မကစားခင်မှာ ဘာစားမှာ…

    ပိန်ချင်… ၀ချင်… လှချင်… စတဲ့.. စတဲ့ ရည်ရွယ်လေးတွေကိုယ်စီနဲ့ Gym ကို ကြိုးကြိုးစားစားအချိန်ယူအရောက်သွားပြီး ကြိုးကြိုးစားစား ကိုယ်လက်လှုပ်ရှားမှုယူရတာ တကယ့်ကိုကြိုးပမ်းအားထုတ်ထားရတဲ့ ကိစ္စတစ်ခုဖြစ်တယ်ဆိုတာ စဉ်းစားကြည့်ရုံနဲ့တင် သိသာလှပါတယ်။
    အားကစားခန်းမဘက်ကို ခြေဦးလှည့်ချင်ပေမဲ့ အတွေးထဲမှာတင်ရပ်တန့်သွားရတဲ့သူတွေ… ခန်းမဆီမှာ ခြေချအစပျိုးပြီးပေမဲ့ အကြောင်းအမျိုးမျိုးနဲ့ ရည်ရွယ်ချက်မရောက်ခင်မှာ တစ်ပိုင်းတစ်စဖြစ်ခဲ့ရတာမျိုးတွေဟာ အများသားမို့ ဒါတွေကိုဆန့်ကျင်ပြီး ဇွဲနပဲနဲ့ သေသေချာချာ လုပ်နိုင်နေခဲ့ပြီဆိုရင် ကြိုးစားသမျှ ပိုမိုထိရောက် အကျိုးရှိစေဖို့ အရေးအကြီးဆုံးကဏ္ဍကနေ ပါဝင်ရပ်တည်နေတဲ့ အစားအသောက်ပိုင်းကိုပါ တစ်ပြိုင်နက်တည်း ဂရုတစိုက်ဆောင်ရွက်ပေးဖို့ လိုအပ်ပါတယ်။
    လေ့ကျင့်ခန်းမပြုလုပ်မီနဲ့ ပြုလုပ်ပြီးချိန်မှာ ဘာတွေကို ဘယ်လိုစားသင့်သလဲဆိုတာကို နိုင်ငံတကာက ကျွမ်းကျင်နည်းပြဆရာတွေကလည်း ၎င်းတို့ရဲ့ အတွေ့အကြုံများပေါ်မူတည်ပြီး အကြံပြုထားတာတွေကို ရှာဖွေလေ့လာနိုင်မှာပါ။ လူတစ်ဦးချင်းစီပေါ်မူတည်ပြီး အာဟာရလိုအပ်ချက်ကွဲပြားမှုရှိနိုင်ပေမဲ့ အောက်မှာ ဖော်ပြမယ့်အချက်အလက်တွေကတော့ ယေဘုယျအားဖြင့် ကာဗိုဟိုက်ဒရိတ်၊ အဆီ၊ ပရိုတင်းမျှတမှုကိုဖြစ်စေ
နိုင်ပြီး ဆာလောင်မှုကို ကျေနပ်နှစ်သိမ့်ပေးနိုင်သလို ကစားရာမှာ ခွန်အားရှိနေစေဖို့ကို ရည်ရွယ်ထားတာတွေ့ရပါတယ်။
    ခန္ဓကိုယ်ဟာ လေ့ကျင့်ခန်းပြုလုပ်နေချိန် တစ်နာရီစာလေးအတွင်းမှာပဲ ကြွက်သား တည်ဆောက်နေရုံမဟုတ်ဘဲ တစ်ရက်မှာ ၂၄ နာရီလုံးလုံး ကြွက်သားတည်ဆောက်ဖို့ အလုပ်လုပ်နေတယ်လို့ ဆိုပါတယ်။ ကံကောင်းထောက်မစွာပဲ စားသင့်တဲ့အချိန်မှာ မှန်ကန်စွာ စားသောက်လိုက်တဲ့ အစားအသောက်ဟာ ခန္ဓာကိုယ်ကိုအားဖြည့်ပေးနိုင်တဲ့အပြင် ကြွက်သားဖြစ်စေပြီး အဆီပိုတွေကို လောင်ကျွမ်းစေနိုင်စွမ်းလည်း သူ့အတိုင်းအတာနဲ့သူ ရှိနေတတ်ပါတယ်။
    ဒီတော့ လေ့ကျင့်ခန်းမစမီမှာ ဘာတွေစားသင့်တယ်ဆိုတာကို ဦးစွာပထမ လေ့လာကြည့်ပါဦးစို့…
    ပုံမှန်အားဖြင့် လေ့ကျင့်ခန်းမလုပ်ခင်မှာ နာရီဝက်၊ တစ်နာရီခန့်ကြိုပြီး ကိုယ့်အစာအိမ်နဲ့ သင့်တင့်သလောက် စားသောက်ထားဖို့လိုပါတယ်။ ဘာတွေကို စားသင့်သလဲဆိုရာမှာတော့ နိုင်ငံတကာ
စားသောက်နည်းတွေထဲက ကိုယ့်ဆီမှာလည်း ကြိုက်နှစ်သက်လောက်မယ့် နည်းတချို့ကို ရွေးချယ်ကောက်နှုတ်ဖော်ပြရမယ်ဆိုရင်…

သစ်သီးချိစ်
    ကယ်လိုရီနည်းပြီး ပရိုတင်းများတဲ့ cottage cheese ကိုရွေးချယ်ပြီး လတ်လတ်ဆတ်ဆတ် နာနတ်သီး၊ ဖရဲသီး ဒါမှမဟုတ် ဘယ်ရီသီးတွေနဲ့ တွဲဖက်နိုင်ပါတယ်။

ဒိန်ချဉ်အချိုပွဲ
    ဒိန်ချဉ်လောက်နဲ့တော့ ဘယ်ဖြစ်ပါ့မလဲလို့ တွေးနိုင်ဖွယ်ရှိပါတယ်။ ဒါ့ကြောင့် ဒိန်ချဉ်ချည်းသက်သက် မဟုတ်ဘဲ ဒီလိုမျိုးလေးစီမံထားတဲ့ အချိုပွဲပါ။ ပန်းကန်လုံးတစ်လုံးမှာ ကောက်နှံစာ cereal က ပန်းကန်လုံးတစ်ဝက်၊ အဲဒီပေါ်မှာ စတော်ဘယ်ရီသီး လတ်လတ်ဆတ်ဆတ်လေးတွေက ပန်းကန်လုံးတစ်ဝက်စာနဲ့ အပေါ်ဆုံးမှာ အဆီထုတ်ပြီးသားဒိန်ချဉ်ကို ပန်းကန်လုံးရဲ့ လေးပုံတစ်ပုံစာထည့်ပြီး စားရမှာ ဖြစ်ပါတယ်။

ပရိုတင်းခရင်မ်
    ဒီနည်းက ကလေးအာဟာရမှုန့် ဖျော်သလိုပုံစံမျိုးပါ။ ဗနီလာ whey protein powder တစ်ဇွန်း (1 scoop) ကို လိမ္မော်ရည် တစ်ပန်းကန်လုံးနဲ့ ရေခဲသင့်ရုံလောက်သုံးပြီး (blender နဲ့) ရောမွှေ သုံးဆောင်နိုင်ပါတယ်။

ဘယ်ရီရှိတ်ခ်
    ချောကလက်ပဲဖြစ်ဖြစ် ဗနီလာပဲဖြစ်ဖြစ် ကိုယ်ကြိုက်နှစ်သက်ရာ whey protein တစ်ဇွန်း (1 scoop) ကို အေးခဲထားတဲ့ ဘယ်ရီသီး တစ်ပန်းကန်လုံးစာနဲ့ ရေခဲသင့်ရုံရောပြီး blender မှာ ထည့်မွှေသောက်သုံးပေး မယ်ဆိုရင် အားပြည့်စေနိုင်မှာပါ။

ဘလူးဘယ်ရီဒိန်ချဉ်
    လတ်လတ်ဆတ်ဆတ် ဘလူးဘယ်ရီပန်းကန်လုံးတစ်ဝက်စာကို အဆီထုတ်ထားတဲ့ vanilla bean ဒိန်ချဉ်တစ်ပန်းကန်လုံးနဲ့ ရောမွှေပြီးကာ ဗိုဟိုက်ဒရိတ်နဲ့ ပရိုတင်းကိုပါကောင်းကောင်းဖြည့်တင်းတဲ့နည်း ဖြစ်ပါတယ်။ ဒီနေရာမှာ ပုံမှန်ဒိန်ချဉ်တွေထက် ပရိုတင်းဓာတ်ပိုမိုပါဝင်တဲ့ Greek yogurt ကိုရွေးဖို့ ညွှန်းထားတာကို တွေ့ရပါတယ်။

ကြက်ဥမွှေ
    ကြက်ဥနှစ်လုံးလောက်ကို ရေသန့်လက်ဖက် ရည်ဇွန်းတစ်ဇွန်းနဲ့ နှစ်သက်ရာ ရာသီပေါ် အသီးအရွက်တွေ ရောထည့်မွှေခေါက်ပြီး ပေါင်းစားနိုင်ပါတယ်။

ပန်းသီးမြေပဲထောပတ်
    အလောတော်ပန်းသီးတစ်စိတ်စာကို မြေပဲထောပတ် စားပွဲတင်ဇွန်းနှစ်ဇွန်းနဲ့ တွဲဖက်သုံးဆောင်ခြင်းဟာ ကာဗိုဟိုက်ဒရိတ်ကို လျင်မြန်စွာ ဖြည့်တင်းပေးပါတယ်။

သစ်သီးခြောက်များ
    တချို့ကတော့ လေ့ကျင့်ခန်းမလုပ်ခင်မှာ အလွယ်တကူစားနိုင်တဲ့ သစ်သီးခြောက်တွေကို ရွေးချယ်တတ်ကြတယ်။ ဘယ်ရီသီးခြောက်၊ တရုတ်ဆီးသီးခြောက်လိုမျိုးတွေပါ။

လတ်ဆတ်သောအသီးများ
    ချိုမြတဲ့ အရိုးရှင်းဆုံးနည်းပါပဲ။ ဘယ်ရီသီးအစုံတစ်ပန်းကန်လုံး၊ ဖရဲသီး၊ ငှက်ပျောသီးနဲ့ လိမ္မော်သီးတွေအားလုံးကို ပေါင်းစပ်သုံးဆောင်လိုက်ပါ။

ပေါင်မုန့်နဲ့ဥ
    အားအင်ပြည့်ဝအာဟာရကို လိုအပ်နေသူတွေကတော့ ကျက်အောင်ပြုတ်ထားတဲ့ ဥတစ်လုံး/နှစ်လုံးနဲ့ မီးကင်ထားတဲ့ ဂျုံကြမ်းပေါင်မုန့် တစ်ချပ်ကို စားသုံးသင့်ပါတယ်။

အုတ်ဂျုံသစ်သီး
    ကာဗိုဟိုက်ဒရိတ် ဖြည့်တင်းထားခြင်းက လေ့ကျင့်ခန်းကြာကြာလုပ်နိုင်ဖို့ကို ကူညီပါတယ်။ ကျိုထားတဲ့ အုတ်ဂျုံပန်းကန်လုံးတစ်ဝက်စာလောက်မှာ သစ်သီးခြောက် စားပွဲတင်ဇွန်း တစ်ဇွန်းစာနဲ့ ခပ်ရိပ်ရိပ်လှီးထားတဲ့ မက်မွန်သီးလေးတွေ စားပွဲတင်ဇွန်း ၁ ဇွန်းစာ ထည့်စားနိုင်ပါတယ်။

အုတ်ဂျုံကိုကိုး
    ကောင်းစွာကျိုချက်ထားတဲ့ အုတ်ဂျုံပန်းကန်လုံးတစ်ဝက်စာထဲမှာ အဆီထုတ်ပြီးသား မြေပဲမှုန့် စားပွဲတင်ဇွန်းတစ်ဇွန်းစာထည့်မွှေပြီး အပေါ်ယံက ကိုကိုးမှုန့်လေးတွေ ဖြူးလိုက်တာ ဖြစ်ပါတယ်။

အုတ်ဂျုံကြက်ဥ
    ဒီနှစ်မျိုးတွဲဖက်မှုက နံနက်စာမှာသာမက လေ့ကျင့်ခန်း မပြုလုပ်မီမှာလည်း စားသုံးသင့်တဲ့ အစားအစာဖြစ်ပါတယ်။ အုတ်ဂျုံပန်းကန်လုံးတစ်ဝက်စာမှာ ကြက်ဥနှစ်လုံးထည့်ကျိုပြီး ဆား၊ ငရုတ်ကောင်းသင့်ရုံစီခတ်လို့ သုံးဆောင်နိုင်ပါတယ်။

ကြက်ကင်ကန်စွန်းဥ
    ဒီစားဖွယ်ကတော့ ဥပမာပြောရရင် ဒီကကြက်ကြော်ဆိုင်တွေမှာ ကြက်ကြော်နဲ့ အာလူးထောင်းတွဲသလိုမျိုးပါ။ လက်တစ်ဝါးစာလောက် ကြက်ကင်အသားပြားတစ်ခုကို သူနဲ့ဆတူပမာဏလောက် ကန်စွန်းဥပြုတ် ဒါမှမဟုတ် ကန်စွန်းဥ ထောင်းတစ်ပွဲနဲ့ စားသုံးနိုင်ပါတယ်။

ပေါင်မုန့်ထောပတ်သုတ်
    ထောပတ်ကတော့ မြေပဲထောပတ်ပါ။ ဂျုံ ကြမ်းပေါင်မုန့်တစ်ချပ်ကို ထောပတ်တစ်ဇွန်း/နှစ်ဇွန်းသုတ်ပြီး ငှက်ပျောသီးနဲ့တွဲဖက် အားဖြည့်နိုင်ပါတယ်။

နို့ထမင်း
    လေ့ကျင့်ခန်းမလုပ်မီ စားသင့်တဲ့အထဲမှာ ကလေးဘ၀တုန်းက စားလေ့စားထရှိခဲ့ကြဖူးတဲ့ နို့ထမင်းလည်း ပါဝင်တာကိုတွေ့ရပါတယ်။ ထမင်းနဲ့ နို့ကို ပန်းကန်လုံးတစ်ဝက်စာစီလောက် ဆတူရောထည့်ပြီး စပျစ်သီးခြောက်နဲ့ သစ်ကြံပိုးခေါက်လေးတွေ ထည့်စားနိုင်မှာ ဖြစ်ပါတယ်။

ကြက်ဆင်ခေါက်ဆွဲ
    လက်တစ်ဝါးစာလောက် ကြက်ဆင်ကင် အသားပြားတစ်ခုနဲ့ ထောပတ်သီး ၃၊ ၄ စိတ် တွဲဖက်ပြီး အီတလီခေါက်ဆွဲ(တစ်မျိုးမျိုး) ပန်းကန်လုံးတစ်ဝက်ခန့်နဲ့လည်း စားလေ့ရှိပါတယ်။

အရွက်သုပ်
    ဟင်းသီးဟင်းရွက်တွေထဲက သုပ်စားလို့ ကြိုက်မယ့် တချို့ကိုရွေးချယ်ပြီး ကြက်ဥပြုတ်၊ ဗီနီဂါနဲ့ မိမိနှစ်သက်ရာ low-fat dressing တစ်မျိုးကို အသုံးပြုစားသောက်နိုင်ပါတယ်။

    လေ့ကျင့်ခန်းပြုလုပ်သူ ပရိသတ်များအနေနဲ့ အသီးအရွက်ပဲစားချင်သလား… အသားလေးပါ ပါမှလား… သစ်သီးအဖျော်သောက်ချင်တာလား…  ပြည့်ပြည့်တင်းတင်းလေး စားချင်နေလား… ပေါ့ပေါ့ပါးပါးပဲလား… စသဖြင့် တစ်နေ့တစ်မျိုး ဖြစ်ပေါ်နေတဲ့ လတ်တလောအာသီသပေါ်မူတည်ပြီး ဒီအစားအသောက်နည်းလေးတွေဟာ အပြောင်းအလဲ ရွေးချယ်နိုင်စရာလေးတွေအဖြစ် အထောက်အကူပြုလိမ့်မယ်လို့ ယုံကြည်ရင်း ဆန္ဒမွန်နဲ့ ရေးသားဖော်ပြလိုက်ရပါတယ်။