အပေါ်ပိုင်းကို ကြမ်းပြင်မှခွာပါ။ ခေါင်းကိုအပေါ်သို့ မော့လိုက်ပါ။ (ပခုံးများကို အားလျှော့ထားပြီး တံတောင်များကို ဆန့်ဆန့်ထားပါ) စက္ကန့်အနည်းငယ်ကြာ နေပေးပြီးလျှင် မူလအနေအထားအတိုင်း တစ်ကိုယ်လုံးကို လျှော့ချထားလိုက်ပါ။

ခုလိုကျင့်စဉ်တွေကို ကြိုးစားလေ့ကျင့်ပြီး အတွင်းရောအပြင်ပါ ကျန်းမာကြံ့ခိုင် သန်စွမ်းလှပတဲ့ ခန္ဓာကိုယ်ကို တည်ဆောက်နိုင်စေဖို့ ဆန္ဒပြုတင်ဆက်လိုက်ရပါတယ်။