ကယ်လ်ဆီယမ်ကြွယ်ဝတဲ့ အစားအစာတွေ

ကယ်လ်ဆီယမ်ကို အရိုးတွေ ကြံ့ခိုင်သန် စွမ်းစေတဲ့ အာဟာရဓာတ်တစ်မျိုးအဖြစ် လူသိများပါတယ်။ ဒါပေမဲ့ ကယ်လ်ဆီယမ်က ဆဲလ်တွေ ကျန်းမာဖို့၊ ဟော်မုန်းတွေ ပုံမှန်ထွက်ရှိဖို့၊ သွေးခဲဖို့၊ ကြွက်သားတွေ ကျုံ့နိုင်ဆန့်နိုင်ဖို့စတဲ့ ခန္ဓာကိုယ်ရဲ့ လုပ်ငန်းဆောင်တာ အတော်များများ ပုံမှန်အလုပ်လုပ်ဖို့ မရှိမဖြစ်လိုအပ်တဲ့ ဓာတ်တစ်မျိုးဆိုတာကိုတော့ သတိပြုမိသူ နည်းပါတယ်။ ဒါ့အပြင် ကယ်လ်ဆီယမ် ချို့တဲ့မှုကြောင့် ဖြစ်ပွားနိုင် တဲ့ ကျန်းမာရေးပြဿနာများလည်း ရှိပါသေးတယ်။ 
ကယ်လ်ဆီယမ် ချို့တဲ့မှုကြောင့် အရိုးပွခြင်း၊ လက်သည်းများကျိုးပဲ့လွယ်လာခြင်း၊ ဆံပင်ကျွတ်ခြင်းနဲ့ ကြွက်တတ်ခြင်း စတာတွေ ဖြစ်တတ်ပါတယ်။ 

ဒါဆို ကယ်လ်ဆီယမ်ဓာတ် မချို့တဲ့အောင် ဘယ်လိုအစားအစာတွေ စားသုံးပေးသင့်ပါသလဲ။ ဒီမေးခွန်းရဲ့ အဖြေအတွက် ကယ်လ်ဆီယမ်ကြွယ်ဝစွာပါဝင်တဲ့ အစားအသောက်များကို ဖော်ပြပေးလိုက်ပါတယ်။ 

နို့ 
အဆီနဲ့ ပရိုတိန်း ပါဝင်မှု မြင့်မားတဲ့ နို့မှာ ကယ်လ်ဆီယမ် ကြွယ်ဝစွာပါဝင်နေတာက  အံ့အားသင့်စရာကောင်းတဲ့ အချက်တစ်ချက်ဖြစ်ပါတယ်။ နို့ တစ်ဖန်ခွက်မှာ ကယ်လ်ဆီယမ် ၂၈၅ မီလီဂရမ်ခန့်ပါဝင်ပါတယ်။ အရွယ်ရောက်ပြီး လူတစ်ဦး နေ့စဉ်လိုအပ်တဲ့ ကယ်လ်ဆီယမ် ပမာဏက ၁ဝဝဝ မှ ၁၅ဝဝ မီလီဂရမ်ခန့် အထိဖြစ်ပါတယ်။ ဒါကြောင့် နို့တစ်ခွက်သောက်ခြင်းက တစ်ရက်တာအတွက် လိုအပ်တဲ့ ကယ်လ်ဆီယမ်ကို ၄ ပုံတစ်ပုံခန့်မှ ခြောက်ပုံ တစ်ပုံခန့်အတွင်း ရရှိပြီးသားဖြစ်စေပါတယ်။ (ပါဝင်တဲ့ ပရိုတိန်းကြောင့် ခန္ဓာကိုယ်က ကယ်လ်ဆီယမ်ကို စုပ်ယူတဲ့အခါ ကယ်လ်ဆီယမ် ပမာဏအချို့ ဆုံးရှုံးသွားတာကြောင့်ဖြစ်ပါတယ်)

ချိ့စ်
နို့ထွက်ပစ္စည်းအားလုံးမှာ ကယ်လ်ဆီယမ် ကြွယ်ဝစွာပါဝင်ပါတယ်။ ချိ့စ် ၁ အောင်စမှာ ကယ်လ်ဆီယမ် ၂၂၄ မီလီဂရမ် ခန့်ပါဝင်ပါတယ်။ နို့မှာ လို့ပဲ ချိ့စ်မှာလည်း အဆီပါဝင်မှု များပြားပါ တယ်။ ဒါကြောင့် ပမာဏ အများအပြားစားသုံးခြင်းက ခန္ဓာကိုယ်အလေးချိန် တိုးလာစေနိုင်တဲ့ အချက်ကိုတော့ သတိပြုစေချင်ပါတယ်။ 

ဘရိုကိုလီ
ဘရိုကိုလီ (သို့) ပန်းပွင့်စိမ်းက အံ့အားသင့်စရာကောင်းလောက်တဲ့ အာဟာရတန်ဖိုးတွေ ပြည့်နှက်နေတဲ့ ဟင်းသီးဟင်းရွက်တစ်မျိုးပါ။ ပန်းပွင့်စိမ်း လက်တစ်ဆုပ်စာလောက်မှာ ကယ်လ်ဆီယမ် ၈၆ မီလီဂရမ်ခန့်ပါဝင်ပါတယ်။ ဒါ့အပြင် ဗီတာမင် C ကြွယ်ဝစွာ ပါဝင်ပါတယ်ဆိုတဲ့ လိမ္မော် သီးမှာထက် ဘရိုကိုလီမှာ ဗီတာမင် C ပါဝင်မှု ပိုမိုများပြားပါတယ်။ ဒါ့အပြင် Antioxidants နဲ့ အမျှင်ဓာတ်ပါဝင်မှု မြင့်မားတဲ့ ဘရိုကိုလီက သင့်ရဲ့ နေ့စဉ်စားသုံးနေကြ အစားအစာများထဲမှာ မကြာခဏ ထည့်သွင်းစားသုံးပေးသင့်တဲ့ ဟင်းသီးဟင်းရွက်တစ်မျိုးလည်းဖြစ်ပါတယ်။ အာဟာရတန်ဖိုးမြင့်မားတဲ့ ဟင်းသီးဟင်းရွက်များထဲမှာ နံပါတ် ၁ ဖြစ်တဲ့ ဘရိုကိုလီ စားသုံးပေးခြင်းဖြင့် ကယ်လ်ဆီယမ်ဓာတ်အပြင် အခြားဗီတာမင်နဲ့ သတ္တုဓာတ်များကိုပါ အပိုအဖြစ်ထပ်မံရရှိပါလိမ့်မယ်။ 


ကိုက်လန်
ကိုက်လန်ကလည်း ဘရိုကိုလီ ကဲ့သို့ အာဟာရတန်ဖိုး ကြွယ်ဝစွာပါဝင်တဲ့ အရွက်စိမ်းတစ်မျိုးပါ။ ချက်ပြုတ်ပြီးသား ကိုက်လန်တစ်စည်းစာလောက်မှာ ကယ်လ်ဆီယမ် ၉၃ မီလီဂရမ်ခန့် ပါဝင်ပါတယ်။ ဒါ့အပြင်ကိုက်လန်မှာ ပါဝင်တဲ့  ဗီတာမင် C နဲ့ ရှားပါးလှတဲ့ ဗီတာမင် K ကိုလည်း ရရှိဦးမှာဖြစ်ပါတယ်။


လိမ္မော်သီး
ဗီတာမင် C နဲ့ တွဲပြီး နာမည်ကြီးတဲ့ လိမ္မော်သီးမှာ ကယ်လ်ဆီယမ်ဓာတ်ပါတယ်ဆိုရင် သင်အံ့အားသင့်သွားနိုင်ပါတယ်။ လိမ္မော်သီး တစ်လုံးမှာ ကယ်လ်ဆီယမ် ၆၅ ဂရမ်ခန့်ပါဝင်ပြီး ဒါက အသီးအနှံထဲမှာဆိုရင် အတော်မြင့်မားတဲ့ ပမာဏလို့ ဆိုနိုင်ပါတယ်။ နို့ နဲ့ နို့ထွက်ပစ္စည်းလို အဆီပါဝင်မှုလည်း မရှိတာကြောင့် ပမာဏများများ စားသုံးမိလို့လည်း သိပ်ပြီးပြဿနာမရှိတဲ့ အသီးတစ်မျိုးပါ။ ဒါကြောင့် လိမ္မော်သီးက ကယ်လ်ဆီယမ်ရရှိဖို့ အကောင်းဆုံးရင်းမြစ် တစ်ခုလို့တောင် ဆိုရင်ဆိုလို့ ရပါတယ်။ 


တိုဖူး
သတ်သက်လွတ်အသားလို့ နာမည်ကြီးတဲ့ တိုဖူးက ပရိုတိန်းကြွယ်ဝစွာ ပါဝင်လို့ အသားအစားထိုး စားသုံးလေ့ရှိတဲ့ အစားအစာတစ်မျိုးပါ။ ဒါပေမဲ့ တိုဖူးကလည်း ကယ်လ်ဆီယမ် ပါဝင်မှု မြင့်မားတဲ့ အစားအစာပါပဲ။ တိုဖူးပန်းကန်လုံး တစ်ဝက်စာခန့်မှာ သင့်တစ်ရက်တာအတွက် လိုအပ်တဲ့ ကယ်လ်ဆီယမ် ပမာဏ  ၅ဝ ရာခိုင်နှုန်းပါ ဝင်ပါတယ်။ တိုဖူးက ပဲကိုကျိုချက်ပြီးမှ ပြုလုပ်ရ တာဖြစ်လို့ ပြုလုပ်တဲ့သူအပေါ်မူတည်ပြီး  ကယ်လ်ဆီယမ် ပါဝင်မှု ကွဲပြားတာမျိုးတော့ရှိနိုင်ပါတယ်။

Almond
အခွံမာသီး၊ အစေ့အဆန် အုပ်စုထဲမှာ နာမည်ကြီးတဲ့  Almond မှာ ကျန်းမာရေးအတွက် မရှိမဖြစ်လိုအပ်တဲ့ ပရိုတိန်း၊ ဗီတာမင် E ၊ Potassium စတဲ့ အာဟာရဓာတ်တွေပါဝင်ပါတယ်။ ဒါ့အပြင် Almond စေ့မှာ  Monounsaturated Fat အမျိုး
အစား ကိုလက်စထရောကို ကျဆင်းစေနိုင်တဲ့ ကျန်းမာရေးအတွက် ကောင်းမွန်တဲ့ အဆီဓာတ်လည်း ပါဝင်တာကြောင့် လူကြိုက်များတဲ့ အစေ့အဆန်တစ်မျိုးလည်း ဖြစ်ပါသေးတယ်။ အရေးပါတဲ့ အချက်ကတော့ အဆိုပါ ဗီတာမင်နဲ့ သတ္တုဓာတ်တွေအပြင် Almond မှာ ကယ်လ်ဆီယမ်ဓာတ် ကြွယ်ဝစွာ ပါဝင်နေခြင်းပဲဖြစ်ပါတယ်။ Almond စေ့ ၁ အောင်စမှာ ကယ်လ်ဆီယမ် ၇၅ မီလီဂရမ်ခန့်ပါဝင်ပါတယ်။ အဆီဓာတ်ပါဝင်ပေမယ့်လည်း ကျန်းမာရေးနဲ့ ညီညွှတ်တဲ့ အဆီဓာတ်
ဖြစ်တာကြောင့် ကိုယ်အလေးချိန်အတွက် စိတ်ပူစရာမလိုဘဲ တစ်ခါတစ်ရံကိုယ်နှစ်သက်သလောက် စားပစ်လိုက်လို့လည်း ရပါသေးတယ်။ 


ပဲဖြူ
ပဲဖြူတွေမှာပါဝင်တဲ့ ကယ်လ်ဆီယမ် ပမာဏက အလွန်မြင့်မားပါတယ်။ ပဲဖြူ အစိမ်း ၈ဝ ဂရမ်၊ ချက်ပြုတ်ပြီး ၂ဝဝ ဂရမ်မှာ ကယ်လ်ဆီယမ် ၁၃၂ မီလီဂရမ်ပါဝင်ပါတယ်။ ကယ်လ်ဆီယမ်ဓာတ် အပြင် အမျှင်ဓာတ်၊ ပရိုတိန်း၊ သံဓာတ်တွေကို လည်း ကြွယ်ဝစွာရရှိနိုင်ပါတယ်။ ပရိုတိန်း ပါဝင်မှုမြင့်မားတာကြောင့် အသားနဲ့ နို့ရှောင်တဲ့သူတွေ အတွက် အကောင်းဆုံး အစားထိုးရွေးချယ်စရာ အစားအစာတစ်မျိုးလို့တောင် ဆိုနိုင်ပါတယ်။ 


ဆာဒင်း 
ဆာဒင်းက ငါးသေတ္တာပြုလုပ်ရာမှာ နာမည်ကြီးတဲ့ ပင်လယ်ငါး တစ်မျိုးဖြစ်ပါတယ်။ လတ်လတ်ဆတ်ဆတ် ဆာဒင်းငါးဖြစ်စေ၊ စည်သွပ်ထားတဲ့ ဆားဒင်းငါးဖြစ်စေ နှစ်မျိုးလုံးမှာ ကယ်လ်ဆီယမ်ပါဝင်မှု မြင့်မားပါတယ်။ ဆာဒင်း ၆ဝ ဂရမ်မှာ ကယ်လ်ဆီယမ် ၃၅၁ မီလီဂရမ်ခန့် ပါဝင်ပါတယ်။ ဒါ့အပြင် နို့ မှာလိုပဲ ဆာဒင်းငါးမှာလည်း ဗီတာမင် D ကြွယ်ဝစွာ ပါဝင်ပါသေးတယ်။ ဗီတာမင် D က ခန္ဓာကိုယ်အတွက် မရှိမဖြစ်လိုအပ်တဲ့ ဗီတာမင်တစ်မျိုးဖြစ်ပြီး အစားအစာတွေမှာ မတွေ့ရသလောက် ရှားပါတဲ့ ဗီတာမင်တစ်မျိုးလည်း ဖြစ်ပါတယ်။ ဗီတာမင် D ကို အဓိကအားဖြင့် နေရောင်ခြည်မှ ရရှိပါတယ်။ 
Ref; Eat For Healthier Bones! A list of Calcium Rich food You Need!