ဆရာဝန်ဆေးညွှန်းမလိုဘဲ လွတ်လပ်စွာဝယ်ယူနိုင်သော အိမ်သုံးဆေးဝါးများ

သွားများအတွက် ဆိုဒီယံဖလိုရိုက်

ရည်ရွယ်ချက်

သွားများ ပျက်စီးမှုမှကာကွယ်ရန် ဖြစ်ပါသည်။ သွားများအား ဂရုစိုက်ပါ၊ သို့မှသာ သင်အစာဝါးစားနိုင်ရန် အကူအညီ ဖြစ်ပါ လိမ့်မည်။ ကြိုတင်ကာကွယ်မှုကြောင့် သွားများပျက်စီးမှုမှ ကာကွယ်ပေးခြင်းကို အထောက်အထားခိုင်လုံစွာ ရှိထားပြီးဖြစ်ပါသည်။ သင်၏ သွားများအား သွားဆရာဝန် ညွှန်ကြားသကဲ့သို့ (FLUORIDE) ဖလိုရိုက် ပါဝင်သော သွား တိုက်ဆေးဖြင့် သွားတိုက်သင့်ပါတယ်။ လူကြီး များသွားပျက်စီးမှုမှ ကာကွယ်ရန် (FLOSSING) သွားများအား တစ်နေ့လျှင် တစ်ကြိမ် အနည်းဆုံး “ကြိုး” ဖြင့်ပွတ်တိုက် ပေးခြင်းသည် အလွန်အရေးကြီးကြောင်း သွားဆရာဝန်အများစုမှ ယူဆကြပါသည်။ လူကြီးများ၏ သွားပျက်စီးမှုသည် အဓိကအားဖြင့် “သွားချေးများ” ဖြစ်ပေါ်နေမှု၊ “သွားဖုံးရောဂါ” နှင့် “အရိုးများပျက်စီးမှု” တို့ကြောင့် ဖြစ်ပါသည်။ သွားများအကြား ညပ်နေသော အစားအစာများ အား ပြင်းသောရေအား (WATER JETS) ဖြင့် ပန်းသောနည်းရှိသော်လည်း ကြိုးဖြင့်ပွတ်တိုက် သန့်ရှင်းရေးလုပ်သလောက် မထိရောက်ပါ။

ဆိုဒီယံဖလိုရိုက် - ထပ်မံဖြည့်စွက်ပေးခြင်းများ

အစိုးရဖြန့်ဖြူးပေးနေသော ရေတွင် ဖလိုရိုက်ပါဝင်ပြီးဖြစ်ပါက လုံလောက်မှုရှိပါသဖြင့် အစားအစာတွင် ဖလိုရိုက်ထပ်မံဖြည့်စွက် စားသုံးရန် မလိုအပ်ပါ။ ရေတွင်းမှရေများသည် သဘာဝအားဖြင့် ဖလိုရိုက်ပါဝင်ပြီး ဖြစ်နေတတ်ပါသည်။ ဖလိုရိုက်ပါဝင်မှု ရှိမရှိအား ဒေသ ဆိုင်ရာ ကျန်းမာရေးဌာနတွင် မေးမြန်းစုံစမ်းကြည့်ပါ။ အကယ်၍ ဖလိုရိုက်ပါဝင်မှုမရှိပါက သင်၏ကလေးများ၏ အစားအစာတွင် ဖလိုရိုက် ထပ်မံဖြည့်စွက်ပေးရန် အရေးကြီးပါသည်။ သွားပေါက်ပြီးနောက် ဖလိုရိုက်ထပ်မံဖြည့်စွက်ပေးရန် လို မလိုအား အငြင်းပွားနေကြဆဲ ဖြစ် သော်လည်း တာဝန်ရှိသူအားလုံး၏ သဘောတူညီချက်မှာ ကလေးများ (၁၀) နှစ်အရွယ်အထိ ဖလိုရိုက်ထပ်မံဖြည့်စွက်ပေးရန် လိုကြောင်း ဖြစ်ပါသည်။

လူကြီးများအတွက်မှု အစားအစာတွင် ဖလိုရိုက်ထပ်မံဖြည့်စွက်ပေးရန် မလိုအပ်သော်လည်း သွားဆရာဝန်များအနေဖြင့် သွား များကို ဖလိုရိုက်ဆေးဖြင့် ပွတ်တိုက်ပေးခြင်းအားဖြင့် သွားများအတွက် အထောက်အပံ့ရစေသကဲ့သို့ ဖလိုရိုက်ပါဝင်သော သွားတိုက် ဆေးသုံးစွဲခြင်းသည်လည်း အလားတူအကျိုးသက်ရောက်မှု ရရှိစေပါသည်။သုံးစွဲရန်အညွှန်းမြူနီစီပယ်ရေတွင် ဖလိုရိုက်ပါဝင်မှုမရှိခဲ့ပါက မိမိဖာသာလုပ်ဆောင်ရန် လွယ်ကူပါသည်။

ရေတွင်ပျော်ဝင်နိုင်သော ဖလိုရိုက်ဆေးပြား ၀ယ်ယူရရှိနိုင်ပါသည်။ (2.2mg) အရွယ်အစား ဆေးပြားတွင် ဖလိုရိုက် (2mg) ပါဝင်ပါသည်။ ကျန်အလေးချိန် (0.2mg) မီလီဂရမ်မှာ ရေတွင်ပျော်နိုင်သော သကြားဖြစ်ပါသည်။

သုံးနှစ်အောက်ကလေးများအတွက် (0.5mg) ပုံမှန်ဆေးပြား၏ (¼)သာလိုအပ်ပြီး ဆယ်နှစ်အရွယ်အထိ (1mg) ဆေးပြား၏ တစ်ဝက် (½) တိုက်ကျွေးရပါမည်။

ဆေးပြားအား ၀ါး၍ဖြစ်စေ၊ မျိုချ၍ဖြစ်စေ သုံးစွဲနိုင်ပါသည်။ နွားနို့နှင့်ရော၍လည်း သောက်နိုင်ပါသည်။ နွားနို့အရသာမပျက်စေပါ။ ဤဆေးပြားများကို အမေရိကနှင့် နိုင်ငံအချို့တွင် ဆရာဝန်ဆေးညွှန်းစာဖြင့်သာ ရောင်းချပါသဖြင့် သင်၏ဆရာဝန်သို့မဟုတ် သွားဆရာ ၀န်ထံမှ ဆေးစာယူပြီး ၀ယ်ယူနိုင်ပါသည်။

ဘေးထွက်ဆိုးကျိုးများ

ဆေးပမဏများသွားပါက သွားများတွင် မီးခိုရောင်အစက်ကလေးများ ဖြစ်ပေါ်လာနိုင်ပါသည်။ ပို၍လည်း သွားများခိုင်ခံ့မှု မဖြစ် စေပါ။ ထို့ကြောင့် သတ်မှတ်အညွှန်းထက် မပိုပါစေနှင့်။ သတ်မှတ်ပေးထားသော ပမာဏသုံးစွဲခြင်းအားဖြင့် ဘေးထွက်ဆိုးကျိုး မဖြစ်ပေါ် ပါ။ ဖလိုရိုက်သည် သဘာဝတွင်းထွက် ပစ္စည်းဖြစ်သဖြင့် မြို့ရွာရေပေးမှုစနစ်တွင် အလိုအလျောက် ပါဝင်ပြီးဖြစ်နေတတ်ပါသည်။ အလွန် ဆေးစားများသွားမှသာ အန္တရာယ်ဖြစ်စေပါသည်။

ဆိုဒီယံဖလိုရိုက်ဆေးများ

- HIFLUOR (ဆေးစာမလိုပါ)

အန်ဆေးရည်

ရည်ရွယ်ချက်

တစ်စုံတစ်ယောက် ဆေးမှားသောက်မိခြင်း၊ အပင်ငယ်များမှတစ်ဆင့် အဆိပ်အတောက်ဖြစ်မိခြင်းများအား အန်ထုတ်နိုင်ရန် သောက်ရ သော အန်ဆေးရည် (IPECAC) အစ်ပီကက်ဖြစ်ပါသည်။ ၀မ်းအတွင်း မည်သည့်အဆိပ်အတောက် ကြောင့်မဆို ဖြစ်ပွားရသော အဆိပ်သင့်ခြင်းအားဝမ်းဗိုက်အတွင်းမှ စုတ်ယူထားခြင်း မရှိသေးသော အဆိပ်များအား အန်ထုတ်စေခြင်း ဖြစ်ပါသည်။ ကလေးငယ်များ ရှိသော မိသားစုအတွက် (IPECAC) ဆေးရည်သည် လွန်စွာအသုံးဝင်ပါ သည်။

အကယ်၍ မျိုချမိသော အဆိပ်သည် (PETROLEUM-BASED COMPOUND OR STRONG ACID OR ALKALI) ရေနံကို အခြေပြုသော ဓာတ်ပေါင်းသို့မဟုတ် အက်ဆစ်အပြင်း စားသို့မဟုတ် ထုံးဓာတ်-အယ်လ်ကာလီဖြစ်နေပါက (IPECAC) အား မတိုက်ပါ နှင့်၊ ဆရာဝန်နှင့်အမြန်ပြသပါ။

အဆိပ်အတောက်ဖြစ်စေသော ပစ္စည်းအားကလေးများမမှီနိုင်သော နေရာ၌ထားခြင်းက အန်ဆေးသုံးစွဲရန် ထားရှိခြင်းထက် သာလွန်ကောင်းမွန်ပါသည်။

သို့ရာတွင် ဖြစ်လာမှဆေးရှာရခြင်း ကင်းဝေးစေရန် အန်ဆေးဝယ်ထားပြီး ကလေးများမမှီနိုင်သည့် လုံခြုံစိတ်ချရသော နေရာ၌ ထားသိုပါ။

သုံးစွဲရန်အညွှန်း

ကလေးငယ်များအတွက် (IPECAC) စားပွဲတင်ဇွန်းတစ်ဇွန်း (15ml) နှင့် ကြီးသောကလေးများနှင့် လူကြီးများအတွက် လက်ဖက် ရည်ဇွန်းနှစ်ဇွန်းမှ လေးဇွန်းအထိ (10~20ml) ကိုရေနွေးနှင့်တိုက်နိုင်ပါသည်။ ထိုအချိန်အဆကို အော့အန်လာသည့်တိုင်အောင် ရေနွေး ဆက်၍တိုက်ပါ။ ထူးခြားမှုမရှိပါက နောက်(၁၅)မိနစ်ကြာလျှင် ဆေးထပ်တိုက်ပါ။

ဘေးထွက်ဆိုးကျိုးများ

ဤဆေးရည်သည် သောက်ရမှုမကောင်း၊ အ၀င်ဆိုးသော်လည်း အန္တရာယ်မရှိပါ။ သို့သော်အနံဖတ်များ အသက်ရှုပြန်မှတစ်ဆင့် အဆုတ် အတွင်းဝင်မသွားသ၍ ဘာမျှမဖြစ်နိုင်ပါ။ သတိမေ့နေသူနှင့် သတိမေ့လုနီးပါးဖြစ်နေသူအား ဤဆေးမတိုက်ပါနှင့်။ အဆုပ်အ တွင်း အစာများဝင်ရောက်သွားပြီး (PNEUMONIA) အဆုတ်ရောင် ရောဂါဖြစ်နိုင်ပါသည်။ အငွေ့ပြန်တတ်သော အာနိသင်ရှိသည့် အန် ဆေးများဖြစ်သည့် ရေနံဓာတ်ပေါင်းများ ပါဝင်သည့် အန်ဆေးများမတိုက်ပါနှင့်၊

ဤဆေးများသည် အငွေ့ပြန်ပြီး အဆုတ်များအတွင်း ရှုသွင်းမိပါက အဆုတ်ပျက်စီးသွားပါလိမ့်မည်။

ဆေးဝါးများ

- IPECACUANHA

 

ကိုးကားစာအုပ်များ

(1)        TAKE CARE OF YOURSELF

(2)        HOME GUIDE TO MEDICATION