လေ့ကျင့်ခန်းအလွဲများ

Photo - Super
Venue - Wah Wah Thinn Fitness Centre

    လေ့ကျင့်ခန်းပြုလုပ်ရာမှာ ပုံစံအနေအထား အမှားအယွင်းတွေကြောင့် လုပ်သလောက်မပေါက်မြောက်ဖြစ်ရတတ်တာတွေကို ကူညီဖြေရှင်းပေးနိုင်ဖို့ နည်းလမ်းအမှန်နဲ့ အမှားယှဉ်တွဲဖော်ပြလိုက်ပါတယ်။ Fitness Centre မှာ သွားကစားတဲ့ အခါ သင်ပြညွှန်ကြားပေးတဲ့ ဆရာသမားရှိတာကြောင့် ဒီပြဿနာမတွေ့နိုင်ပေမဲ့ ကိုယ့်ဘာသာ လေ့ကျင့်တဲ့အခါ လွဲမှန်းမသိလွဲနေတဲ့အမှားများစွာ ကြုံတွေ့နိုင်ပါတယ်။  

    ယခုဖော်ပြထားတဲ့ နည်းလမ်းတွေကတော့ အလေးတစ်စုံ၊ ခုံတန်းရှည်တစ်ခုရှိရုံနဲ့ ကိုယ်တိုင်လေ့ကျင့်နိုင်မယ့် နည်းလမ်းတွေပါ။ ကူညီလမ်းညွှန်ပေးတဲ့ ဆရာမကတော့ ဒေါ်ဝါ၀ါသင်း (Wah Wah Thinn Fitness Centre) ဖြစ်ပါတယ်။

    Fitness ပရိသတ်များ အချိန်ပေးရတာနဲ့အမျှ ဆောင်ရွက်သမျှ ထိရောက်အကျိုးရှိစေဖို့ မှန်ကန်တဲ့နည်းလမ်းများနဲ့ လေ့ကျင့်ကြပါစို့နော်။

၁။ ရင်သားလှပပုံကျစေမည့် လေ့ကျင့်နည်း (၁)


    အလေးကို အသုံးပြုပြီး ပုံမှာမြင်တွေ့ရတဲ့အတိုင်း ခုံပေါ်မှာ ပက်လက်အနေအထားနေပါ။ အလေးကိုင်ထားတဲ့ လက်တွေဟာ ရင်ဘတ်ဘေးတည့်တည့်စီမှာ ရှိနေရပါမယ်။
    အပေါ်တည့်တည့်သို့ တွန်းတင်ပါ။ တွန်းတင်ချိန်မှာ အသက်ရှူသွင်းပြီး ပြန်ချချိန်မှာ ရှူထုတ်ပေးပါ။


x    တွန်းတင်တဲ့အခါ လက်တွေကို ခေါင်းဘက်၊ မျက်နှာဘက်သို့ မရောက်စေရဘဲ တည့်မတ်နေရပါမယ်။
x    တွန်းတင်ချိန်မှာ ဦးခေါင်းကို လိုက်မကြွမိစေဖို့ သတိပြုပါ။

 

၂။ ရင်သားလှပပုံကျစေမည့် လေ့ကျင့်နည်း (၂)


    စတင်အနေအထားမှာ အလေးကိုင်ထားတဲ့ လက်များကို အပေါ်သို့ တည့်မတ်စွာ ဆန့်မြှောက်ထားပါ။
    လက်ကို ဘေးသို့ ဆန့်ကားချရာမှာ တံတောင်ကို အနည်းငယ်စီ ချိုးပေးထားပါ။


x    တံတောင်ကို ခုံအောက်ထိရောက်အောင် ချိုးချတဲ့ အနေအထားဟာ အမှားဖြစ်ပါတယ်။

 

၃။ တင်ပါးလှစေမည့် လေ့ကျင့်နည်း

    ပခုံးနဲ့ ခြေထောက်အကွာအဝေး တူညီစွာရပ်ပြီး လက်နှစ်ဖက်က အလေးကိုင်ကာ ဆန့်ဆန့်ချထားပါ။ အသက်ရှူသွင်းပါ။

    လက်နှစ်ဖက်ကို အဆန့်အတိုင်းထားပြီး တင်ကိုနောက်သို့ထုတ်ကာ တစ်ဝက်ထိုင်ထိုင်ပေးပါ။ အသက်ရှူထုတ်ပါ။ တင်ပါးနဲ့ပေါင်ကို မျဉ်းတပြေးတည်းဖြစ်အောင် ထိုင်ပါ။ ကျောကိုဖြောင့်တန်းစွာထားပါ။


x    ခါးကုန်းပြီး မထိုင်ရပါ။ ပေါင်ကို အားပြုပြီး မထိုင်ရပါ။ တင်ပါးကိုသာ အားစိုက်ပြီးထိုင်ပါ။

 

၎။ ၀မ်းဗိုက်ကြွက်သားချပ်ရပ်စေမည့် လေ့ကျင့်နည်း


    ပြင်ညီတွင်လှဲနေပြီး ပုံမှာမြင်တွေ့ရတဲ့အတိုင်း ဒူးနှစ်ဖက်ကို ထောင်ထားပါ။ လက်နှစ်ဖက်ကို ဦးခေါင်းအောက်မှာ ယှက်ထားပါ။

    မျက်လုံးကို အပေါ်တည့်တည့်ကိုသာ ကြည့်ထားပြီး အပေါ်ဗိုက်ကို အားယူကာထပါ။ တံတောင်ကို မကွေးစေဘဲ အပြန့်အတိုင်းထရပါမယ်။ ကြွထချိန်မှာ အသက်ရှူသွင်းပြီး ပြန်ချချိန်မှာ ဖြည်းဖြည်းချင်းပြန်ချကာ အသက်ရှူထုတ်ပါ။


x    ထချိန်မှာ တံတောင်နှစ်ခုကို မပူးရပါ။ ဦးခေါင်းကို မဖိညှစ်ရပါ။ ဂုတ်သားကို အားမပြုဘဲ ၀မ်းဗိုက်ကိုသာ အားပြုထရပါမယ်။

 

၅။ ဗိုက်သားနှင့် ခါး လှပစေမည့် လေ့ကျင့်ခန်း


    စတင်အနေအထားမှာ ပက်လက်ဒူးထောင်နေပြီးမှ ခါးနဲ့ ဒူးကို ဘေးတစ်ဖက်သို့ စောင်းချလိုက်ပါ။

    မျက်လုံးကို အပေါ်တည့်တည့်ကိုသာ ကြည့်ထားပြီး အပေါ်ဗိုက်ကို အားယူကာထပါ။ တံတောင်ကို မကွေးစေဘဲ အပြန့်အတိုင်းထရပါမယ်။ ကြွထချိန်မှာ အသက်ရှူသွင်းပြီး ပြန်ချချိန်မှာ ဖြည်းဖြည်းချင်းပြန်ချကာ အသက်ရှူထုတ်ပါ။


x    ထချိန်မှာ တံတောင်နှစ်ခုကို မပူးရပါ။ ဦး ခေါင်းကို မဖိညှစ်ရပါ။ ဂုတ်သားကို အားမပြုဘဲ ၀မ်းဗိုက်ကိုသာ အားပြုထရပါမယ်။

မှတ်ချက်။    ။ ခါးကို ဘေးဘယ်ညာတစ်လှည့်စီ စောင်းချပြီးတစ်ဖက်ကို (၁၀)ကြိမ် (၃)ကျော့စီ စတင်ကစားပေးပါ။ ကစားကျင့်ရလာတဲ့အခါ အကြိမ်ရေ (၂၀)၊ (၃၀)စသဖြင့် ထပ်တိုးနိုင်ပါတယ်။

     လေ့ကျင့်ခန်းနည်းလမ်းများ အားလုံးမှာ မျက်နှာကို တည့်မတ်စွာသာထားပြီး လေ့ကျင့်ပေးရပါမယ်။ မိမိလေ့ကျင့်ကစားနေတဲ့ ကြွက်သားနေရာကိုသာ အားစိုက်အသုံးပြုပေးရမှာ ဖြစ်ပါတယ်။