၃ ရက်အတွင်း ၃ ကီလိုကျမယ့် ထောပတ်သီး Diet

တကယ်လို့မမတို့ ညီမလေးတို့ဟာ ထောပတ်သီးချစ်သူဆိုရင်တော့ ကိုယ်အလေးချိန်ကျဆင်းရေး မစ်ရှင်က ပိုလွယ်သွားပြီလို့သာ မှတ်လိုက်ပါတော့။ အရသာရှိတဲ့ ထောပတ်သီးတွေက မမတို့ ညီမလေးတို့ ဝိတ်ကျဖို့ကို ကူညီပေးမှာ ဖြစ်ပါတယ်။ အစိမ်းရောင်ရင့်ရင့် အသားထူထူနဲ့ ဆိမ့်ဆိမ့်မွှေးမွှေးအရသာရှိတဲ့ ဒီအသီးက ကယ်လီုရီ ၃၂၂ ပါဝင်ပြီး ကျန်းမာရေးနဲ့ ညီညွှတ်တဲ့အဆီ က ၂၉ ဂရမ်၊ အမျှင်ဓာတ်က ၁၃.၅ ဂရမ်တို့ ပါဝင်တဲ့အပြင် ဗီတာမင် အေ၊ အီး၊ ကေ၊ စီ၊ ကယ်(လ)ဆီယမ်နဲ့ သံဓာတ်တို့လည်း ထုတ်ပိုးပါရှိနေပါတယ်။ သုတေသနတွေရဲ့ အတည်ပြုချက်အရကတော့ ထောပတ်သီးရဲ့ အဆီပါဝင်မှုဟာ အသီးတွေထဲမှာ ထူးခြားမှုဖြစ်စေပြီး အဝလွန်ခြင်း၊ နှလုံးနဲ့ သက်ဆိုင်တဲ့ရောဂါတွေ၊ အရေပြားနဲ့ ဆံပင် ပြဿနာတွေ၊ အဆစ်ယောင်ရောဂါ၊ ကင်ဆာ အစရှိတဲ့ ရောဂါတွေကနေ ကာကွယ်ပေးပါသတဲ့။ ဒါ့အပြင် ပြည့်တင်းတဲ့ ခံစားချက်နဲ့အတူ စိတ်ကျေနပ်မှုရှိရှိ ကိုယ်အလေးချိန် ကျဆင်းနိုင်မယ့် အစီအစဉ်တစ်ခုခုကို ရှာဖွေနေတဲ့သူဆိုရင်တော့ ထောပတ်သီး diet ကသာ ရွေးချယ်ဖို့ အသင့်တော်ဆုံးလို့ ဆိုလိုက်ပါရစေ။  ဘာကြောင့်လဲဆိုတော့ ထောပတ်သီးက ကိုလက်စထရော ရေချိန်ကို နိမ့်ကျစေဖို့ ကူညီနိုင်တဲ့အပြင် ယောင်ရမ်းမှုကို လျှော့ချပေးပါတယ်၊ အစာချေစနစ်ကို တိုးတက်စေတယ်၊ ဆဲလ်တွေထဲမှာ ရှိရမယ့် မော်လီကျူး အရေအတွက်ကို အမှန်တိုင်းဖြစ်စေဖို့  ကာကွယ်ပေးတဲ့အပြင် အဆိပ်အတောက်တွေကိုလည်း ရှင်းထုတ်ပေးပါသတဲ့။ ဒါကြောင့် ထောပတ်သီးအသုံးပြုပြီး တော့ အဆီတွေကို ဘယ်လိုဖယ်ရှား ရှင်းထုတ်ရမလဲဆိုတာကို အောက်မှာ ဆက်ပြီးတော့ လေ့လာကြည့်ပါဦးနော်။ 

၃ ရက်တာ ထောပတ်သီး Diet 
ပထမနေ့ - ပထမနေ့မှာတော့ နံနက် ၆ နာရီခွဲကနေ ၇ နာရီခွဲအတွင်းမှာ စမုံနက်စေ့ စိမ်ထားတဲ့အရည် တစ်ခွက်သောက်ပေးရပါမယ်။ 

နံနက်စာကိုတော့ အုတ်ဂျုံ အနေတော် ပန်းကန်လုံး တစ်လုံးစာကို ထောပတ်သီးတစ်လုံးရဲ့ တစ်ဝက် ပေါင်းထည့်ပြီးတော့ ၈နာရီ ၁၅ မိနစ် ကနေ ၈ နာရီ ၄၅ အတွင်းမှာ စားသုံးပေးပါ။ 

နံနက်စာနဲ့ နေ့လယ်စာကြား ၁၀ နာရီခွဲလောက်မှာတော့ လက်ဖက်ရည်တစ်ခွက်လောက် သောက်လိုက်ပါဦး။ လက်ဖက်ရည် ဒါမှမဟုတ် ရေနွေးကြမ်းကို မကြိုက်ဘဲ ရေနွေးဖြူကိုမှ နှစ်သက်တယ်ဆိုလည်း သောက်လို့ရပါတယ်။ 

နေ့လယ်စာကိုတော့ ၁၂ နာရီခွဲကနေ ၁ နာရီခွဲအတွင်းမှာ စားသုံးပေးရမှာဖြစ်ပြီး ဆလတ်ရွက်၊ တူနာငါး၊ ထောပတ်သီး၊ ခရမ်းချဉ်သီး၊ သခွားသီး၊ ငရုတ်သီး၊ ခရမ်းရောင် ဂေါ်ဖီထုပ်တို့ကို သံပုရာရည်ထည့်သုပ်ထားတဲ့ အသုပ်နဲ့ အဆီထုတ်ထားတဲ့ နွားနို့တစ်ခွက်တို့ကို သုံးဆောင်ရမှာ ဖြစ်ပါတယ်။ ဆလတ်ရွက်အစား ကိုက်လန်၊ တူနာအစား ဆာလ်မွန်ငါး၊ ခရမ်းချဉ်သီးအစား ငရုတ်ပွ၊ ငရုတ်သီးအစား သံလွင်သီး၊ ခရမ်းရောင်ဂေါ်ဖီအစား မုန်ညင်းဖြူ၊ သံပုရာရည်ကို မနှစ်သက်ရင် လိမ္မော်ရည်တို့ကို အစားထိုးလို့ရပါတယ်။

မွန်းလွဲ ၄ နာရီမှာတော့ ကော်ဖီခါးခါးတစ်ခွက်ကို ဆားပါတဲ့ ခရက်ကာတစ်ခုနဲ့ စားလိုက်ပါဦး။ ကော်ဖီခါးခါးမနှစ်သက်ရင်တော့ လက်ဖက်ရည် ဒါမှမဟုတ် ရေနွေးဖြူတို့ကိုသောက်လို့ရပြီး ဆားပါတဲ့ ခရက်ကာကို သဘောမကျရင်လည်း အစေ့အဆန်မျိုးစုံပါဝင်တဲ့ ဘီစကစ်ကို စားပေးလို့ ရပါတယ်။

ညစာမှာတော့ ခပ်သေးသေးလှီးဖြတ်ထားတဲ့ ကြက်ရင်ပုံသားကို ဟင်းသီးဟင်းရွက်တွေနဲ့ ရောပြီး ဆီနည်းနည်းနဲ့ မီးပြင်းတိုက်ကာ မြန်မြန် ကြော်ထားတဲ့ ဟင်းတစ်ခွက် ဒါမှမဟုတ် ပဲနီလေးဟင်းရည် တစ်ပန်းကန်တို့ကို ၇ နာရီမှာ စားသုံးပေးရမှာ ဖြစ်ပါတယ်။ ဆီနည်းနည်းနဲ့ မီးပြင်းတိုက်ကြော်တဲ့ ဟင်းသီးဟင်းရွက်တွေက အဆင်မပြေဘူးဆိုရင် ကင်ထားတဲ့ ဟင်းသီးဟင်းရွက်တွေ၊ ကြက်သားအစား မှို ဒါမှမဟုတ် တိုဟူး၊ ပဲဟင်းချိုအစား ပဲနီတောင့်ဟင်းရည်ကို အစားထိုး သုံးဆောင်လို့ ရပါတယ်။

အစီအစဉ်အရ ပြောရမယ်ဆိုရင် ကျန်းမာရေးနဲ့ ညီညွှတ်ပြီး အဆီတွေကို လောင်ကျွမ်းစေတဲ့ အစားအစာတွေကို စားသုံးပေးပြီးသွားပြီ ဆို ပေမယ့် ဝမ်းဗိုက်ပိုင်းမှာ သိမ်းဆည်းထားတဲ့ အဆီတွေကိုလည်း လျှော့ချဖို့လည်း လုပ်ရပါဦးမယ်။ ဒါကြောင့် ကောင်းကောင်းစားပြီးတဲ့နောက်မှာ ကိုယ်လက်လှုပ်ရှားတဲ့ လေ့ကျင့်ခန်းတွေလည်း ပြုလုပ်ပေးဖို့ လိုအပ်ပါသေးတယ်။ ပထမ တစ်နေ့အတွက် လုပ်ဆောင်ရမယ့် ကိုယ်လက်လှုပ်ရှား လေ့ကျင့်ခန်းတွေကတော့ -
ဘယ်ကြည့်၊ ညာကြည့်၊ အပေါ်မော့၊ အောက်ကိုငုံ့ပြီး ပြုလုပ်တဲ့ ဦးခေါင်းလေ့ကျင့် ခန်းကို နာရီလက်တံအတည့်နဲ့ နာရီလက်တံ ပြောင်းပြန် ၁၀ ကြိမ်၊ လက်နှစ်ဖက်ကို ပုခုံးပေါ်သို့တင်ကာ လှုပ်ရှားပေးခြင်းကို နာရီလက်တံအတည့်နဲ့ နာရီလက်တံပြောင်းပြန် ၁၀ ကြိမ်၊ လက်နှစ်ဖက် ဆန့်တန်းကာ နာရီလက်တံအတည့်နဲ့ နာရီလက်တံပြောင်းပြန် လှည့်ခြင်းကိုလည်း ၁၀ ကြိမ်၊ လက်နှစ်ဘက်ကို ခါးမှာထောက်ထားပြီး လှည့်ခြင်းကို နာရီလက်တံအတည့်နဲ့ နာရီလက်တံပြောင်းပြန် ၁၀ ကြိမ်၊ ခြေမျက်စိမှနေပြီး ခြေဖဝါးကို ဘယ်ညာထက်အောက် လှုပ်ရှားပေးခြင်းကိုလည်း ၁၀ ကြိမ်၊ ခြေထောက်တစ်ဖက်ကို ဘေးဘက်သို့ ဆန့်ထုတ်ပြီး ဒူးကွေးကာ ကျန်တစ်ဖက်ကို အခြားတစ်ဖက်သို့ ဆန့်တန်းခြင်းကိုလည်း ၁၀ ကြိမ် ပြုလုပ်ပေးရပါမယ်။ နောက်ပြီး လက်အပေါ်သို့ မြောက်ပြီး ခြေနှစ်ဖက်ကားကာ ခုန်ခြင်းကို အကြိမ် ၂၀၊ အပြင်ထွက်ပြီး ဖြည်းဖြည်းမှန်မှန် ပြေးခြင်းကို ၅ မိနစ်မှ ၁၀ မိနစ်အထိ၊ တစ်ဝက်ထိုင် တစ်ဝက်ထလုပ်ခြင်းကို ၁၀ ကြိမ်၊ ခြေတစ်ဖက်ကို ရှေ့သို့ ဆန့်ထုတ်ပြီး ဒူးကွေးကာ အ ခြားတစ်ဖက်ကို အနောက်သို့ ဆန့်ထုတ်ခြင်းကိုလည်း ဘယ်ညာပေါင်း အကြိမ် ၂၀၊ ကြမ်းပြင်ပေါ်မှာ လဲလျောင်းပြီး ဒူးနှစ်ဖက်ထောင်ကာ လက်နှစ်ဖက်ကို ဦးခေါင်းနံဘေးဘက်မှ မတင်ပေးပြီး ဝမ်းဗိုက်ပိုင်းလေ့ကျင့်ခန်းပြုလုပ်ခြင်းကို ၁၀ ကြိမ်၊ ဖော်ပြပါ အနေအထားအတိုင်း ဦးခေါင်းကို ဘေးဘယ်ညာသို့ တိမ်းစောင်းကာ လေ့ကျင့်ခန်းပြုလုပ်ခြင်းကို ၁၀ ကြိမ်၊ လက်နှစ်ဖက်နှင့် ခြေထောက်နှစ်ဖက်ကို အားပြုကာ ခန္ခာကိုယ်ကို အပေါ်ဘက်သို့ တန်းတန်းမတ်မတ် တွန်းတင်ထားသည့် ပုံစံဖြင့် စတင်ကာ ညာခြေကို ရင်ဘတ်ပိုင်းရှိရာသို့ ကွေးယူပြီး ကျန်ခြေတစ်ဖက်ကို နောက်သို့တွန်းပို့ထားသည့် တောင်တက်သမားပုံစံ လေ့ကျင့်ခန်းကို ၁၀ ကြိမ်၊ ဒိုက်ထိုးခြင်းကို ၅ ကြိမ်၊ ထိုင်ခုံကို လက်နှစ်ဖက် နောက်ပြန်ထောက်ပြီး ခန္ဓာကိုယ်ကို နှိမ့်ချလျော့ဆင်းသည့် လေ့ကျင့်ခန်းကို ၅ ကြိမ်၊ ထိုင်ထ ၁၀ ကြိမ်၊ ကြွက်သားများ ပြောလျော့စေရန် ဆန့်ထုတ်ကာ ပြုလုပ်သည့် လေ့ကျင့်ခန်း စတာ တွေကို ပြုလုပ်ပေးရမှာ ဖြစ်ပါတယ်။ 

ပထမနေ့ ပြီးဆုံးတဲ့နောက် ဘယ်လိုခံစားရမလဲဆိုတော့...
တကယ်လို့ ကိုယ်က အစားအသောက်ကို ခုံမင်လွန်းတဲ့သူဆိုရင် အစားအစာ ရွေးချယ်မှုနဲ့ စားသုံးလို့ရတဲ့ ပမာဏကို ကန့်သတ်လိုက်တာကြောင့် တုန်ရင်လှုပ်ရှားတာတွေ ဖြစ်တတ်ပါတယ်။ ဒါပေမဲ့ ထောပတ်သီး diet ရဲ့ ပထမတစ်ရက်ကို လိုက်နာနိုင်လိုက်မယ်ဆိုရင် အစီအစဉ်ပြီးတဲ့ ၃ ရက်ကြာ ကာလအပြင် အဲ့ဒီနောက်ပိုင်းမှာလည်း အစားအစာတွေကို အများကြီးစားချင်တာမျိုး ဖြစ်တော့မှာ မဟုတ်ပါဘူး။ အသင့်စား အစားအစာတွေကို စားချင်တဲ့အခါတိုင်းမှာ ရေကိုသောက်ပေးပါ။ ပထမတစ်နေ့ အောင်မြင်စွာ ပြီးဆုံးသွားတဲ့နောက်မှာ ခံစားမှုက အရင်ကထက် ပိုကောင်းနေပါလိမ့်မယ်။ ပြီးတော့ ပိုပြီးကြည့်ကောင်းလာစေဖို့အတွက်လည်း ကိုယ်အလေးချိန်ကို ဆက်ပြီး လျှော့ချချင်ပါလိမ့်မယ်။ အဲ့ဒီအတွက်ကတော့ ၂ ရက်တာသာ diet အစီအစဉ်ကို လိုက်နာဖို့ လိုအပ်ပါတော့တယ်။ 

ဒုတိယနေ့ - နံနက် ၆ နာရီခွဲကနေ ၇ နာရီခွဲ အတွင်းမှာ ပန်းသီးရှာလကာရည်တစ်ဇွန်းနဲ့ ရေတစ်ခွက်ကို သောက်ပေးပါ။ ပန်းသီးရှာလကာ ရည်ကို မနှစ်သက်ရင် သံပုရာသီး တစ်ခြမ်းကို  အသုံးပြုပေးလို့ရပါတယ်။

နံနက်စာကိုတော့ ၈ နာရီ ၁၅ ကနေ ၈ နာရီ ၄၅ မိနစ်အတွင်းမှာ ကြက်ဥ ၂ လုံး အကြေကြော်၊ ထောပတ်သီး ၅ လွှာ၊ ပန်းသီးတစ်ခြမ်းနဲ့ ဗာဒံစေ့ ၂ စေ့တို့ကို စားသုံးပေးရမှာဖြစ်ပါတယ်။ ပန်းသီးအစား သစ်တော်သီး၊ ဗာဒံစေ့အစား သစ်ကြား
သီးကို အစားထိုးလို့ရပါတယ်။ 

နံနက်စာနဲ့ နေ့လယ်စာကြား ၁၀ နာရီခွဲလောက်မှာတော့ လက်ဖက်ရည်တစ်ခွက်ကို သောက်သုံးပေးပါ။ နေ့လယ်စာကိုတော့ ၁၂ နာရီခွဲကနေ ၁ နာရီခွဲအတွင်းမှာ ပဲခေါင်းချွန်းပြုတ်ကို ထောပတ်သီးနဲ့ ရောသုပ်ပြီး အုန်းရေတစ်ခွက်နဲ့ သုံးဆောင်ရမှာဖြစ်ပါတယ်။ အုန်းရေမကြိုက်တဲ့ သူဆိုရင်တော့ ဖရဲသီးဖျော်ရည်ကို အစားထိုးလို့ရပါတယ်။

ညနေ ၄ နာရီမှာတော့ ပြောင်းဖူးပေါက်ပေါက် လက်ဖက်ရည် ပန်းကန်တစ်လုံးစာ လောက်ကို ကော်ဖီခါးခါးတစ်ခွက် ဒါမှမဟုတ် ဆေးလက်ဖက်ရည်နဲ့ မြည်းလိုက်ပါဦးနော်။ 

၇ နာရီမှာ သုံးဆောင်ရမယ့် ညစာကိုတော့ ထောပတ်သီး၊ ဆာလ်မွန်ငါး သို့မဟုတ် မက်ကရယ်ငါးကို လီမွန်ဆော့စ်၊ ဟင်းသီးဟင်းရွက်တွေနဲ့ တွဲဖက်သုံးဆောင်ပြီး အဆီထုတ်ထားတဲ့ နွားနို့်နွေးနွေးတစ်ခွက်ကို သောက်သုံးပေးရမှာ ဖြစ်ပါတယ်။ 
ဒုတိယနေ့မှာလည်း အဆီတွေ ရွေ့လျား သွားပြီး ကိုယ်အလေးချိန် လျော့ကျခြင်းကို အကူ အညီဖြစ်စေဖို့အတွက် ကိုယ်လက်လှုပ်ရှားတဲ့ လေ့ကျင့်ခန်းတွေကို ပြုလုပ်ပေးရပါဦးမယ်။ ဒုတိယနေ့အတွက်ကတော့ - 

ဘယ်ကြည့်၊ ညာကြည့်၊ အပေါ်မော့၊ အောက်ကိုငုံ့ပြီး ပြုလုပ်တဲ့ ဦးခေါင်းလေ့ကျင့်ခန်းကို နာရီလက်တံအတည့်နဲ့ နာရီလက်တံပြောင်းပြန် ၁၀ ကြိမ်၊ လက်နှစ်ဖက်ကို ပုခုံးပေါ်သို့တင်ကာ လှုပ် ရှားပေးခြင်းကို နာရီလက်တံအတည့်နဲ့ နာရီလက်တံပြောင်းပြန် ၁၀ ကြိမ်၊ လက်နှစ်ဖက် ဆန့်တန်းကာ နာရီလက်တံအတည့်နဲ့ နာရီလက်တံပြောင်းပြန် လှည့်ခြင်းကိုလည်း ၁၀ ကြိမ်၊ လက်နှစ်ဘက်ကို ခါးမှာထောက်ထားပြီး လှည့်ခြင်းကို နာရီ လက်တံအတည့်နဲ့ နာရီလက်တံပြောင်းပြန် ၁၀ ကြိမ်၊ ခြေမျက်စိမှနေပြီး ခြေဖဝါးကို ဘယ်ညာထက်အောက် လှုပ်ရှားပေးခြင်းကိုလည်း ၁၀ ကြိမ်၊ ခြေဖျားထောက်ကာ ခြေသလုံးကြွက်သားကို မတင်ခြင်း ၁၅ ကြိမ်၊ အမြင့်ခုန်ခြင်းကို အကြိမ် ၂၀၊ တစ်ဝက်ထိုင် တစ်ဝက်ထလုပ်ခြင်းကို ၁၀ ကြိမ်၊ 
ခြေတစ်ဖက်ကို ရှေ့သို့ ဆန့်ထုတ်ပြီး ဒူးကွေးကာ အခြားတစ်ဖက်ကို အနောက်သို့ ဆန့်ထုတ်ခြင်းကို လည်း ဘယ်ညာပေါင်း အကြိမ် ၂၀၊ ကြမ်းပြင်တွင်  လဲလျောင်းကာ လက်နှစ်ဖက်ကို ဘေးသို့ချလျက် ခြေထောက်နှစ်ချောင်းကို ကပ်ကြေးညှပ်တဲ့ပုံ လှုပ်ရှားပေးခြင်းကို အကြိမ် ၂၀၊ ကြမ်းပြင်ပေါ်တွင် လဲလျောင်းကာ လက်နှစ်ဖက်ကို ဘေးသို့ဆန့်တန်းလျက် ခြေထောက်နှစ်ချောင်းကို ကပ်ကြေးညှပ်တဲ့ပုံ လှုပ်ရှားပေးခြင်းကို အကြိမ် ၂၀၊ ကြမ်းပြင်ပေါ်မှာ လဲလျောင်း၍ ဒူးနှစ်ဖက်ထောင်ပြီး လက်နှစ်ဖက်ကို ဦးခေါင်းနောက်မှ မတင်ပေးပြီး ဝမ်းဗိုက်ပိုင်းလေ့ကျင့်ခန်းပြုလုပ်ခြင်းကို ၁၀ ကြိမ်၊ ဖော်ပြပါ အနေအထားအတိုင်း ဦးခေါင်းကို ဘေးဘယ်ညာသို့ တိမ်းစောင်းကာ လေ့ကျင့်ခန်းပြုလုပ်ခြင်းကို ၁၀ ကြိမ်၊ ဒိုက်ထိုးခြင်းကို ၅ ကြိမ်၊ ထိုင်ခုံကို လက်နှစ်ဖက် နောက်ပြန်ထောက်ပြီး ခန္ဓာကိုယ်ကို နှိမ့်ချလျော့ဆင်းသည့် လေ့ကျင့်ခန်းကို ၅ ကြိမ်၊ ထိုင်ထ ၁၀ ကြိမ်၊ ခြေထောက်နှင့် လက်ကိုကြမ်းပြင်ပေါ်သို့ ထောက်ပြီး ခန္ဓာကိုယ်ကို အပေါ်သို့တွန်းတင်ဆန့်တန်းခြင်းကို မိနစ် ၂၀ ကြာနဲ့  ကြွက်သားများ ပြေလျော့စေရန် ဆန့်ထုတ်ကာ ပြုလုပ်သည့် လေ့ကျင့်ခန်း စတာတွေကို ပြုလုပ်ပေးရမှာ ဖြစ်ပါတယ်။ 

ဒုတိယနေ့ ပြီးဆုံးသွားတဲ့အခါ ဘယ်လို ခံစားရမလဲဆိုရင်...
ဒုတိယနေ့အထိ ပြီးသွားပြီဆိုရင်တော့ စိတ်အားထက်သန် တက်ကြွမှုကို ခံစားရရှိပါလိမ့်မယ်။ ပြီးတော့ အစားအစာတစ်မျိုးမျိုးကို တောင့်တတဲ့စိတ်တွေ လျော့ပါးသွားပါမယ်။ လှုပ်ရှားတက်ကြွမှုကို စတင်ခံစားရပြီးတော့ အရင်ကထက် ပိုပြီးလုပ်ငန်းဆောင်တာတွေ ပြီးမြောက်လာပါလိမ့်မယ်။ ကောင်းမွန်တဲ့ အပြောင်းအလဲတွေကို ပြောရမယ်ဆိုရင်တော့ ၃ ရက်မြောက်အဖြစ် လိုက်ပါလုပ်ဆောင်ရမယ့် ထောပတ်သီး diet ကို ရှေ့ ဆက်ဖို့ တက်ကြွနေပါလိမ့်မယ်။ 

တတိယနေ့ - တတိယနေ့မှာတော့ နံနက် ၆ နာရီခွဲကနေ ၇ နာရီအတွင်းမှာ စမုံနက်စေ့ လက်ဖက်ရည် ၂ ဇွန်းကို စိမ်ထားတဲ့ စိမ်ရည်တစ်ခွက်ကို သောက်ပေးရပါမယ်။ 

၈ နာရီ ၁၅ မိနစ်ကနေ ၈ နာရီ ၄၅ မိနစ်အတွင်းမှာ စားသုံးရတဲ့ နံနက်စာမှာတော့ ထောပတ်သီး ၂ လုံးနဲ့ အစေ့အဆန်မျိုးစုံနဲ့ ပြုလုပ်ထားတဲ့ ပန်ကိတ် ပါဝင်ပါမယ်။ 

၁၀ နာရီခွဲမှာတော့ လတ်လတ်ဆတ်ဆတ် သဘောင်္သီးဖျော်ရည်တစ်ခွက်ကို သောက်သုံးပေးရမှာပါ။ သဘောင်္သီးဖျော်ရည်ကို ဖရဲသီးဖျော်ရည်နဲ့ အစားထိုးလို့ရပါတယ်။

၁၂ နာရီခွဲကနေ ၁ နာရီခွဲအတွင်း စားရမယ့်နေ့လယ်စာမှာတော့ ကြက်ဆင်သားနဲ့ ထောပတ်သီးသုပ်ကို အုန်းရည်တစ်ခွက်နဲ့ သုံးဆောင်ပေးရပါမယ်။ အုန်းရည်ကို မနှစ်သက်ရင် အဆီပါဝင်မှုနည်းတဲ့ ဒိန်ချဉ်ခွက်တစ်ဝက်ကို အစားထိုးလို့ ရ ပါတယ်။ 

ညနေ ၄ နာရီကို ရောက်တဲ့အခါ အစဉ်အလာမပျက် လက်ဖက်ရည်တစ်ခွက်နဲ့ ဆားပါတဲ့ ခရက်ကာတစ်ခုကို စားလိုက်ပါဦး။ 

ညစာကိုတော့ ၇ နာရီမှာ ထောပတ်သီး ကြက်ရင်ပုံသား၊ ရေနွေးဖြောထားတဲ့ ကိုက်လန်၊ ကညွတ်နဲ့ မုန်လာဥနီတို့နဲ့ အစာသိပ်ထားတဲ့ ထောပတ်သီးကို အဆီပါဝင်မှုနည်းတဲ့ ဗင်နီလာ ရေခဲမုန့် ခွက်သေးတစ်ခွက်နဲ့ တွဲဖက်သုံးဆောင်လိုက်ပါဦး။

နောက်ဆုံးနေ့ကို ရောက်ပြီဆိုပေမဲ့ ဒီနေ့မှာလည်း လေ့ကျင့်ခန်းကိုတော့ လုပ်ရမှာပါဘဲ။ တတိယနေ့မှာတော့ - 
ဘယ်ကြည့်၊ ညာကြည့်၊ အပေါ်မော့၊ အောက်ကိုငုံ့ပြီး ပြုလုပ်တဲ့ ဦးခေါင်းလေ့ကျင့်ခန်းကို နာရီလက်တံအတည့်နဲ့ နာရီလက်တံပြောင်းပြန် ၁၀ ကြိမ်၊ လက်နှစ်ဖက်ကို ပုခုံးပေါ်သို့တင်ကာ လှုပ်ရှားပေးခြင်းကို နာရီလက်တံအတည့်နဲ့ နာရီလက်တံပြောင်းပြန် ၁၀ ကြိမ်၊ လက်နှစ်ဖက် ဆန့်တန်းကာ နာရီလက်တံအတည့်နဲ့ နာရီလက်တံပြောင်းပြန် လှည့်ခြင်းကိုလည်း ၁၀ ကြိမ်၊ လက်နှစ်ဘက်ကို ခါးမှာထောက်ထားပြီး လှည့်ခြင်းကို နာရီလက်တံအတည့်နဲ့ နာရီလက်တံပြောင်းပြန် ၁၀ ကြိမ်၊ ခြေမျက်စိမှနေပြီး ခြေဖဝါးကို ဘယ်ညာထက်အောက် လှုပ်ရှားပေးခြင်းကိုလည်း ၁၀ ကြိမ်နဲ့ ဖြည်းဖြည်းမှန်မှန် ပြေးခြင်းကို ၇ မိနစ်မှ ၁၀ မိနစ်အထိ ပြုလုပ်ရမှာဖြစ်ပါတယ်။ နောက်ပြီး လက်တွေကို ပေါင်ပေါ်မှာ ထောက်ထားပြီး ခြေထောက်တစ်ဖက်ကို ရှေ့ထုတ်ပြီး ဒူးကွေးကာအခြားတစ်ဖက်ကို နောက်သို့ဆန့်တန်းထားရပါမယ်။ ပြီးနောက် လက်နှစ်ဖက်ကို မြောက်ထားပြီး ခုန်ထကာ ခြေထောက်ကို ဘယ်ညာပြောင်း၍ ဆန့်တန်းပေးခြင်းကို ပြုလုပ်တဲ့ လေ့ကျင့်ခန်း ကိုတော့ ၁၀ ကြိမ်ပြုလုပ်ရပါမယ်။ လက်နှစ်ဖက် အပေါ်သို့မြောက်ကာ ခြေထောက်နှစ်ဖက်ကို ကားပြီး ခုန်ခြင်းက အကြိမ် ၂၀၊ ထိုင်ထပြုလုပ် ခြင်းကို ၁၀ ကြိမ်၊ လက်ကိုအပေါ်သို့ မြောက်ပြီး တစ်ဝက်ထိုင် တစ်ဝက်ထ ပြုလုပ်ခြင်းကို အကြိမ် ၂၀၊ တစ်ဝက်ထိုင်ပြီးနောက် ပြန်ထကာ ခြေထောက်ကို ဘယ်ညာတစ်လှည့်စီ နောက်သို့ပို့ကာ လေ့ကျင့်ခန်းပြုလုပ်ခြင်းကို ၁၀ ကြိမ်၊ ဝိတ်တုံးကိုမကာ ခါးအောက်နေရာမှနေပြီး ပုခုံးတန်းဝန်းကျင်အထိ မတင်ပြန်ချ ပြုလုပ်ခြင်းကို အကြိမ် ၂၀၊ ဘားခိုခြင်းကို ၁၀ ကြိမ်၊ ခန္ဓာကိုယ်ကို တစ်စောင်းအနေအထား လဲလျောင်းကာ လက်တစ်ဖက်နဲ့ ခြေထောက်တစ်ဖက်ကို ကြမ်းပြင်မှာ ထောက်ထားပြီး  ခန္ဓာကိုယ်ကို အပေါ်သို့ ဆန့်တန်းမတင်ထားခြင်းကို ၁၀ စက္ကန့်ပြုလုပ်ခြင်းနဲ့ လက်နှစ်ဖက်ကို တံတောင်ဆစ်နေရာမှ ကွေး၍ ကြမ်းပြင်ပေါ်မှာထောက် ခန္ဓာကိုယ်ကို အလျားလိုက် ဆန့်တန်းကာ ခြေဖျားထောက်နေခြင်းကို စက္ကန့် ၂၀ ကြာ ပြုလုပ်ရပါမယ်။ ကြမ်းပြင်ပေါ်တွင် လဲလျောင်းကာ လက်နှစ်ဖက်ကို ဘေးသို့ဆန့်တန်းလျက် ခြေထောက်နှစ်ချောင်းကို ကပ်ကြေးညှပ်တဲ့ပုံ လှုပ်ရှားပေးခြင်းကို အကြိမ် ၂၀၊  လက်နှစ်ဖက်နှင့် ခြေထောက်နှစ်ဖက်ကို အားပြုကာ ခန္ခာကိုယ်ကို အပေါ်ဘက်သို့ တန်းတန်းမတ်မတ် တွန်းတင်ထားသည့် ပုံစံဖြင့် စတင်ကာ ညာခြေကို ရင်ဘတ်ပိုင်းရှိရာသို့ ကွေးယူပြီး ကျန်ခြေတစ်ဖက်ကို နောက် သို့တွန်းပို့ထားသည့် တောင်တက်သမားပုံစံ လေ့ကျင့်ခန်းကို ၁၀ ကြိမ်၊ ကြွက်သားများ ပြေလျော့စေရန် ဆန့်ထုတ်ကာ ပြုလုပ်သည့် လေ့ကျင့်ခန်းနဲ့ တရားထိုင်ခြင်းတို့ကို ပြုလုပ်ပေးရမှာဘဲ ဖြစ်ပါတယ်။ 

တတိယနေ့ ပြီးဆုံးသွားတဲ့အခါ ဘယ်လိုခံစားရမလဲဆိုရင်...
နောက်ဆုံးနေ့မှာတော့ ခန္ခာကိုယ်ထဲက ရေကြောင့်ဖြစ်နေတဲ့ ကိုယ်အလေးချိန်တွေ လျော့ကျသွားပြီး သွယ်လျတဲ့ပုံ ပေါ်လာပါလိမ့် မယ်။ သွက်လက်ပေါ့ပါးသလိုလည်း ခံစားရပါလိမ့်မယ်။ ဒါပေမဲ့ အမှန်တကယ် ရုန်းကန်ရမယ့် အခြေအနေကတော့ ထောပတ်သီး diet သုံးရက်လုပ်ပြီးတဲ့ နောက်ပိုင်းမှ ဖြစ်ပါတယ်။ တကယ်လို့ ရည်မှန်းထားတဲ့ ကိုယ်အလေးချိန်အထိ ကျဆင်းသွားတယ်ဆိုပြီး လှုပ်ရှားမှုနည်းတဲ့ လူနေမှုပုံစံကိုသာ ပြန်သွားခဲ့မယ်ဆိုရင် ကိုယ်အလေးချိန်က ပြန်တိုးလာဦးမှာဘဲ ဖြစ်ပါတယ်။ ဒါကြောင့် ထောပတ်သီး diet လုပ်ပြီးတဲ့နောက် ဘာတွေဆက်လုပ်လို့ရသလဲဆိုတာကို ဆက်လက်ဖော်ပြပေးချင်ပါတယ်။

ထောပတ်သီး Diet လုပ်ပြီးတဲ့နောက် ထောပတ်သီး Diet လုပ်ပြီးတဲ့နောက်မှာတော့ အဆီတွေကို လောင်ကျွမ်းစေဖို့နဲ့ ကျန်းမာပျော်ရွှင်တဲ့ ဘဝနေထိုင်မှုအဖြစ် တိုးတက်လာစေဖို့ရင် ဖော်ပြထားတဲ့ အစီအစဉ်လေးကို လိုက်နာသင့်ကြောင်း အကြံပြုပါရစေ။ 

စားသုံးဖို့ သင့်တော်တဲ့ အစားအစာများ 
ဟင်းသီးဟင်းရွက်များ - ဟင်းနုနွယ်၊ ဘရိုကိုလီ၊ ကိုက်လန်၊ မုန်ညင်းဖြူ၊ မုန်ညင်းစိမ်း၊ ကြက်သွန်မြိတ်၊ ဂေါ်ဖီထုပ်၊ ဘိုစားပဲသီး၊ မုန်လာဥနီ၊ ခါဥ၊ ဒန့်သလွန်သီး၊ ခရမ်းချဉ်သီး၊ ဂေါ်ဖီပန်းပွင့်၊ ကြက်သွန်နီ၊ ကန်စွန်းဥ၊ ဘူးသီး၊ ကြက်ဟင်းခါးသီး၊ ခရမ်းသီး၊ သခွားမွှေး အစရှိသဖြင့် 
သစ်သီးများ - ထောပတ်သီး၊ ဖရဲသီး၊ ပန်းသီး၊ သစ်တော် သီး၊ မက်မွန်သီး၊ ဆီးသီး၊ လိမ္မော်သီး၊ သံပုရာသီး၊ သံပုရိုသီး စသဖြင့် 
အသားများ - ကြက်ရင်ပုံ၊ ကြက်ဆင်သား၊ ဥအမျိုးမျိုး၊ အဆီပါဝင်မှုနည်းတဲ့ အမဲသား၊ ဆာလ်မွန်ငါး၊ မက်ကရယ်ငါး၊ တူနာ၊ မှို၊ တိုဟူး၊ အသားတု၊ ပဲအမျိုးမျိုး၊ ပဲနီလေး၊ အရိုးပြုတ်ရည် အစရှိသဖြင့်
အခွံမာသီးနဲ့ အစေ့အဆန်များ - ချီယာစေ့၊ လျှော်ဖြူစေ့၊ ဖရုံစေ့၊ ဗာဒံစေ့၊ သစ်ကြားသီး၊ မာကာဒေးမီးယားအစေ့ အစရှိသဖြင့်
အဆီနဲ့ ဆီများ - သံလွင်ဆီ၊ ဖွဲနုဆီ၊ သန့်စင်ပြီး ထောပတ်၊ မြေပဲထောပတ်၊ နေကြာစေ့ ထောပတ်၊ လျှော်စေ့ ထောပတ် အစရှိသဖြင့်
ဆေးဘက်ဝင်အပင်များနဲ့ ဟင်းခတ်အမွှေး အကြိုင်များ - နနွင်း၊ နံနံစေ့၊ ဇီရာစေ့၊ ငရုတ်သီးမှုန့်၊ အနက်ရောင် ငရုတ်ကောင်းမှုန့်၊ စမုံနက်စေ့၊ နာနတ်ပွင့်၊ ဇာတိပ္ဖိုလ်ပွင့်၊ ဇာတိပ္ဖိုလ်သီးအမှုန့်၊ လေးညှင်းပွင့်၊ ဖာလာစေ့၊ သစ်ကြံပိုးခေါက် အစ ရှိသဖြင့်
ကောက်နှံများ - ဆန်လုံးညို၊ ဂျုံ၊ အုတ်ဂျုံ၊ ပြောင်းမျိုး နှံစားပင် အစရှိသဖြင့်
နို့ထွက်ပစ္စည်းများ - အဆီပါဝင်မှုနည်းတဲ့ နွားနို့၊ အဆီပါဝင်မှု နည်းတဲ့ ဒိန်ချဉ်၊ ဟင်းချက်ရာ မှာ သုံးတဲ့ဒိန်ချဉ် ၊ မလိုင်ပါတဲ့ နွားနို့နဲ့ chadder ချိစ့်။ 
အဖျော်ရည်များ - အုန်းရည်၊ ရေ၊ လတ်လတ်ဆတ်ဆတ် သစ်သီးတွေနဲ့ ဟင်းသီးဟင်းရွက် ဖျော်ရည်များ အစရှိသဖြင့်

ရှောင်ရှားသင့်တဲ့ အစားအစာများ -
ဟင်းသီးဟင်းရွက်ဆိုရင် အာလူး၊ သစ်သီးတွေထဲမှာတော့ သရက်သီးနဲ့ စပျစ်သီး၊ အသားကတော့ အနီရောင် အသားတွေ၊ အခွံမာသီးနဲ့ အစေ့အဆန်တွေထဲမှာတော့ သီဟိုဠ်စေ့၊ အဆီနဲ့ ဆီတွေထဲမှာတော့ ထောပတ်၊ မာဂျရင်း၊ ဝက်ဆီ၊ ဟင်းသီးဟင်းရွက်ဆီ၊ လျှော်ဖြူ့စေ့ဆီ နဲ့ ကနိုလာဆီတို့ဖြစ်ပါတယ်။ ကောက်နှံတွေထဲမှာတော့ ဖြူလွန်းအောင် အခွံချွတ်ထားတဲ့ ဆန်ကို ရှောင်ရှားသင့်ပြီး နို့ထွက်ပစ္စည်းတွေထဲမှာတော့ အဆီထုတ်မထားတဲ့ နွားနို့၊ အဆီအပြည့်ပါဝင်နေတဲ့ ခရင်(မ)၊ အဆီထုတ်မထားတဲ့ ဒိန်ချဉ်နဲ့ ခရင်(မ) ချိစ့်တို့ဘဲ ဖြစ်ပါတယ်။ အဖျော်ယမကာတွေထဲမှာတော့ ဆိုဒါပါသော ဖျော်ရည်များ၊ စည်သွတ်ဘူးထဲက သစ်သီးတွေနဲ့ ဟင်းသီးဟင်းရွက်ဖျော်ရည်၊ အားဖြည့်အချိုရည်တွေနဲ့ ယမကာတို့ဘဲ ဖြစ်ပါတယ်။ 

ပြောင်းလဲသင့်တဲ့ ဘဝနေထိုင်မှု ပုံစံ
တစ်ရက်ကို ရေ ၃ လီတာကနေ ၄ လီတာအထိ နေ့တိုင်းသောက်ပေးပါ။ ကိုယ်လက်လှုပ်ရှား တဲ့ လေ့ကျင့်ခန်းတွေ လုပ်တဲ့သူဆိုရင် ၅ လီတာကနေ ၆ လီတာအထိ နေ့စဉ် သောက်ပေးသင့်ပါတယ်။ ရေက ခန္ခာကိုယ်တွင်း အပူချိန်ကို ထိန်းညှိထားပေးပြီး အဆိပ်အတောက်တွေကို ကူညီစွန့်ထုတ်ပေးပါတယ်။ ဆဲလ်တွေရဲ့ ရေဓာတ်ပါဝင်မှုကို ထိန်းသိမ်းပေးထားပြီး ဆဲလ်တွေရဲ့ လုပ်ဆောင်မှုကို တိုးတက်စေပါတယ်။ 

မနက်စာ၊ နေ့စာ၊ ညစာတို့ကို အချိန်မှန် စားသုံးပေးပါ။ ဆာလောင်မှုကို ခံစားရတဲ့အထိ မစောင့်ဆိုင်းပါနဲ့။ ၂ နာရီကနေ ၃ နာရီ ကြာတိုင်းမှာ အစာစားသုံးပေးခြင်းကတော့ ကိုယ်အလေးချိန်ကျဆင်းစေဖို့နဲ့ ကိုယ်အလေးချိန် ထပ်ပြီးတက်မလာစေဖို့အတွက် အဓိကသော့ချက်ပါဘဲ။ အရမ်းဆောင်လောင်နေတဲ့အခါမှာ စားသုံးတဲ့အခါ လိုအပ်တာထက်ပိုပြီးတော့ စိတ်လွတ်လက်လွတ် စားသုံးမိစေပါတယ်။

နေ့စဉ်နေ့တိုင်း လမ်းလျှောက်ပေးပါ။ လမ်းလျှောက်ပေးခြင်းဖြင့် ကျန်းမာကြံ့ခိုင်မာကို တိုးတက်စေရုံသာမကဘဲ အတွေးတွေကိုလည်း ကြည်လင်စေတဲ့အပြင် အလုပ်အများကြီး လုပ်ေ နရတဲ့ ဦးနှောက်ကိုလည်း အနည်းငယ်တော့ သက်သာရာရစေပါတယ်။ 

စားသုံးမယ့် အစားအစာတွေကို သေသေချာချာ ရွေးချယ်ပေးပါ။ စတိုးဆိုင်ကိုသွားတဲ့ အခါမှာ ကိုယ်ရွေးလိုက်တဲ့ အစားအစာဟာ ကျန်းမာရေး ပိုမိုကောင်းမွန်စေဖို့အတွက် မြုပ်နှံမှုဖြစ်ရဲ့လားဆိုတာကို တွေးပေးပါ။ အသင့်စား အစားအစာတွေ ဒါမှမဟုတ် ဆား၊ သကြားနဲ့ ဓာတုဗေဒဆိုးဆေးတွေပါဝင်နေတဲ့ အစားအစာတွေကို ဝယ်ယူခြင်းကနေ ရှောင်ရှားပြီး ဟင်းသီးဟင်းရွက်၊ သစ်သီး၊ အဆီနည်းတဲ့ အသား၊ အခွံမာသီးတွေကို ဝယ်ယူခြင်းအားဖြင့် ခန္ဓာကိုယ်ထဲက အဆိပ်အတောက်တွေကို လျော့နည်းစေပါတယ်။ 

ယမကာ သောက်သုံးမယ်ဆိုရုံတောင် သင့်တင့်ရုံသာ သောက်သုံးသင့်ပါတယ်။ အကောင်းဆုံးနည်းလမ်းကတော့ အိမ်မှာမသောက်ဘဲ ဆိုင်မှာသောက်တာက ပိုကောင်းပါတယ်။ ယမကာပုလင်းတွေ အကုန်လုံးကိုလည်း အိမ်ကနေ ကန်ထုတ်လိုက်ပါတော့။ ယမကာ သုံးဆောင်တဲ့ အကျင့်ကို ရပ်တန့်လိုက်တဲ့အခါမှာ ကိုယ်လက်လှုပ်ရှားတဲ့ လေ့ကျင့်ခန်းတွေ လုပ်ရတာလည်း ပိုကောင်းလာပါလိမ့်မယ်။ ပြီးတော့ အလုပ်မှာဘဲဖြစ်ဖြစ် ကျောင်းမှာဘဲဖြစ်ဖြစ် အရင်ကထက် အလုပ်တွေ ပိုပြီး ပြီးမြောက်လာမှာ ဖြစ်ပါတယ်။

စောစောအိပ်ပြီး စောစောထပါ။ အမှန် တကယ်တော့ ညစဉ် ညတိုင်း အနည်းဆုံး ၇ နာရီတော့ အိပ်စက်အနားယူပေးသင့်ပါတယ်။ အိပ်ရေးဝဝ မအိပ်ခြင်းကလည်း  ကိုယ်အလေးချိန် တိုးလာစေမယ့်လမ်းကြောင်းကို ဦးတည်သွားစေတတ်ပါ တယ်။ ကိုယ့်ရဲ့ ခန္ဓာကိုယ်နဲ့ ဦးနှောက်ဟာ သူတို့ရဲ့ လုပ်ဆောင်ချက်တွေကနေ အနားယူဖို့ လုံးဝကို လိုအပ်ပါတယ်။ ဒါ့အပြင် စောစောနိုးထတဲ့အခါ ကိုယ်လက်လှုပ်ရှားတဲ့ လေ့ကျင့်ခန်းတွေ လုပ်ဖို့အချိန်ရတဲ့အပြင် နံနက်စာကိုလည်း ကောင်းကောင်းမွန်မွန် ပြင်ဆင်စားသုံးနိုင်ပါတယ်။ 

အိမ်မှာဘဲ ချက်ပြုတ်စားသုံးတာက ပိုကောင်းပါတယ်။ ဒီလိုမှ မဟုတ်ရင်လည်း အော်ဂဲနစ် ပါဝင်ပစ္စည်းတွေကို သုံးထားပြီး အရောင်လှအောင်နဲ့ အနံ့မွှေးအောင်သုံးတဲ့ ဓာတုဗေဒဆိုးဆေးတွေကို အသုံးမပြုတဲ့ စားသောက်ဆိုင်ကို ရွေးချယ်သင့်ပါတယ်။ 

ကိုယ်ချစ်ရတဲ့သူတွေကိုလည်း ဘာကြောင့် ကိုယ့်ရဲ့ ဘဝနေထိုင်မှု ပုံစံကို ပြောင်းလဲရတယ် ဆိုတဲ့အကြောင်း ပြောပြထားရင် သူတို့တွေရဲ့ ကူညီ  ထောက်ပံ့မှုကိုလည်း ရရှိနိုင်ပါတယ်။ လုပ်ပြီဆိုမှတော့ တစ်ဝက်တစ်ပျက် ရပ်လိုက်တာမျိုး မလုပ် ပါနဲ့နော်။ 

ကိုယ်နှစ်သက်တဲ့ ဇာတ်လမ်းတွဲက ဘယ်လောက်ပဲ စိတ်ဝင်စားစရာ ကောင်းပါစေဦးတော့ ညနက်တဲ့အထိ မအိပ်ဘဲ စောင့်ကြည့်တာမျိုးကို ရှောင်ရှားပေးပါ။ ဘာကြောင့်လဲဆိုတော့ ဇာတ်လမ်းတွဲကြည့်နေတဲ့အချိန်မှာ လူကနိုးကြားနေပြီး သွားရည်စာတွေ စားချင်လာပါလိမ့်မယ်။ ဒီလိုအလေ့အထက ကိုယ်အလေးချိန် တိုးလာစေဖို့ ဦးတည်သွားစေပါတယ်။ 

ဒါဆိုရင်တော့ ဖော်ပြခဲ့တဲ့ ဆောင်ရန် ရှောင်ရန် အချက်လေးတွေနဲ့ ၃ ရက်တာ ထောပတ်သီး Diet ကို လိုက်ပါလုပ်ဆောင်ကြည့်ပြီး မလိုအပ်ဘဲ ပိုလျှံနေတဲ့ ကိုယ်အလေးချိန်တွေကို လျှော့လိုက်ကြတာပေါ့။ ဒီလိုလုပ်ဆောင်ကြည့်ခြင်းဖြင့် ရုပ် ပိုင်းဆိုင်ရာ ပြောင်းလဲမှုကို လက်ခံရရှိရုံသာမက စိတ်ခံစားမှုကလည်း ပိုမိုကောင်းမွန်လာတာကို တွေ့ရပါလိမ့်မယ်။ ကိုယ့်ရဲ့ အဆီပိုမရှိ အချိုးအစားကျတဲ့ ခန္ဓာကိုယ်ကို မြတ်နိုးမိရုံသာမက ကိုယ့်ကိုကိုယ်လည်း ပိုချစ်လာပါလိမ့်မယ်ဆိုတဲ့ အ 
ကြောင်းပြောရင်း နှုတ်ဆက်လိုက်ပါတယ်နော်။ 
Ref: Best Avocado Diet For Weight Loss - Lose 3 Kilos In 3 Days