ပုံမှန်ကိုယ်လက်လှုပ်ရှားလေ့ကျင့်ခြင်းနှင့် ကောင်းကျိုး(၇)မျိုး

ခန္ဓာကိုယ်အလေးချိန်ကို ထိန်းညှိနိုင်မည်

လေ့ကျင့်ခန်းပြုလုပ်ခြင်းဖြင့် ခန္ဓာကိုယ်အလေးချိန်ကို မိမိလိုအပ်ချက်အတိုင်း အတိုး၊ အလျှော့ပြုလုပ်နိုင်ပါသည်။ အလေးချိန် များနေသူများအနေဖြင့် ကာယလေ့ကျင့်ခန်းလှုပ်ရှားမှု တစ်ခုခုနှင့် မိမိကိုယ်ကို စတင်မိတ်ဆက်မိပြီဆိုသည်နှင့် ကယ်လိုရီလောင်ကျွမ်းနိုင် ပါတော့မည်။ ပိုမိုလှုပ်ရှားမှုပြင်းထန်လေ ကယ်လိုရီပိုမိုလောင်ကျွမ်းလေပင်။ ဒီ့အတွက် အချိန်ကြီးကြီးမားမား သီးသန့်ဖယ်ထားရန် မလိုအပ်ဘဲ မှန်ကန်ရိုးစင်းသောနည်းလမ်းကို အသုံးပြုပြီး ပုံမှန်အားဖြင့် ဇွဲရှိရှိပြုလုပ်သွားရန်သာ လိုမည်ဖြစ်သည်။ ဓာတ်လှေကားစီးပြီး သွားမည့်နေရာတွင် ရိုးရိုးလှေကားမှ အတက်အဆင်းပြုလုပ်ခြင်း၊ နေ့စဉ်လုပ်စရာ အိမ်ကိစ္စများကို ကိုယ်တိုင်ကိုယ်ကျ လုပ်ကိုင်ဆောင် ရွက်ခြင်းတို့သည်လည်း အကျုံးဝင်ပါသည်။

ရောဂါများကို ကာကွယ်နိုင်မည်

နှလုံးရောဂါအတွက် စိတ်ပူနေရမည်၊ သွေးတိုးရောဂါအား ကာကွယ်နိုင်ဖို့ မျှော်လင့်နေသည်ဆိုပါလျှင် ပုံမှန်ကိုယ်ကာယ လေ့ကျင့်ခန်း ယူသင့်ပါသည်။ လေ့ကျင့်ခန်းပြုလုပ်ခြင်းဖြင့် လေဖြတ်ခြင်း၊ ကိုယ်တွင်းဓာတ်များ ပြောင်းလဲဖြစ်ပေါ်ခြင်း ရောဂါလက္ခဏာ စု၊ ဆီးချိုရောဂါ၊ စိတ်ကျဝေဒနာ၊ အဆစ်ရောင်ရောဂါနှင့် ကင်ဆာအမျိုးအစားအချို့ကို ကာကွယ်နိုင်မည်ဖြစ်ပါသည်။

အာရုံခံစားမှု ကောင်းစေမည်

စိတ်ဖိစီးမှုတွေကို ကြုံတွေ့ပြီးတဲ့အခါ ကျော်လွန်သွားရတဲ့ ခံစားချက်မျိုး၊ လွတ်လပ်ပေါ့ပါးကောင်းမွန်တဲ့ စိတ်ခံစားမှုမျိုးကို လေ့ကျင့် ခန်းပုံမှန်ပြုလုပ်ခြင်းဖြင့် ရရှိပိုင်ဆိုင်နိုင်ပါသည်။အားကစားခန်းမ၌ သွားရောက်ကစားသည်ဖြစ်စေ၊ နေ့စဉ် မိနစ် (၃၀)ခန့် သွက် လက်ဖျတ်လတ်စွာ လမ်းလျှောက်သည်ဖြစ်စေ၊ မှန်မှန်ပြုလုပ်ရန်သာလိုပါသည်။ ကိုယ်လက်လှုပ်ရှားခြင်းသည် ဦးနှောက်ကို တက်ကြွရွှင် လန်းလာစေရန် နှိုးဆွပေးသောကြောင့် ပိုမိုပျော်ရွှင်ခြင်းနှင့် စိတ်လက်ပေါ့ပါးခြင်းကိုဖြစ်စေပြီး မိမိကိုယ်ကို ယုံကြည်ခြင်းနှင့် တန်ဖိုးထား ခြင်းကို ဖြစ်ပေါ်စေပါသည်။

ကိုယ်ခံစွမ်းအား မြှင့်တင်ပေးမည်

ပုံမှန် ကိုယ်လက်လှုပ်ရှားလေ့ကျင့်ခန်းယူခြင်း သို့မဟုတ် နေ့စဉ်လှုပ်လှုပ်ရှားရှား လုပ်နေရသော အိမ်မှုကိစ္စများဟာ ခန္ဓာကိုယ် ကြွက်သားများကို သန်မာစေပြီး ကိုယ်ခံစွမ်းအားကို မြှင့်တင်ပေးနိုင်သည်။ ထိုသို့ပြုလုပ်ခြင်းဖြင့် တစ်ရှူးများဆီသို့ အောက်ဆီဂျင်နှင့် အာဟာရဓာတ် လုံလောက်စွာပို့ဆောင်ပေးနိုင်ပြီး နှလုံးသွေးကြောစနစ်၏ အလုပ်လုပ်ပုံကို ပိုမိုထိရောက်ကောင်းမွန်ရန် ကူညီပေးသည်။ ထို့ကြောင့် နှလုံးနှင့် အဆုတ်ကို ပိုမိုကောင်းမွန်စွာ အလုပ်လုပ်နိုင်စေပြီး သက်လုံကောင်း၍ ခွန်အားဗလ ပြည့်ဝစေသည်။

ကောင်းမွန်စွာ အိပ်ပျော်စေမည်

အိပ်မပျော်သူများ၊ နှစ်ခြိုက်စွာအိပ်ပျော်ရန် အလိုရှိသူများအတွက် ပုံမှန်ကိုယ်လက်လှုပ်ရှားမှုပြုလုပ်ရန် လေ့ကျင့်ခန်းမှန်မှန်ယူ ရန်သာ တိုက်တွန်းလိုပါသည်။ ၎င်းသည် လျင်မြန်စွာအိပ်ပျော်စေခြင်းနှင့် နှစ်နှစ်ခြိုက်ခြိုက်အိပ်ပျော်ခြင်းကို အထိရောက်ဆုံး ကူညီပေးနိုင် သည်။ သို့သော် အိပ်ရာဝင်ချိန်နှင့် နီးကပ်လွန်းစွာ ကိုယ်လက်လှုပ်ရှားလေ့ကျင့်ယူခြင်းနှင့် အိပ်ပျော်စေရန်အလို့ငှာ ခွန်အားအလွန်အကျွံ ဖြုန်းတီးပစ်ခြင်းကိုမူ ရှောင်ကြဉ်ရမည်ဖြစ်သည်။

 

လိင်မှုဘ၀ကို ကောင်းမွန်စေမည်

ပုံမှန် ကိုယ်ကာယလေ့ကျင့်ခန်းယူခြင်းဖြင့် အင်အားကုန်ခမ်းနွမ်းနယ်နေခြင်း၊ စိတ်သွားတိုင်း ကိုယ်မပါဖြစ်ခြင်းများကို ဆန့်ကျင် ဘက်သို့ ပြောင်းလဲပေးနိုင်ပြီး သင်၏အသွင်အပြင်ကို ပိုမိုကြည့်ကောင်းလာစေမည်ဖြစ်သည်။ ထိုအပြောင်းအလဲသည် လိင်မှုဘ၀အတွက် ကောင်းကျိုးရလဒ်ကို ဖြစ်ထွန်းစေသည်။ ပုံမှန်ကိုယ်လက်လှုပ်ရှားလေ့ကျင့်ခန်းယူသူ အမျိုးသား၊ အမျိုးသမီးများနှင့် လုံးဝမလုပ်သူများ သည် ကောင်းကျိုးရလဒ်အားဖြင့် လွန်စွာကွာခြားမှုရှိသည်ဟုဆိုသည်။

 

ပျော်ရွှင်စေမည်

ပုံမှန် ကိုယ်လက်လှုပ်ရှား လေ့ကျင့်ယူခြင်းအားဖြင့် အချိန်တချို့ကိုပျော်ရွှင်စွာ ဖြတ်သန်းနိုင်မည်ဖြစ်သည်။ စိတ်တင်းကျပ်မှုများ ကို ပြေလျော့စေပြီး ပြင်ပပတ်ဝန်းကျင်ကို ကြည်နူးစွာခံစားနိုင်ခြင်း၊ မိသားစု၊ မိတ်ဆွေအပေါင်းအသင်းများနှင့်အတူတကွ ဆောင်ရွက်နိုင် ခြင်း အစရှိသည့် အခွင့်အရေးများကို ဖန်တီးရရှိနိုင်သည်။ ထို့ကြောင့် လူမှုဆက်ဆံရေးဘ၀ကို ပျော်ရွှင်စွာ မြှင့်တင်နိုင်မည်ဖြစ်သော အက သင်တန်းတက်ခြင်း၊ တောင်တက်ခြင်း (သို့) ဘောလုံးကန်ခြင်း အစရှိသော ကိုယ်ကာယလှုပ်ရှားများကို မိမိနှစ်သက်ရာ ရွေးချယ် ဆောင်သင့်သလို တစ်မျိုးကို ငြီးငွေ့ပါကလည်း နောက်တစ်မျိုးသို့ ပြောင်းလဲဆောင်ရွက်နိုင်မည်ဖြစ်သည်။

 

ပိုကောင်းသော ခံစားချက်နှင့် တိုးပွားသော အားအင်ကိုပေးသော အသက်ရှည်ဆေးများတွင် လေ့ကျင့်ခန်းပြုလုပ်ခြင်းထက် ပို ကောင်းသော နည်းလမ်းမရှိဟုဆိုသည်။ ကြံ့ခိုင်လှပသော ကိုယ်ကာယနှင့် နုပျိုကျန်းမာခြင်းကို အလိုရှိလျှင် လေ့ကျင့်ခန်းပြုလုပ်ခြင်းကို လျစ်လျူရှုရန် မဖြစ်နိုင်ချေ။

ထိုသို့ ဘေးထွက်ဆိုးကျိုးမရှိသော အကျိုးကျေးဇူးများကို လေ့လာပြီးသည့်နောက် အချုပ်အားဖြင့် တိုက်တွန်းလိုသည်မှာ နေ့စဉ် နေ့တိုင်း အနည်းဆုံး မိနစ် (၃၀)ခန့် ကိုယ်လက်လှုပ်ရှားလေ့ကျင့်ခန်း ပုံမှန်ပြုလုပ်ခြင်းဖြင့် ကောင်းကျိုးများကို ရရှိပိုင်ဆိုင်နိုင်ပါစေကြောင်းဆန္ဒပြု ရေးသားတင်ဆက်လိုက်ရပါသည်။