အာဟာရ ဗေဒပညာရှင်တို့ ရှောင်ရှားကြတဲ့ အစားအစာများ

အစားအစာနဲ့ အာဟာရပညာရှင်ဆိုသူတွေက အစားအစာထဲမှာပါဝင်တဲ့ ကျန်းမာရေးကို အထောက်အကူပြုစေတဲ့ ပါဝင်ပစ္စည်းတွေနဲ့ ကျန်းမာရေးအတွက် ဆိုးကျိုးသက်ရောက်စေတဲ့ ပါဝင်ပစ္စည်းတွေကို လေ့လာစမ်းသပ်ပြီး ဘယ်အစားအစာကတော့ ကျွန်မတို့တွေရဲ့ ခန္ခာကိုယ်အတွက် ကောင်းမွန်တယ်၊ ဘယ်အစားအစာကတော့ ခန္ဓာကိုယ်အတွက် မကောင်းဘူးဆိုတာတွေကို ဆုံးဖြတ်ကြပေးကြတဲ့ အသက်မွေးဝမ်းကြောင်း လုပ်ငန်းပိုင်ရှင်တွေပေါ့။ ဒါကြောင့်အာဟာရဗေဒညာရှင်တွေ မစားဘဲ ရှောင်ရှားလေ့ရှိတဲ့ အစားအစာတွေဆိုရင် ကျွန်မတို့တွေလည်း မစားဘဲ ဆင်ခြင်လိုက်ခြင်းက ပိုပြီးကောင်းလိမ့်မယ်လို့ ထင်ပါတယ်။ 

ခန္ဓာကိုယ်အတွက် မကောင်းဘူးဆိုတဲ့ တချို့သော အစားအစာတွေဟာ သိပ်ပြီးသိသာသလို အတော်များများလည်း သိထားကြပြီးသားပါဘဲ။ ဥပမာပြောရမယ်ဆိုရင် သကြားလုံး၊ ဆိုဒါနဲ့ ဆီ ကြော်မုန့်တွေပေါ့။ တခြားအရာတွေက သိပ်ပြီးမထင်ရှားကြဘူးလို့ ဆိုရပါမယ်။ အစားအစာနှင့် အာဟာရဗေဒပညာရှင်တွေက ဒီလို အစားအစာတွေကတော့ ခန္ဓာကိုယ်အတွက် မသင့်တော်ပါဘူးလို့ပြောရင် သိပ်ကိုအံ့သြသွားလိမ့်မယ် ထင်ပါတယ်။ ဘယ်လိုအစားအစာတွေကို အာဟာရ ဗေဒပညာရှင်တွေ မစားသုံးဘဲ ရှောင်ရှားကြသလဲဆိုတာကို ကျွန်မတို့လည်း လိုက်နာရှောင်ရှားနိုင်ဖို့အတွက် ဆက်ပြီးတော့ လေ့လာကြည့်ကြတာပေါ့။ 

၁။ ဖိုက်ဘာဘား (Fiber Bars) 
အမျှင်ဓာတ်က ခန္ဓာကိုယ်အတွက် ကောင်းပါတယ်။ ခန္ဓာကိုယ်အတွက် တစ်နေ့မှာ အမျှင်ဓာတ် ၂၅ ဂရမ်ကနေ ၃၅ ဂရမ်အထိ လိုအပ်ပါတယ်။ ဒါပေမဲ့ လိုအပ်တဲ့ အမျှင်ဓာတ်ကို ဖိုက်ဘာဘားတွေကနေတော့ မရယူသင့်ပါဘူးဆိုပြီး အာဟာရဗေဒပညာရှင် Kristin Kirkpatrick က ပြော ထားပါတယ်။ ဖိုက်ဘာဘားတွေမှာ သကြားဓာတ်အလွန်အကျွံပါဝင်နေပြီး အာဟာရဖြစ်စေတဲ့ ပါဝင်ပစ္စည်းက နည်းနည်းလေးပါပါသတဲ့။ ဖိုက်ဘာဘားတွေဟာ အသွင်ပြောင်းထားတဲ့ ချောကလက် 
တစ်ချောင်းလိုပါဘဲ ဆိုပြီး  Kristin က ပြောလေ့ရှိပါတယ်။ သကြားဓာတ်တွေ ထပ်ပေါင်းမထား ဘဲ ကျန်းမာရေးနဲ့ ညီညွတ်တဲ့ အမျှင်ဓာတ်အရင်းအမြစ်တွေ အများကြီးရှိပါတယ်။ အခွံချွတ်မထားတဲ့ အစေ့အဆံတွေ၊ သစ်သီးတွေ၊ ဟင်းသီးဟင်း
ရွက်တွေ၊ အခွံမာသီးတွေနဲ့ ပဲအမျိုးမျိုးတို့ကနေ အမျှင်ဓာတ်ကို ရယူနိုင်ပါတယ်။ 

၂။ ပြုပြင်စီမံထားသော အသားများ 
ဝက်ပေါင်ခြောက်၊ ဝက်ဆားနယ်ကျပ်တင်၊ ဟော့ဒေါ့၊ ဝက်အူချောင်းနဲ့ အသားပြားတို့လို ပြုပြင်စီမံထားတဲ့ အသားတွေက ကျန်းမာရေးကို ထိခိုက်စေတဲ့အကြောင်း အစားအစာနဲ့ အာဟာရဗေဒပညာရှင် Elizabeth Jaramillo-Lopez က 
သတိပေးပြောကြားထားပါတယ်။  ၂၀၁၀ ခုနှစ်က ပြုလုပ်ခဲ့တဲ့ ဟားဗတ်က သုတေသီတွေရဲ့ လေ့လာမှုအရ ပြင်ဆင်ပြုလုပ်ထားတဲ့ အသားတွေဟာ နှလုံးနဲ့ဆိုင်တဲ့ ရောဂါတွေဖြစ်ပွားဖို့ ၄၂ ရာခိုင်နှုန်းနဲ့ ဆီးချိုရောဂါဖြစ်ပွားဖို့အတွက် ၁၉ ရာခိုင်နှုန်း အန္တရာယ်ရှိတယ်လို့ သိရပါတယ်။ ဒါ့အပြင် ပြည့်ဝဆီပမာဏ အများအပြား စားသုံးမိမယ်ဆိုရင် ကျန်းမာရေးအတွက် မကောင်းတဲ့အဆီတွေက ကိုလက်စထရော ပမာဏကို တိုးလာစေပါတယ်။ ပြင်ဆင်ပြုလုပ်ထားပြီးသား အသားတွေမှာ အသားရဲ့ အရောင်ကို လှပအောင် ပြုလုပ်ပေးတဲ့၊ အနံ့နဲ့ အရသာကို ပိုကောင်းစေသော ဖြည့်စွက်ဓာတု ပစ္စည်းဖြစ်တဲ့ ဆိုဒီယမ် နိုက်ထရိတ် ပါဝင်ပါတယ်။ သုတေသနမှတ်တမ်းတွေအရ ဆိုဒီယမ်နိုက်ထရတ်ဟာ အမျိုးမျိုးသော ကင်ဆာရောဂါတွေနဲ့ ဆက်စပ်နေပါတယ်။ အမေရိကန် ကင်ဆာရောဂါဆိုင်ရာ လူမှုအဖွဲ့အစည်းက သူတို့ရဲ့ ဝက်(ဘ) စာမျက်နှာမှာ ဆိုဒီယမ် နိုက်ထရိတ်က တိရစ္ဆာန်တွေမှာ ကင်ဆာဖြစ်စေတဲ့ အရာဝတ္ထုတွေအဖြစ် သိကြတဲ့ နိုက်ထရိုဆာမိုင်းအဖြစ် ပြောင်းလဲသွားစေတယ်လို့ ရေးသားထားတာကို တွေ့ရပါတယ်။ 

၃။ အဆီမပါသော အစားအစာများ 
ဈေးကို သွားကြတဲ့အခါ စင်တွေပေါ်မှာ အဆီပါဝင်မှု မရှိတဲ့အကြောင်း သို့မဟုတ် အဆီ ၀.၅ ဂရမ် အောက်သာ  ပါဝင်တယ်ဆိုတဲ့အကြောင်း 
ကို ဝင့်ကြွားစွာ ရေးထိုးထားပြီး လှလှပပ သပ်သပ်ရပ်ရပ် ထုပ်ပိုးထားတဲ့ အထုပ်လေးတွေရဲ့ ဆွဲဆောင်မှုကို သတိထားပေးပါ။ အာဟာရဗေဒပညာ ရှင် Kristin Kirkpatrick ကတော့ ဒီလို အစားအစာတွေက ကယ်လိုရီတက်တာကို နည်းနည်းတော့ ထိန်းလိုက်နိုင်မှာဖြစ်ပေမယ့် အခြားသော နည်းလမ်းတွေနဲ့ ကျန်းမာရေးဆုံးရှုံးမှုကို ခံစားရတယ်လို့ ဆိုထားပါတယ်။  များသောအားဖြင့် အစားအစာထုတ်လုပ်သူတွေက အဆီတွေကို သကြားနဲ့ အစား ထိုးပြီး ဖယ်ရှားလေ့ ရှိပါတယ်။ ဒီလိုပြုလုပ်ထားတဲ့ အစားအစာတွေကို စားတာက ကျွန်မတို့ရဲ့ ကျန်းမာရေးကို ပိုပြီးဆိုးရွားစေပါတယ်။ အထူးသဖြင့် အဆီတွေက ကျန်းမာရေးနဲ့ ညီညွတ်စေတဲ့ မပြည့်ဝဆီ ဒါမှမဟုတ် ပိုလီမပြည့်ဝဆီတွေ ဖြစ်နေမယ်ဆိုရင်ပေါ့။ ကျန်းမာရေးနဲ့ ညီညွတ်တဲ့ အဆီတွေကိုတော့ ရိုးရှင်းတဲ့ ကာဗိုဟိုက်ဒရိတ်တွေ စားသုံးပေးခြင်းဖြင့် ရရှိနိုင်ပါတယ်။ ဒီလိုပြုလုပ်တာက သွေးတွင်းသကြားဓာတ်ကို အလိုအလျောက် မြင့်တက်စေပြီး သွေးတွင်းသကြားဓာတ်ရဲ့ ပမာဏကိုလည်း တည်ငြိမ်စေပါတယ်။ 

၎။ နံနက်စာ ကွေကာဘူးများ 
သကြားတွေ အများကြီးပါဝင်နေတဲ့ နံနက်စာ ကွေကာတွေကို ငယ်စဉ်ကတည်းက နှစ်သက်ခဲ့သူတစ်ဦးဆိုရင်တော့ အခုချိန်မှာ အရွယ်ရောက်ဖို့ သင့်နေပါပြီ။ ဖလိပ်၊ ပဖ်တွေ နဲ့ သကြားများများ အုပ်ထားတဲ့ ကြယ်ပုံမုန့်တွေဟာ တခါတရံမှာတော့ marshmallow လို့ခေါ်တဲ့ ပျော့အိအိမုန့်လေးတွေနဲ့ ချောကလက်တို့ ရောနှောပါဝင်နေပါတယ်။ ဒါ ပေမဲ့ ဒီလိုအစားအစာတွေက နံနက်စာ စားပွဲပေါ်မှာတော့ နေရာယူမထားသင့်ပါဘူးဆိုပြီး အစားအစာနဲ့ အာဟာရဗေဒပညာရှင် Nina Dougherty က ပြောပါတယ်။ သူတို့ဟာ အခြေခံအားဖြင့် အဖြူရောင်ဂျုံတွေကို ပုံဖော်ထားရုံသက်သက်ပါ။ တခါတရံမှာ ဗီတာမင်တွေ ထပ်ဖြည့်ထားပါတယ်။ ဒါပေမဲ့ အခွံချွတ်မထားတဲ့ အစေ့အဆန်နဲ့ ပြုလုပ် တဲ့ ကွေကာကို ရွေးချယ်တာက အာဟာရဓာတ်တွေကို ရရှိဖို့အတွက် ပိုပြီးကောင်းတဲ့ နည်းလမ်းဖြစ်ပါလိမ့်မယ်။ ဗီတာမင် ထပ်ဖြည့်ထားပြီး အဆင့်ဆင့် ပြုပြင်ပြောင်းလဲထားတဲ့ ကွေကာတွေဟာ အစာခြေစနစ်ကျန်းမာရေးအတွက် အရေးကြီးတဲ့ အမျှင်ဓာတ်တွေ မပါဝင်ပါဘူး။ 

၅။ ချောကလက်များ 
အခွံမာသီး ထည့်သွင်းပြုလုပ်ထားပြီး ဝါးစားလို့ကောင်းတဲ့ ချောကလက်လုံးလေးတွေ ဒါမှမဟုတ် နို့ပါဝင်တဲ့ ချောကလက်ချောင်းတွေကို စားရတာ နှစ်သက်တယ်ဆိုရင်တော့ အာဟာရတန်ဖိုး နည်းနည်းသာပါတဲ့ အဆီနဲ့ သကြားချောင်းကို စားနေတဲ့သူလို့ ဆိုရမှာပါဘဲ။ စတိုးဆိုင်တွေမှာ တွေ့ရလေ့ရှိတဲ့ ချောကလက်တစ်ခုမှာ ကယ်လိုရီပမာဏ  ၂၆၀ အထိ ပါဝင်လေ့ရှိပါတယ်။ ချောကလက်မှာ ထည့်သွင်းထားတဲ့ သကြား ၃၅ ဂရမ်န ၁၄၃ ကယ်လိုရီကို ရရှိပါမယ်။ ဒါက သကြားလက်ဖက်ရည်ဇွန်း ၈ ဇွန်းနဲ့ ညီမျှပါတယ်။ အမေရိကန် နှလုံးကျန်းမာရေး အဖွဲ့အစည်းရဲ့ အကြံပြုချက်အရ အမျိုးသားတစ်ဦးဟာ တစ်နေ့တာအတွက် သကြားလက်ဖက်ရည်ဇွန်း ၉ ဇွန်းနဲ့ အမျိုးသမီးတစ်ဦးအတွက် သကြား လက်ဖက်ရည် ဇွန်း ၆ ဇွန်းသာ စားသုံးဖို့ လိုအပ်ပြီး ယင်းက ကယ်လိုရီ ၁၀၀ နဲ့ ၁၅၀ အသီးသီး ရရှိစေပါတယ်။ သကြားဟာ အစားပြန်ပေးလို့ရတဲ့ အရည်အသွေးမျိုး မရှိပါဘူး။ သကြားကိုလိုအပ်တဲ့ ပမာဏထက် ပိုမိုစားသုံးမယ်ဆိုရင် ကိုယ်အလေးချိန်တိုးစေတာ၊ ဆီချိုရောဂါဖြစ်စေတာတွေအပြင် အခြားသော ကျန်းမာရေး ပြဿနာတွေရဲ့ အဓိက အကြောင်း အရင်းလည်း ဖြစ်စေတယ်လို့ သိရပါတယ်။ 

၆။ အရောင်လှလှ အနံ့မွှေးမွှေး ဂျယ်လီများ 
အနံ့အရသာ ထည့်သွင်းထားတဲ့ ဂျယ်လီတွေက ချိုတယ်၊ တုန်အိအိကလေးဖြစ်တဲ့အပြင် သက်တံ့လို အရောင်စုံပုံစံနဲ့လည်း ရရှိနိုင်ပါတယ်။ ဒါပေမဲ့ ကျွန်မတို့တွေအတွက်တော့ မကောင်းဘူးလို့ ဆိုရမှာဘဲ။ သကြား၊ ရေ၊ အစားအစာအတွက် သုံးတဲ့ အရောင်နဲ့ တိရစ္ဆာန်က ရတဲ့အဆီတွေကို ပေါင်းစပ်ထားတဲ့ ဒီအရာဟာ အစားအစာလို့ မဆိုနိုင်ပါဘူးဆိုပြီး အာဟာရဗေဒပညာရှင် Carole M. Farina က ပြောပါတယ်။ သူမဆက်ပြောတာက ဂျယ်လီတွေမှာ ပါဝင်တဲ့ အာဟာရတန်ဖိုးကလည်း သိပ်ကို နည်းပါတယ်။ နေမကောင်းဘဲ ဖျားနာနေတဲ့အခါဆိုရင်တော့ ကောင်းမယ်ထင်ပါရဲ့။ ဒါက ချေဖျက်ဖို့လွယ်တဲ့ သကြားကယ်လိုရီကို ပေးနိုင်တာကြောင့်ပါ။ ဒါပေမဲ့ ကျွန်မ နေမကောင်းဖြစ်ရင်တော့ စားချင်တဲ့ အရာဆိုတာ ဘာမှမရှိပါဘူး။ တုပ်ကွေးမိတာမဟုတ်ဘူးဆိုရင် သစ်သီးတွေနဲ့ ပြုလုပ်ထားတဲ့ ဂျယ်လီ ဒါမှမဟုတ် လတ်လတ်ဆတ်ဆတ် သစ်သီးတွေကို သွားရည်စာအဖြစ် စားသုံးပေးတာက ပိုပြီးကောင်းတယ်လို့လည်း သူမက အကြံပြုထားပါတယ်။ 

၇။ အသင့်စား အစားအစာများ
အစားအစာနဲ့ အာဟာရဗေဒပညာရှင် Nina Dougherty ကတော့ အသင့်စားအစားအစာတွေရဲ့ အကြီးမားဆုံး ပြဿနာက အရောင်မပါရှိခြင်းပါဘဲလို့ ဆိုလာပါတယ်။ အသင့်စား အစားအစာတွေက အညိုရောင်၊ အဖြူ၊ ဖျော့တော့တော့ အရောင်၊ ခရင်(မ) လို အရောင်တွေပါဘဲ။ သူမ ရည်ညွှန်းချင်တဲ့ အစားအစာတွေထဲမှာ နို့ထွက်ပစ္စည်းတွေနဲ့ ပြုလုပ်ထားတဲ့ dressing ၊ မိုင်ယောနိ့(စ)၊ ရှာလကာရည်၊ သကြားနဲ့ ငရုတ်ကောင်းတို့ ထည့်သွင်းပါဝင်တဲ့ ဂေါ်ဖီလက်သုပ်၊ အာလူးကြော်နဲ့ အခွံချွတ်ထားတဲ့ ကောက်နှံတွေနဲ့ ပြုလုပ်ထားတဲ့ ပေါင်မုန့်တွေ ပါဝင်ပါတယ်။ အစားအစာတစ်ခုဟာ အရောင်မရှိတော့ဘူးဆိုရင် ဒါဟာ အလွန်အကျွံ ပြုပြင်ချက်ပြုတ်ထားလို့ပါ။ အဆီဓာတ် ပါဝင်မှုများပြီး အာဟာရကတော့ နည်းနည်းသာ ပါဝင်ပါတယ်။ အမှန်တကယ် ကျန်းမာရေးနဲ့ ညီညွတ်တဲ့ အစားအစာတွေဆိုတာဟာ အရောင်တောက်ပတဲ့ သစ်သီးတွေနဲ့ ဟင်းသီးဟင်းရွက်တွေပါဘဲ။ အစိမ်းရင့်ရောင်ရှိတဲ့ ကိုက်လန်၊ အနီရောင် တောက်တောက် ဘယ်ရီသီးတွေ၊ ရွှန်းလက်တဲ့ လိမ္မော်ရောင် မုန်လာဥဝါနဲ့ ပန်းငရုတ်တို့ကို ဥပမာအဖြစ် စဉ်းစားကြည့်နိုင်ပါတယ်။ အသင့်စား အစားအစာတွေဟာ ပြင်ဆင်မှုတွေ အကြိမ်ကြိမ်ပြုလုပ်ထားတာကြောင့် အများအားဖြင့် နူးညံ့ကြတယ်၊ သိပ်အများကြီး ဝါးနေစရာ မလိုပါဘူး။ 
ဆိုလိုတာက အစားအစာရဲ့ ပါဝင်တဲ့အရာတွေနဲ့ ပတ်သက်ပြီး အရသာခံစားမှု နည်းသွားပါတယ်။ ရလဒ်အနေနဲ့ကတော့ အသင့်စားအစားအစာတွေကို စားပြီးတဲ့နောက်မှာ ဗိုက်ပြည့်နေတယ်ဆိုတဲ့ ခံစားမှုက ခပ်လျော့လျော့ဘဲ ရှိပါတယ်။

၈။ အထူးဖျော်စပ်ထားတဲ့ ကော်ဖီများ

တကယ်လို့ သင့်ရဲ့ နံနက်ခင်းတိုင်းကို ခရင်(မ) များများပါတဲ့ လက်တေးတစ်ခွက်နဲ့ စတင်လေ့ရှိတယ်ဆိုရင် ကိုယ်ရဲ့ အစားအစာနဲ့ ဆက်စပ်တဲ့ ကျန်းမာရေးကို သေချာချာသိနိုင်ဖို့အတွက် လေ့လာကြည့်ဖို့ တိုက်တွန်းချင်ပါတယ်။ ဒီလို 
ကော်ဖီမျိုးဟာ အာဟာရမဖြစ်စေဘဲ ကယ်လိုရီတွေသာ တနင့်တပိုးပါဝင်နေပါတယ်။ နို့ပါဝင်တဲ့ လက်တေးတစ်ခွက်မှာ အချိုဓာတ်ကြောင့် ကယ်လိုရီ ၃၀၀ ရရှိနိုင်ပါတယ်။ ချောကလက်၊ မီးဖုတ်ထားတဲ့သကြားခဲနဲ့ မလိုင်တွေပါ ထပ်ပေါင်းမယ် 
ဆိုရင် ကယ်လိုရီက နှစ်ဆလောက် တက်သွားတာပေါ့။ သာမန်အားဖြင့်တော့ ကော်ဖီမှာ သိပ်ကိုကောင်းမွန်တဲ့ အကျိုးကျေးဇူးတွေရှိပါတယ်။ ဓာတ်တိုးဆန့်ကျင်တဲ့ ပစ္စည်းတွေ မြင့်မားစွာပါဝင်ပြီး အမျိုးအစား ၂ ဆီးချိုသွေးချိုရောဂါနဲ့ အသည်းကင်ဆာကို ကာကွယ်ပေးနိုင်စွမ်းရှိပါတယ်။ အာဟာရပညာရှင် Jaramillo-Lopez ကတော့ ကော်ဖီခါးခါးကို အဆီထုတ်ထားတဲ့ နို့နဲ့ သောက်တာမျိုး၊ ပျားရည်တို့လို သဘာဝအတိုင်း အချိုဓာတ်ရတဲ့အရာနဲ့ တွဲဖက်သောက်သုံးတာကိုတော့ ထောက်ခံတိုက်တွန်းထားပါတယ်။ 

၉။ ဘူးထဲက အစားအစာများ 
သင်တို့ရဲ့ ထမင်းတစ်နပ်စာ ဒါမှမဟုတ် တစ်နပ်စာအတွက် အားလုံးသော အရာတွေဟာ အိတ်တွေ၊ ဘူးတွေထဲက လာတာဆိုရင်တော့ ဒုက္ခရောက်ဖို့ နီးနေပါပြီ။ ဘာကြောင့်လဲဆိုတော့ ဒီလိုအစားအစာတွေဟာ ပုံစံအမျိုးမျိုးနဲ့ ပြင်ဆင်ချက်ပြုတ်ခြင်း ခံထားရတဲ့အပြင် အဆီ၊ သကြားနဲ့ ဆိုဒီယမ်တွေလည်း အများကြီး ပါဝင်နေတတ်ပါတယ်။ ဥပမာ macaroni နဲ့ ချိ့(စ) တစ်ဘူးကို ကြည့်မယ်ဆိုရင် အရောင်အဆင်းအနေနဲ့ အဖြူရောင်ရှိမယ်။ ခေါက်ဆွဲနဲ့  လိမ္မော်နုရောင် အမှုန့်ပါတဲ့ ဆော့တို့ပေါ့။ macaroni နဲ့ ချိ့(စ) တစ်ခွက်စာကို ပြင်ဆင်မယ်ဆိုရင် ပြည့်ဝဆီ ၃ ဂရမ် နဲ့  ဆိုဒီယမ် ၁၀၀၀ မီလီဂရမ် နီးပါး ထည့်ရမှာ ဖြစ်ပါတယ်။ ဒါက တစ်နေ့တာအတွက် စားသုံးသင့်တဲ့ ပြည့်ဝဆီ ၁၅ ရာခိုင်နှုန်းထက် ပိုနေပါတယ်။ တကယ်လို့ ကိုယ်က ၂၀၀၀ ကယ်လိုရီသာ ရှိရမယ့် အစားအစာ အလေ့အကျင့်ကို  လေ့ကျင့်စားသုံးနေတဲ့သူဆိုရင် အမေရိကန် နှလုံးဆိုင်ရာ အဖွဲ့အစည်းကနေ ထောက်ခံထားတဲ့ ကျန်းမာရေးကောင်းမွန်တဲ့ အရွယ်ရောက်သူတစ်ဦးအနေနဲ့ နေ့စဉ်စားသုံးသင့်တဲ့ ဆိုဒီယမ်ထက် တစ်ဝက်လောက် ပိုနေတာကို တွေ့ရပါမယ်။ 

၁၀။ ဆီကြော်အစားအစာများ 
ဆီနဲ့ကြော်ထားတဲ့ အစားအစာတွေဟာ အဆီမြင့်မားစွာ ပါဝင်ဖို့ အလားအလာ အများဆုံးပါဘဲ။ အထူးသဖြင့် ခန္ဓာကိုယ်အတွက် မကောင်းတဲ့ ပြည့်ဝဆီတွေနဲ့ ဟင်းသီးဟင်းရွက်ဆီတွေကို ဟိုက်ဒရိုဂျင်ထည့်သွင်းပြီး ပြုလုပ်ခြင်းကနေ ရရှိတဲ့ Trans Fat တို့ ပါဝင်ပါတယ်။ အဲ့ဒီအဆီနှစ်မျိုးလုံးက ခန္ဓာကိုယ်အတွက် ဆိုးကျိုးသက်ရောက်စေတဲ့ ကိုလက်စထရောကို မြင့်တက်စေပါတယ်။ Trans fats တွေက ခန္ဓာကိုယ်အတွက် ကောင်းကျိုးဖြစ်စေတဲ့ ကိုလက်စထရောတွေကိုလည်း လျော့ကျစေတဲ့အကြောင်း အာဟာရဗေဒပညာရှင် Elizabeth Jaramillo-Lopez's  ရှင်းပြပြောဆိုထားပါတယ်။ 

‘အဲ့ဒီအဆီနှစ်မျိုးလုံးက နှလုံးနဲ့ဆိုင်တဲ့ ရောဂါတွေနဲ့ လေသင်တုန်းဖြတ်ခြင်း အန္တရာယ်တွေကို တိုးစေတယ်။ အဆီက ကျွန်မတို့ ခန္ဓာကိုယ်အတွက် သိပ်ကို အရေးပါတယ်။ အဆီက ကျွန်မတို့ကို စွမ်းအင်ပေးတယ်၊ အင်္ဂါအစိတ်အပိုင်းတွေကို ကာကွယ်ပေးတယ်၊ နောက်ပြီး အာဟာရဖြစ်စေတဲ့ လုပ်ငန်းစဉ်တွေကိုလည်း အကူအညီဖြစ်စေပါတယ်။ ဒါပေမဲ့ ကျွန်မတို့ဟာ ခန္ဓာကိုယ်အချိုးအစား ပြေပြစ်စမတ်ကျရုံလောက်သော အဆီကို စားသင့်ပါတယ်’  

သူမကတော့ ထောပတ်သီး၊ အခွံမာသီး၊ အစေ့အဆံတွေနဲ့ ငါးတို့လို မိုနိုနဲ့ ပိုလီ မပြည့်ဝဆီ ကြွယ်ဝတဲ့ အစားအစာတွေကို ရွေးချယ်စားသုံးဖို့ အကြံပြုထားပါတယ်။ နောက်ပြီး မီးကင်ခြင်း၊ ဆူပွက်အောင်ပြုတ်ခြင်း နဲ့ ကြော်ခြင်းထက် ပြုတ် 
ဖျောခြင်းစတဲ့ ကျန်းမာရေးနဲ့ ညီညွတ်သော ချက်ပြုတ်နည်းတွေကို ရွေးချယ်သင့်ကြောင်းလည်း ထောက်ခံပြောဆိုထားပါတယ်။

၁၁။ အေးခဲအသားများ 
အေးခဲထားတဲ့ အသားအများစုကို ကျွန်မတို့ရဲ့ ဈေးဝယ်မယ့် စာရင်းထဲကနေ ထုတ်ပြစ်သင့်တဲ့အကြောင်း အာဟာရဗေဒပညာရှင် တစ်ဦးဖြစ်တဲ့ Farina က သတိပေးထားပါတယ်။ အေးခဲထားတဲ့အသားတွေဟာ အလျင်စလို ချက်ပြုတ်စားသုံးတဲ့အခါမျိုးမှာ အဆင်ပြေတယ်ဆိုပေမယ့် အာဟာရတန်ဖိုးကတော့ လုံးဝမရှိပါဘူး။ အဲ့ဒီအသားတွေမှာ ကာဘိုဟိုက်ဒရိတ် မြင့်မားစွာပါဝင်ပေမယ့် အသားဓာတ်ကတော့ အလုံအလောက် မပါပါဘူး။ မြင့်မားတဲ့ ကာဘိုဟိုက်ဒရိတ် နဲ့ အသားဓာတ်နည်းနည်းရဲ့ ပေါင်းစပ်မှုကြောင့် အစာစားပြီး သိပ်မကြာခင်မှာဘဲ ပြန်လည်ဆာလောင်လာတတ်ပါတယ်။ အေးခဲအသားတွေနဲ့ ပတ်သက်လို့ ပိုပြီးကောင်းတဲ့ ရွေးချယ်စရာတွေ ရှိနေပေမယ့်လည်း အထူးသဖြင့် ကျန်းမာရေးနဲ့ ညီညွတ်တဲ့ အစားအစာတွေကို ရောင်းချပေးတဲ့ စတိုးဆိုင်တွေမှာ ရနိုင်ပါတယ်။ ရုံးပိတ်ရက်လိုနေ့တွေမှာ ကြက်သားတွေကို အများကြီး မီးကင်ထားပြီး ဟင်းသီးဟင်းရွက်တွေနဲ့ အခွံတွေကုန်စင်အောင် ချွတ်မထားတဲ့ အစေ့အဆန်တွေကို ပြင်ဆင်ထားနိုင်ပါတယ်။ ကျန်တဲ့နေ့တွေမှာတော့ တစ်ခုချင်းစီကို အပူပေးပြီး ပြန်လည်သုံးဆောင်နိုင်ပါတယ်။ 

၁၂။ သွားရည်စာ ကိတ်မုန့်များ 
သက်သာဆိုင်တွေနဲ့ ဓာတ်ဆီဆိုင်တွေက စတိုးဆိုင်တွေမှာ အမြဲလိုလိုတွေ့ရတတ်တဲ့ သကြားနဲ့ အဆီတွေ ထုတ်ပိုးထားတဲ့ မုန့်တွေကို မစားမိဘဲနေဖို့က ခက်ခဲတတ်ပါတယ်။ သွားရင်းလာရင်းနဲ့ အချိုဓာတ်ကို တောင့်တလာမိတတ်တာကြောင့်မို့ပါ။ ဒါပေမဲ့ ဒီမုန့်တွေကို မစားမိစေဘဲ ကြံ့ကြံ့ခံနိုင်အောင် ကြိုးစားသင့်ပါတယ်ဆိုပြီး အာဟာရဗေဒပညာရှင် Sonji Goedkoop က   Washington မဂ္ဂဇင်းနဲ့ပြုလုပ်တဲ့ အင်တာဗျူးတစ်ခုမှာ သတိပေးထားပါတယ်။ ပါဝင်ပစ္စည်း အမျိုးအမည်ပေါင်း ၃၅ ခုနှင့်အတူ ဖရူးတို့(စ) ဓာတ်မြင့်မားတဲ့ ပြောင်းဖူးသကြားရည်၊ ဟင်းသီးဟင်းရွက်ဆီ၊ တိရစ္ဆာန်တွေကနေရတဲ့အဆီ အဲ့ဒါတွေကို အစားအစာလို့ ပြောလို့မရပါဘူး။   အရောင်တချို့နဲ့အတူပါဝင်တဲ့ အဆီ နဲ့ သကြား  တွေလို့သာ ခေါ်လို့ရပါမယ်။ Goedkoop ရဲ့အဆိုအရ ပါဝင်ပစ္စည်း အမျိုးအမည်တွေကများလေ ကျွန်မတို့အတွက်တော့ မကောင်းလေပါဘဲတဲ့။ 

၁၃။ မာဂျရင်း 
တစ်ချိန်ကတော့ ကျန်းမာရေးအတွက် ကောင်းမွန်တဲ့ပုံစံပြောင်းထောပတ်လို့ တွေးထင်ခဲ့ကြပေမယ့် ယခုအခါမှာတော့ မာဂျရင်းဟာ 
မကောင်းဆိုးရွား နို့ထွက်ပစ္စည်းအဖြစ် ထုတ်ပြန်ပြောဆိုခြင်း ခံနေရပါပြီ။ အာဟာရဗေဒပညာရှင် Farina  ဟင်းသီးဟင်းရွက်ဆီတွေကို ဟိုက်ဒရိုဂျင်ထည့်သွင်းခြင်းဖြင့်  မာဂျရင်းကို ဖန်တီးတယ်။ မာဂျရင်းက ကျန်းမာရေးနဲ့ မညီညွတ်တဲ့ LDL  ကိုလက်စထရောကို တိုးပွားစေပြီး ကျန်းမာရေးနဲ့ ညီညွတ်တဲ့ HDL ကိုလက်စထရောကို လျော့ကျ 
စေတဲ့ trans fat ကို ဖြစ်စေတယ်။ ဆေးပညာဆိုင်ရာ သုတေသနစာတမ်းတွေက မာဂျရင်းက ပိုခဲလေ trans fat ပါဝင်မှုနှုန်း ပိုမိုမြင့်မားလေ ဆိုတဲ့အကြောင်း သက်သေပြထားကြပါတယ်။ မာဂျရင်းတစ်ခုတည်းသာ ရွေးစရာရှိမယ်ဆိုရင် ပြည့်ဝဆီ နည်းပါးစွာ ပါဝင်ပြီး မပြည့်ဝဆီမြင့်မားတဲ့ trans fat လုံးဝမပါဝင်တဲ့ မာဂျရင်းကို ရှာဖွေသင့်ပါတယ်။ 

၁၄။ ကိတ်မုန့်ပေါ်က ခရင်(မ) လှလှများ 
အထူးသဖြင့် ရောင်းတန်းကိတ်မုန့်တွေပေါ်မှာ အလှဆင်ထားတဲ့ icing လို့ခေါ်တဲ့ အရောင်အမျိုးမျိုးနဲ့ ခရင်(မ) လှလှလေးတွေဟာ အဆီများများပါတဲ့ ခရင်(မ)နဲ့ သကြားပေါင်းစပ်ထားတာထက်မပိုပါဘူး။ icing ခေါ် ကိတ်မုန့်
အလှဆင်ပစ္စည်းဟာ ကယ်လိုရီနဲ့ သကြားတွေ အများကြီး ထုပ်ပိုးပါဝင်နေတယ်ဆိုပြီး Jaramillo- Lopez က ပြောထားပါတယ်။ အသုံးပြုတဲ့ ပါဝင် ပစ္စည်းတွေအပေါ်မူတည်ပြီးတော့ တစ်ခါတစ်ရံမှာတော့ trans fat တွေ ပေါင်းစပ်ပါဝင်နေနိုင်ပါတယ်။ Trans fat တွေက အန္တရာယ်များတဲ့ အဆီတွေဖြစ်ပြီး ကျန်းမာရေးနဲ့ ညီညွတ်ခြင်းမရှိတဲ့ LDL ကိုလက် စထရောကို တိုးလာစေပြီး ကျန်းမာရေးနဲ့ ညီညွတ်တဲ့ HDL ကိုလက်စထရောကို လျော့ကျစေပါတယ်။ အမှန်တကယ်တော့ trans fat တွေဟာ ကျန်းမာရေးနဲ့ အမှန်တကယ် မညီညွတ်တာကြောင့် အစားအသောက်နှင့် ဆေးဝါးကွပ်ကဲရေးဋ္ဌာနက အမေရိကန်ရဲ့ အစားအစာထောက်ပံ့မှုတွေထဲက ထုတ်ပယ်နိုင်ဖို့အတွက် ကြိုးစားနေပါတယ်။ စီးပွားဖြစ် လုပ်ရောင်းလေ့ရှိတဲ့ ကိတ်မုန့်အလှဆင် ပစ္စည်းတွေအတွက် အရောင်ကိုတော့ သဘာဝပစ္စည်းတွေကနေ မဟုတ်ဘဲ အရောင်တုတွေနဲ့ ပြုလုပ်လေ့ရှိတာကြောင့် ပိုပြီးတော့ အန္တရာယ်များပါတယ်။ နောက်ပြီး အစားအစာအတွက် အသုံးပြုတဲ့ ဆိုးဆေးတွေဟာ ဓာတ်မတည့်မှုတွေနဲ့ ဆက်စပ်နေလေ့ရှိပြီး ကလေးငယ်တွေမှာဆိုရင် အင်အားလွန်ကဲခြင်းနဲ့ ကင်ဆာရောဂါတို့နဲ့ ဆက်စပ်နေတတ်တယ်လို့လည်း သိရပါတယ်။ 

၁၅။ ပေါင်မုန့်မီးကင်နဲ့ အချိုမုန့်များ 
ထောပတ်များများ၊ နှုတ်ခမ်းသားကြွပ်ကြွပ်၊ သကြားနဲ့ ခရင်(မ)တွေ ထပ်အုပ်ထားတဲ့အရာက တကယ်တော့ မနက်စာလို့ မဆိုနိုင်ပါဘူး။ အချိုပွဲလို့သာ ဆိုရပါမယ်။ ပြီးတော့ ကျန်းမာရေးနဲ့လည်း မညီညွတ်ပါဘူး။ Farina ကတော့ မုန့်ချိုတွေဟာ တစ်နေ့တာ စွမ်းအင်ရရှိနိုင်ဖို့ကလွဲလို့ ဘာမှပါဝင်တာ မဟုတ်ဘူးလို့ အသိပေးပြောကြားထားပါတယ်။ မုန့်ချိုတစ်ခုမှာ ပါဝင်တဲ့ သကြား ၁၆ ဂရမ်ကနေ တစ်နေ့တာအတွက် လောင်ကျွမ်းဖို့ လိုအပ် တဲ့ စွမ်းအင်ကို ရနိုင်ပေမယ့် ကာဘိုဟိုက်ဒရိတ် ဒြပ်ပေါင်းတွေကနေပြီးတော့ ကြာရှည်စွာ ရရှိနိုင်မယ့် စွမ်းအင်လိုတော့ မဟုတ်နိုင်ပါဘူးလို့ သိရတဲ့အကြောင်းဖော်ပြရင်း ပရိသတ်ကြီးလည်း ကျန်းမာရေးနဲ့ မညီညွတ်တဲ့ အစားအစာတွေကို ရှောင်ရှားနိုင်ကြပြီး ကျန်းမာလှပကြပါစေလို့ ဆန္ဒပြုလိုက်ပါတယ်။ 
Ref: 16 Foods Dietitians Won't Touch    
By JODY BRAVERMAN