နံနက်စာ မစားတဲ့အခါ

နံနက်စာဟာ တစ်နေ့လုံးစားသုံးသမျှ အစားအစာတွေထဲမှာ အရေးကြီးဆုံးဖြစ်တယ်ဆိုတာကို သိရှိထားတာ နှစ်ပေါင်းရာနဲ့ချီကြာနေပြီလို့ ဆိုနိုင်ပါတယ်။ ဒါပေမဲ့ ဒီလိုအရေးကြီးတဲ့ နံနက်ခင်းစာကို မပျက်မကွက် စားသုံးပေးတဲ့သူ ဘယ်နှစ်ဦးများ ရှိနိုင်ပါသလဲ။ အိပ်ယာထနောက်ကျလို့၊ အလုပ်ချိန် မမီလို့၊ နံနက်စာ ပြင်ဆင်ဖို့ အချိန်မရလို့ဆိုတဲ့ အကြောင်းပြချက်များစွာနဲ့ မစားဖြစ်ခဲ့တဲ့ နံနက်စာ အနပ်ပေါင်းများစွာက ကျွန်ုပ်တို့၊ သင်တို့ရဲ့ ကျန်းမာရေးနဲ့ ခန္ဓာကိုယ်ကို ဘယ်လို အကျိုးသက်ရောက်မှုတွေ ဖြစ်ပေါ်စေသလဲဆိုတာကို ဖော်ပြပေးချင်ပါတယ်။ သင် နံနက်စာ မစားတဲ့အခါ...

နှလုံး ကျန်းမာရေးကို ထိခိုက်စေပါတယ်
လေ့လာတွေ့ရှိမှုများအရ မနက်စာစားလေ့မရှိတဲ့ အမျိုးသားများကို နံနက်စာစားလေ့ရှိတဲ့ သူများနဲ့ နှိုင်းယှဉ်တဲ့အခါမှာ Heart Attack ဖြစ်နိုင်ချေ ၂၇ % ခန့် ပိုမိုမြင့်မားနေတာကို တွေ့ရှိခဲ့ရတယ်လို့ ဖော်ပြပြထားပါတယ်။ 

အဆိုပါ သုတေသနကို ဦးဆောင်ပြုလုပ်ခဲ့တဲ့ ပညာရှင်ကအဆိုပါ ပမာဏက အလွန်စိုးရိမ် စရာကောင်းတဲ့ အဆင့်တော့မဟုတ်ပေမယ့် ကျန်းမာရေးနဲ့ညီညွတ်တဲ့ နံနက်စာစားသုံးခြင်းက Heart Attack ကဲ့သို့သော ကျန်းမာရေး ပြဿနာများကို ထိန်းချုပ်ဟန့်တားပေးနိုင်စွမ်းရှိတယ်ဆိုတဲ့ အချက်ကတော့ စိတ်ဝင်စားစရာကောင်းတဲ့ အချက်ဖြစ် တယ်လို့ မှတ်ချက်ပြုခဲ့ပါတယ်။ 

နံနက်စားစားလေ့မရှိတဲ့ သူတွေမှာများသောအားဖြင့် သွေးတိုးနဲ့ နှလုံးသွေးကြောကျဉ်းခြင်းကဲ့သို့သော ကျန်းမာရေးချို့ယွင်းမှုတွေ ဖြစ်နိုင်ချေ မြင့်မားနေတယ်လို့လည်း သိရပြီး လေဖြတ်ခြင်းနဲ့  နှလုံးသွေးကြောဆိုင်ရာ နာတာရှည်ရောဂါများ ဖြစ်ပွားနိုင်ချေကိုလည်း မြင့်မားစေတယ်လို့ သိရပါတယ်။ 

ဆီးချိုရောဂါ ဖြစ်စေနိုင်ပါတယ် 
Harvard University School of Public Health က ဦးဆောင်ပြီး ပြုလုပ်ခဲ့တဲ့ လေ့လာမှုတစ်ခုအရ အစားအသောက်စားသုံးတဲ့ အလေ့အကျင့်နဲ့ ကျန်းမာရေးဆက်စပ်မှုရှိတာကို တွေ့ရှိခဲ့ရတယ်လို့ ဆိုပါတယ်။  အမျိုးသမီး ၄၆၂၈၉ ဦး ပါဝင်ခဲ့ပြီးအချိန် ခြောက်နှစ်ကြာ ပြုလုပ်ခဲ့တဲ့ အဆို ပါ လေ့လာမှုတစ်ခုမှာနံနက်စာစားသုံးခြင်း အလေ့အထနဲ့ပတ်သက်ပြီး စိတ်ဝင်စားစရာကောင်းတဲ့ ရလဒ်ကိုတွေ့ရှိခဲ့တယ်လို့ ပညာရှင်တွေ ဖော်ပြခဲ့ပါတယ်။

နံနက်စာပုံမှန်စားလေ့ရှိသူ အမျိုးသမီးများနဲ့ နှိုင်းယှဉ်လိုက်တဲ့အခါ တစ်ခါတစ်ရံမှ နံနက်စာ စားလေ့ရှိသူ အမျိုးသမီးတွေမှာType-2 diabetes (ဆီးချိုရောဂါ) ဖြစ်နိုင်ချေ ပိုမိုမြင့်မားနေတာကို တွေ့ရှိခဲ့ရတယ်လို့ သိရပါတယ်။ နံနက်စာမစားဘဲ လုပ်ငန်းခွင် ၀င်လေ့ရှိသူ အမျိုးသမီးများမှာ ဆိုရင်တော့ ဆီးချိုရောဂါ ဖြစ်နိုင်ချေ ၅၄% ခန့် ပိုမိုမြင့်မားနေတယ်ဆိုတဲ့ အချက်ကိုလည်း တွေ့ရှိခဲ့ရတယ်လို့ ဆိုပါတယ်။ ဒါကြောင့် သင်ဟာ အမျိုးသမီးတစ်ဦးလည်း ဖြစ်မယ်၊ လုပ်ငန်းခွင်လည်း ၀င်ရမယ်ဆိုရင် သင့်ရဲ့ကျန်းမာရေးအတွက် နံနက်စာကိုမစားမဖြစ် စားပေးသင့်ပါကြောင်း သတိပေးလိုပါတယ်။ 

အ၀လွန်စေနိုင်ပါတယ်
သင်ဟာ နံနက်စာရှောင်ပြီး ကိုယ်အလေးချိန်လျှော့ချဖို့ ကြိုးစားနေသူတစ်ဦးဖြစ်ပါသလား။ နံနက်စားမစားခြင်းကြောင့်ဖြစ်လာမယ့် နောက်ဆက်တွဲဆိုကျိုးတွေကို လေ့လာပြီးနောက် အဆိုပါ နည်းလမ်းကို ဒုတိယအကြိမ်ပြန်လည်စဉ်းစားပါလို့ ပညာရှင်တွေ အကြံပြုထားပါတယ်။ နံနက်စာ မစားခြင်းကြောင့် ရေရှည်မှာကိုယ်အလေးချိန် တိုးလာနိုင်ပြီး အ၀လွန်ခြင်း ပြဿနာနဲ့ ကြုံတွေ့ လာရနိုင်တာကြောင့်  ကိုယ်အလေးချိန် လျှော့ချဖို့ နံနက်စာရှောင်တဲ့ သင့်ရဲ့ နည်းလမ်းကတကယ် အလုပ်ဖြစ်နိုင်မလားဆိုတာကို ပြန်လည် သုံးသပ်ရမှာပါ။ 

နံနက်စာ မစားထားတဲ့အခါမှာ သင့်ရဲ့ ခန္ဓာကိုယ်က သကြားနဲ့ အဆီဓာတ်ပါတဲ့ အစားအ သောက်တွေကို စားသောက်ချင်တဲ့ဆန္ဒ ဖြစ်ပေါ်လာစေပါတယ်။ နံနက်စာမစားထားလို့ ဗိုက်ဆာနေတဲ့အတွက်ကြောင့် ဘယ်လိုအစားအစာမျိုးကိုမဆိုစားလိုစိတ် ဖြစ်ပေါ်နေနိုင်ပြီး ပမာဏများများ လည်းစားဖြစ်သွားမှာ ဖြစ်ပါတယ်။ ဒီအချိန်မှာ သင့်စားသုံးလိုက်တဲ့ အစားအသောက်တွေမှာ ပါဝင်တဲ့ ကယ်လိုရီပမာဏက ခန္ဓာကိုယ်က တစ် 
ရက်တာအတွက် လိုအပ်တဲ့ ပမာဏထက်လည်း ပိုသွားကောင်းပိုသွားနိုင်ပါပြီ။  ဒီလိုနဲ့ သင့်ခန္ဓာကိုယ်ရဲ့ အလေးချိန်ကိုညွှန်ပြမယ့် ကိန်းဂဏန်းတွေ တဖြည်းဖြည်း ကြီးထွားလာတော့မှာ ဖြစ်ပါတယ်။ 

စိတ်မကြည်မလင် ဖြစ်စေပါတယ် 
နံနက်စားမစားခြင်းက သင့်ရဲ့ စိတ်ပိုင်းဆိုင် ရာခံစားမှုနဲ့ ရုပ်ပိုင်းဆိုင်ရာ အားစိုက်ထုတ်နိုင်မှု အပိုင်းမှာပါ အနှုတ်သဘောဆောင်တဲ့ သက်ရောက်မှုတွေ ရှိနိုင်တယ်လို့ သိရပါတယ်။ ဗြိတိန်သုတေသနအဖွဲ့တစ်ခုက လေ့လာမှုပြုလုပ်ပြီးနောက် နံနက်စာမစားထားတဲ့ သူတွေကို နာရီအနည်းငယ်အကြာမှာ လေ့လာခဲ့တဲ့အခါ မှတ်ဉာဏ်စွမ်းရည်နိမ့်ကျပြီး အလွယ်တကူ မောပန်းနွယ်နယ်လွယ်တာကို တွေ့ရှိခဲ့ကြပါတယ်။ ဒါကြောင့် နံနက်စာ မစားဘဲနေခြင်းက သင့်ရဲ့စွမ်းအားကို ကျဆင်းစေရုံသာမကဘဲ မှတ်ဉာဏ်ကိုပါ ထိခိုက်မှုရှိစေနိုင်တာကြောင့် နောက်ဆက်တွဲ ဆိုးကျိုးများအ နေနဲ့လုပ်ငန်းခွင် (သို့) သင်ကြားမှုပိုင်းမှာ ပြဿနာ ဖြစ်လာစေနိုင်ပါတယ်။ ဒါကြောင့် နံနက်စာကို စားဖြစ်အောင် စားပေးဖို့ လိုအပ်ပါတယ်။ 

ကင်ဆာရောဂါဖြစ်နိုင်ချေကို မြင့်တက်စေပါတယ်
နံနက်စာမစားဘဲနေခြင်းက အထက်မှာ ဖော်ပြထားခဲ့ပြီးသလိုပါပဲ။ နေ့လည်စာနဲ့ ညနေစာ တွေကို လိုတာထပ်ပိုပြီးစားသုံးမိစေနိုင်သလို သရေစာမုန့်များကိုလည်း များများစားမိစေနိုင်တဲ့ အဖြစ်သို့ ဦးတည်သွားစေနိုင်ပြီး ရေရှည်မှာ အ၀လွန်ခြင်းကဲ့သို့သော ပြဿနာနဲ့ ရင်ဆိုင်လာရနိုင်ပါတယ်။ အ၀လွန်ခြင်းက များပြားလှစွာသော ရောဂါဘယများရဲ့လမ်းစ ဖြစ်ပါတယ်။ ကင်ဆာဖြစ်နိုင်ချေ မြင့်မားခြင်းနဲ့ အ၀လွန်ခြင်းဆက်စပ်မှုရှိနေတယ်လို့လည်း Cancer Research UK မှ  သတိပေး ပြောဆိုထားတာရှိပါသေးတယ်။ သင့်ရဲ့နံနက်စာစားလေ့မရှိတဲ့ သာမန် အပြုအမူလေးဟာ မထင်မှတ်ဘဲ အသက်အန္တရာယ်ကို ခြိမ်းခြောက် နိုင်တဲ့ ကင်ဆာလိုမျိုးရောဂါ ကြီးကြီးမားမားကြီး တစ်ခုဆီဦးတည်သွားမှာကိုတော့ သင်လိုလားမှာမဟုတ်ဘူးလို့ယူဆပါတယ်။ ဒါကြောင့် ကြိုတင် ကာကွယ်တဲ့ အနေနဲ့ကျန်းမာရေးနဲ့ညီညွတ်တဲ့ နံနက်ခင်းစာကို စားဖြစ်အောင် စားပေးပါလို့ ပညာရှင်တွေ တိုက်တွန်းရခြင်းဖြစ်ပါတယ်။ 

သိမြင်နားလည်နိုင်စွမ်းကို တိုးတက်စေပါတယ်
နေ့စဉ်စားသောက်တဲ့ ပုံစံအချိန်ဇယားမှာ နံနက်စာကိုမပါ မဖြစ်ထည့်သွင်းထားခြင်းက သင့်ရဲ့သိမြင်နားလည်မှု ဖြစ်စဉ်ကို တိုးတက် ကောင်းမွန်စေနိုင်တာကို သင်သိပါသလား။ အသက် ၁၂ မှ ၁၅ နှစ် အတွင်းရှိတဲ့ ဆယ်ကျော်သက်များပါဝင်တဲ့ လေ့လာမှုတစ်ခုအရ နံနက်ခင်းစာ စားသုံးထားတဲ့ ကလေးများဟာ နံနက်စာ မစားထားတဲ့ ကလေးများနဲ့ နှိုင်းယှဉ်တဲ့အခါမှာ သိမြင်နားလည်နိုင်မှု စွမ်းရည် ပိုပြီးကောင်းမွန်တာကို တွေ့ရှိခဲ့ရတယ်လို့ သိရပါတယ်။ ဒါကြောင့်နံနက်စာ စားသုံးခြင်းက မှတ်ဉာဏ်စွမ်းရည်ကိုသာမကပဲ သိမြင်နားလည်နိုင်မှု စွမ်းရည်ကိုပါ ပိုပြီးတိုးတက်ကောင်းမွန်စေနိုင်တယ်လို့ ဆိုရမှာ ဖြစ်ပါတယ်။ ဆယ်ကျော်သက်အရွယ်များနဲ့ လေ့လာမှုပြုလုပ်ခဲ့တာဖြစ်သော်လည်း အရွယ်ရောက်ပြီးသူများမှာပါ တူညီတဲ့ အကျိုးသက်ရောက်မှုရှိနိုင်ကြောင်း ပညာရှင်တွေ သုံးသပ်ခဲ့ကြပါတယ်။ 


ခေါင်းကိုက်စေနိုင်ပါတယ်
Hypoglycemia ဆိုတာ သွေးတွင်းမှာ သကြားပမာဏနည်းပါးတဲ့ အခြေအနေကို ညွှန်းဆိုလိုတဲ့အခါမှာ အသုံးပြုလေ့ရှိတဲ့ ဆေးဘက်ဆိုင်ရာ ဝေါဟာရတစ်ခုဖြစ်ပါတယ်။ ခန္ဓာကိုယ်က အစားအသောက်ကို လိုအပ်ချိန်မှာမစားပေးရင်၊ တစ်နည်းအားဖြင့် အစားအစာကိုပုံမှန်စားသင့်တဲ့ အချိန်မှာ မစားပေးရင် ခန္ဓာကိုယ်ကသွေးတွင်း သကြားဓာတ်ကို ကမောက်ကမ ဖြစ်စေမယ့် ဟော်မုန်းတွေကို ထုတ်လွှတ်ပြီးအချက်ပြမှာ ဖြစ်ပါတယ်။ တစ်ချိန်တည်းမှာ သွေးဖိအားကို မြင့်တက်လာစေပြီး ခေါင်းတစ်ခြမ်းကိုက်တဲ့ ဝေဒနာနဲ့ သာမန် ခေါင်းကိုက်ဝေဒနာတွေကို စတင်ဖြစ်ပေါ်လာစေမှာပါ။  အဆိုပါ ဖြစ်စဉ်ကအဓိကအားဖြင့် နံနက်စာကိုစားသင့်တဲ့ အချိန်မှာမစားပေးတဲ့အခါမှာ အသိသာဆုံး ဖြစ်လေ့ရှိတယ်လို့ ပညာရှင်တွေ ဆိုပါတယ်။ ဘာကြောင့်လဲဆိုတော့  ၁၂ နာရီကြာရေနဲ့ အခြားအစားအစာ တစ်စုံတစ်ရာမရရှိထားတဲ့ သင့်ခန္ဓာကိုယ်လှုပ်ရှားဖို့ လိုအပ်တဲ့ စွမ်းအင်နဲ့ အခြားအာဟာရဓာတ်တွေကို နံနက်စာကမှတစ်ဆင့် ရရှိမှာကြောင့် ဖြစ်ပါတယ်။ ဒါကြောင့် အဆို
ပါ ခေါင်းကိုက်ခြင်းကိုကာကွယ်ဖို့နဲ့ သွေးတွင်း သကြားဓာတ်ကို ပုံမှန် အနေအထားမှာ ထိန်းသိမ်းထားနိုင်ဖို့ဆိုရင် နံနက်စာကိုမဖြစ်မနေ စားသုံးပေးဖို့ လိုကိုလိုအပ်လာပါပြီ။ 

ဆံပင်ပို ကျွတ်လာစေနိုင်ပါတယ်
သင်စားသုံးလိုက်တဲ့ အစားအသောက်များဆီမှာ ပရိုတိန်းဓာတ် လုံလုံလောက်လောက် မရရှိဘူးဆိုရင် ခန္ဓာကိုယ်ထဲကဆံပင်တွေ ကျန်းမာသန်စွမ်းဖို့ လိုအပ်တဲ့ ဓာတ်တစ်မျိုးဖြစ်တဲ့ Keratin ပမာဏကို သက်ရောက်မှုရှိလာမှာဖြစ်ပြီး ဆံပင်တွေ စတင်ကျွတ်လာမှာ ဖြစ်ပါတယ်။ နံနက်စာဟာ နေ့တစ်နေ့လုံးအတွက် အရေးအကြီးဆုံး ဖြစ်သလို ဦးရေပြားမှာရှိတဲ့ မွှေးညှင်းပေါက်လေးတွေ ကို ကျန်းမာစေပြီး ဆံပင်တွေ သန်စွမ်းစေဖို့ အဓိကအရေးပါတဲ့ အခန်းကဏ္ဍမှာ ပါဝင်နေတယ်ဆိုရင် သင်အံ့အားသင့်သွားနိုင်ပါတယ်။ သင့်ရဲ့ ဆံပင်ကျွတ်တဲ့ ပြဿနာကို နံနက်စားမစားခြင်းကိစ္စနဲ့  တစ်ခါမှ ဆက်စပ်ပြီး မစဉ်းစားခဲ့ဖူးဘူးဆိုရင် အခုအချိန်က ပြန်လည်းစဉ်းစားရမယ့် အချိန်ဖြစ်ပါတယ်။ အထူးသဖြင့် သင့်ရဲ့ နံနက်စာမှာ ပရိုတိန်းပြည့်ပြည့်၀၀ ပါဝင်ရဲ့လားဆိုတာကို ပြန်လည်စစ်ဆေးကြည့်ပါလို့ အကြံပြုလိုက်ချင်ပါတယ်။ 

ဇီဝကမ္မ ဖြစ်စဉ်အပေါ် သက်ရောက်မှုရှိပါတယ်
လောင်စာဆီမရှိဘဲ အင်ဂျင်ကောင်းကောင်းအလုပ်လုပ်တဲ့ ကားတစ်စီးစီးကိုများ သင်မြင်ဖူးပါသလား။ ဒီလိုပါပဲ။ ကျွန်ုပ်တို့ရဲ့ ခန္ဓာကိုယ်ကြီးတစ်ခုလုံး အိပ်စက်ရာမှာထပြီး ကောင်းကောင်းမွန်မွန်စတင် အလုပ်လုပ်ဖို့ လောင်စာဆီကဲ့သို့ စွမ်းအင်လိုအပ်ပါတယ်။ အဆိုပါ လိုအပ်တဲ့ စွမ်းအင်ကိုစားသုံးလိုက်တဲ့ အစားအစာများဆီမှ တစ်ဆင့်ရရှိပါတယ်။ ဒါကြောင့် နံနက်စာစားဖို့ ဘာကြောင့် အရေးကြီးသလဲဆိုတာ သင်သိလောက်ပါပြီ။ နံနက်စာစားပေးလိုက်တာကြောင့် သင့်ရဲ့ ဇီဝကမ္မဖြစ်စဉ်တွေကို စတင်ဖြစ်ပျက်စေဖို့ နှိုးဆော်ပေးသလို ဖြစ်စေပြီး ခန္ဓာကိုယ်ရဲ့ အစိတ်အပိုင်းအသီးသီးကသူတို့ရဲ့ တာဝန်ကို စတင်လုပ်ဆောင်ကြမှာဖြစ်တာကြောင့် သင့်ကိုပိုပြီးကျန်းမာစေအောင် ကူညီပေးရာရောက်ပါတယ်။

နံနက်စာစားခြင်းကြောင့်ရရှိမယ့် အကျိုးကျေးဇူးများစွာရှိပြီး အကယ်၍ မစားခဲ့ရင် ဖြစ်လာနိုင်တဲ့ နောက်ဆက်တွဲကျန်းမာရေး ပြဿနာများလည်းရှိတာကြောင့် ကျန်းမာရေးနဲ့ ညီညွတ်တဲ့ နံနက်စာကိုစားနိုင်ဖို့ သင့်ရဲ့အချိန်စာရင်းကို အနည်းငယ် အပြောင်းအလဲ လုပ်ကြည့်ပါလို့ အကြံပေးလိုက်ရပါတယ်။ 
Ref; 10 Harmful Effects Of Skipping Breakfast