ကလေးတွေကို ဒီလိုကျွေးပါ - အသက် ၁ နှစ် မှ ၂ နှစ်

ကလေးငယ်တစ်ယောက်အတွက် မွေးကာစ မှ အသက် ၂ နှစ်အရွယ်ရောက်တဲ့အထိက အရေးအကြီးဆုံးကာလလို့ ဆိုနိုင်ပါတယ်။ ဘာကြောင့်လဲဆိုတော့  ဒီအသက်အရွယ်အပိုင်းအခြားမှာ သူတို့ရဲ့ ဦးနှောက်နဲ့ ခန္ဓာကိုယ်က လျင်လျင်မြန်မြန် ဖွံ့ဖြိုးလာမှာဖြစ်ပြီး ဒီကာလအတွင်း ဖွံ့ဖြိုးမှုဟာ ကလေးရဲ့ ဘဝသက်တမ်းတစ်လျှောက် ဥာဏ်ရည်ဥာဏ်သွေး၊ ကိုယ်ကာယဖွံ့ဖြိုးမှု၊ ကျန်းမာရေး စတာတွေအပေါ် အပြည့်အဝ သက်ရောက်မှု ရှိသွားမှာကြောင့်ဖြစ်ပါတယ်။ ဒါကြောင့် ဒီအသက်အရွယ်အတွင်းမှာ အာဟာရဓာတ်ပြည့်ပြည့်ဝဝ ပါဝင်တဲ့ အစားအသောက်တွေ နေ့စဉ် လုံလုံလောက်လောက် ရရှိထားဖို့က အခြားအချိန်များထပ် ပိုပြီး အရေးကြီးပါတယ်။  ဒီကာလမှာ လိုအပ်တဲ့ အာဟာရဓာတ်နဲ့ ဗီတာမင်တွေ လုံလောက်အောင် မရရှိဘူးဆိုရင် ကလေးမှာ သိမြင်နားလည် နိုင်စွမ်းချို့ယွင်းတာ၊ စကားပြောနှေးတာ၊ ဥာဏ်ရည်နည်းတာ၊ သင်ယူနိုင်မှု စွမ်းရည်နိမ့်တာစတဲ့ ဘဝတစ်လျှောက်လုံးအပေါ်သက်ရောက်မှု ရှိသွားမယ့် ချို့ယွင်းမှုတွေ ဖြစ်ပေါ်လာနိုင်လို့ မိဘတွေ အနေနဲ့ အထူးဂရုစိုက်သင့်ပါတယ်။
 
ဦးနှောက်ဖွံ့ဖြိုးမှု
အသက် ၁ နှစ် မှ ၂ နှစ်အတွင်း ကလေးငယ်တစ်ဦးရဲ့ ဦးနှောက်အတွင်းက နာဗ့်ကြောဆက်သွယ်မှုတွေဟာ ၁ဝဝဝ ထရီလီယံ အထိတိုးတက်ဖွံ့ဖြိုးလာတယ်လို့သိရပြီး ဒီပမာဏက မွေးကာစအရွယ်နဲ့ နှိုင်းယှဉ်မယ်ဆိုရင် ပမာဏ နှစ်ဆဖြစ်ပါတယ်။ နာ့ဗ်ကြောတွေကို ကာကွယ်ပေးထားပြီး ဆက်သွယ်မှုတွေကို တိုးတက်စေတဲ့ Myelin လို့ ခေါ်တဲ့ ဦးနှောက်အတွင်းက ပစ္စည်းတစ်မျိုးဟာ အာဟာရချို့တဲ့တဲ့ ကလေးငယ်တွေဆီမှာ ထွက်ရှိမှုနည်းပြီး နောက်ဆက်တွဲအနေနဲ့ ဦးနှောက်က ဖွံ့ဖြိုးသင့်သလောက် မဖွံ့ဖြိုးဘဲ သေးငယ်သွားတာကို Indiana University’s Riley Hospital for Children က သုတေသီတွေ တွေ့ရှိခဲ့ပါတယ်။ ဒါကြောင့် ကလေးငယ်တွေရဲ့ ဦးနှောက် ပုံမှန် နဲ့ အစွမ်းကုန် ဖွံ့ဖြိုးဖို့ အသက် ၁ နှစ် မှ ၂ နှစ်အတွင်း ကာလက အရေးအကြီးဆုံး ဖြစ်တယ်လို့ ပညာရှင်တွေ သတိပေးခဲ့ပါတယ်။ လိုအပ်တဲ့ အာဟာရဓာတ်တွေကို လုံလုံလောက်လောက်သာ ရရှိနေမယ်ဆို ရင် နာ့ဗ်ကြောတွေနဲ့ ဆဲလ်တွေ ဒီကာလမှာ ကောင်းကောင်းမွန်မွန် ဖွံ့ဖြိုးလာနိုင်ပါတယ်။
အရေးပါတဲ့ အာဟာရဓာတ်များ
သံဓာတ်ချို့တဲ့ခြင်းက ကလေးရဲ့ သင်ယူနိုင်စွမ်းနည်းခြင်း၊ အမူအကျင့်ပိုင်းဆိုင်ရာ ပြဿနာများနဲ့ ဆက်စပ်နေပါတယ်။ ကလေးငယ်တစ်ဦးဟာ အသက်ငယ်စဉ်တုန်းက သံဓာတ်လုံလောက်အောင် မရရှိခဲ့ရင် သိမြင်နားလည်နိုင်စွမ်းအပေါ် သက်ရောက်မှု ရှိလာနိုင်တယ်လို့ ပညာရှင်တွေ သတိပေးထားပါတယ်။ ဒါ့အပြင် အသက် ၂ နှစ် မတိုင်ခင်အထိ ကလေးငယ်တစ်ဦးလိုအပ်တဲ့ အာဟာရဓာတ်ထဲမှာ အဆီဓာတ်လည်း ပါဝင်ပါတယ်။ အဆီဓာတ်က Myelin ဖြစ်ပေါ်ဖို့ လိုအပ်ပြီး ဦးနှောက် အစွမ်းကုန် ဖွံ့ဖြိုးဖို့ ကလေးငယ်တစ်ရက်တာ စားသုံးမယ့် ကယ်လိုရီထဲမှာ ၅ဝ ရာခိုင်နှုန်းက အဆီဓာတ်ကရမယ့် ကယ်လိုရီဖြစ်ဖို့ လိုအပ်ပါတယ်။ အသက် ၁ နှစ် မှ ၂ နှစ်အတွင်း ကလေးငယ်များကို မိခင်နို့တိုက်နေရင်တောင်မှ အဆီဓာတ်ရဖို့  နွားနို့ကို စတင် တိုက်ပေးသင့်ပါပြီ။ ဒါပေမဲ့ နွားနို့က သံဓာတ်ရရှိမယ့် ရင်းမြစ်မဟုတ်တာကြောင့် တစ်ရက်ကို ၂၄ အောင်စ ထက်တော့ ပိုပြီး မတိုက်သင့်ပါဘူး။ Omega 3 အဆီကလည်း ကလေးအတွက်သင့်တော်ကောင်းမွန်ပါတယ်။
နေ့စဉ်ကျွေးပေးရမယ့် အစားအသောက်ပုံစံအသက် ၁ နှစ်  မှ ၂ နှစ်အရွယ်ကလေး တစ်ဦးကို နေ့စဉ် ကျွေးမွေးမယ့် အစားအသောက်တွေမှာ စွမ်းအင် (ကယ်လိုရီ)၊ ပရိုတိန်း၊ အဆီဓာတ်၊ Saturated Fatty Acids ၊ ကာဘိုဟိုက်ဒြိတ်၊ ဆား၊ သကြား၊ အမျှင်ဓာတ်တွေ ပါဝင်ဖို့ လိုအပ်ပါတယ်။
 
ကလေးငယ်ရဲ့ အစားအစာစားသုံးမှု လိုက်လျောညီထွေဖြစ်ဖို့ အစားအစာများကို အုပ်စုခွဲလိုက်ပါ။
ကစီဓာတ်ပါတဲ့ အစားအစာများ - တစ်ရက်ကို ၅ ကြိမ်
အသီးအနှံနဲ့ ဟင်းသီးဟင်းရွက်များ- တစ်ရက်ကို ၅ ကြိမ်
နို့နဲ့နို့ထွက်ပစ္စည်း - တစ်ရက်ကို ၃ ကြိမ်
ပရိုတိန်း - တစ်ရက်ကို ၂ ကြိမ်
ရေ နဲ့ အရည်များ - တစ်ရက်ကို ၁.၃ လီတာ
အစားအစာအုပ်စုများကို အထက်ပါအတိုင်း အကြမ်းဖျင်းအုပ်စုခွဲပြီး ကလေးငယ်ရဲ့ အစားအသောက်စားသုံးတဲ့ ပုံစံပေါ်လိုက်ကာ အစားအသောက်အုပ်စုများကို ရောနှောပြီး တစ်ရက်ကို ၅ ကြိမ်ခွဲကာ ကျွေးပေးသင့်တယ်လို့ အာဟာရ ဗေဒပညာရှင်တွေ အကြံပြုထားပါတယ်။ မနက်စာ၊ နေ့လယ်စာ နဲ့ ညနေစာ သုံးကြိမ်၊ ကျန်တဲ့နှစ်ကြိမ်က သွားရေစာ သဘောမျိုး ကျွေးပေးရမှာဖြစ်ပါတယ်။
 
ကစီဓာတ်ပါတဲ့ အစားအစာများ
ကစီဓာတ်ပါတဲ့ အစားအစာများက စွမ်းအင်ရရှိဖို့ အကောင်းဆုံးအစားအစာအုပ်စုဖြစ်ပြီး စတင်လှုပ်ရှားကစားနေပြီဖြစ်တဲ့ အသက် ၁နှစ်မှ ၂ နှစ် အရွယ်ကလေးအတွက် အရေးကြီးတဲ့ အစားအစာအုပ်စုလည်းဖြစ်ပါတယ်။ ဒါ့အပြင် ကစီဓာတ်ပါတဲ့ အစားအစာများဖြစ်တဲ့ ဆန်၊ ဂျုံ၊ ကောက်နှံ၊ အာလူး စတဲ့ အစားအစာများမှာ အမျှင်ဓာတ်၊ ဗီတာမင် B စတဲ့ ကလေးရဲ့ခန္ဓာကိုယ် ကြီးထွားဖွံ့ဖြိုးဖို့ လိုအပ်တဲ့ အာဟာရဓာတ်တွေပါဝင်ပါတယ်။ 
အသီးအနှံနဲ့ ဟင်းသီးဟင်းရွက်များ
အသီးအနှံနဲ့ ဟင်းသီးဟင်းရွက်များဆီမှ ကလေးငယ်ဟာ ဗီတာမင်မျိုးစုံ၊ သတ္တုဓာတ်များ၊ အမျှင်ဓာတ် နဲ့ ကျန်းမာရေးကို ကောင်းမွန်စေမယ့် အပင်အခြေပြု အာဟာရဓာတ်များကိုလည်း ရရှိနိုင်မှာဖြစ်ပါတယ်။ အမျိုးအစားနဲ့ အရောင်မတူတဲ့ သီးနှံတွေမှာ ကွဲပြားတဲ့ အာဟာရတန်ဖိုးတွေ ပါဝင်နေတာကြောင့် ကလေးလေးကို အရောင်စုံအောင် ကျွေးပေးဖို့တော့ လိုအပ်ပါလိမ့်မယ်။ ငှက်ပျောသီး၊ ပန်းသီး၊ မက်မွန်သီး၊ ထောပတ်သီး၊ ဘရိုကိုလီ၊ ဥနီ စတာတွေက ကလေးငယ်အတွက် သင့်တော်တဲ့ သီးနှံ၊ ဟင်းသီးဟင်းရွက်များပဲဖြစ်ပါတယ်။
နို့ နဲ့ နို့ထွက်ပစ္စည်းများ
ကလေးရဲ့ အရိုးနဲ့ သွားတွေ ကြံ့ခိုင်သန်မာဖို့ မိခင်နို့အပြင် နွားနို့ နဲ့နို့ထွက် ပစ္စည်းတွေကို ဒီအရွယ်မှာ စတင်တိုက်ကျွေးသင့်ပါပြီ။ နို့မှာ ကယ်လ်ဆီယမ် နဲ့ ဗီတာမင် D ပါဝင်တာကြောင့် အရိုးတွေအတွက် ကောင်းမွန်သလို အထက်မှာဖော်ပြခဲ့ပြီးတဲ့ အတိုင်း ဦးနှောက်နဲ့ ခန္ဓာကိုယ် ဖွံ့ဖြိုးဖို့လိုအပ်တဲ့ အဆီဓာတ်လည်း ပါဝင်ပါတယ်။ ဒါ့အပြင် ပရိုတိန်း၊ အိုင်အိုဒင်း၊ Riboflavin ၊ ဗီတာမင် B12 စတဲ့ ဗီတာမင် နဲ့ အာဟာရဓာတ်တွေလည်း နို့မှာပါဝင်ပါတယ်။ အသီးတစ်မျိုးမျိုးနဲ့ ဒိန်ချဉ်ကို ရောနှောကြိတ်ချေပြီး အချိုအနေနဲ့ ကျွေးပေးနိုင်ပါတယ်။
ပရိုတိန်း
ပရိုတိန်းက ကလေးငယ်ရဲ့ တစ်သျှူးနဲ့ ကြွက်သားတွေ တည်ဆောက်ဖို့၊ ပျက်စီးသွားတဲ့ တစ်သျှူးတွေကို ပြန်လည်ပြုပြင်ဖို့ လိုအပ်တဲ့ ဓာတုပစ္စည်းတစ်မျိုးပါ။ ကြွက်သားနဲ့ ကိုယ်တွင်းအင်္ဂါအများစုကို ပရိုတိန်းနဲ့ တည်ဆောက်ထားပါတယ်။ ကလေးရဲ့ ခန္ဓာကိုယ်ကြီးထွားဖွံ့ဖြိုးဖို့ အဓိက လိုအပ်တဲ့ ပရိုတိန်းကို ကုလားပဲ၊ ပဲနီကလေးနဲ့ ပဲအမျိုးမျိုး၊ အသား၊ ကြက်ဥ၊ တိုဖူး၊ ငါး စတဲ့ အစားအစာများကျွေးပေးခြင်းဖြင့် ဖြည့်တင်းပေးနိုင်ပါတယ်။ ပရိုတိန်းပါတဲ့ အစားအစာအုပ်စုကို ကစီဓာတ်ပါတဲ့ အစားအစာများ၊ ဟင်းသီးဟင်းရွက်များနဲ့ ရောနှောပြီး ကျွေးပေးနိုင်ပါတယ်။
ရေဓာတ်
ရေဓာတ်အပြည့်အဝ ရရှိဖို့ကလည်း ကလေးငယ်အတွက် အရေးကြီးပါတယ်။ အသက် ၁ နှစ် မှ ၂ နှစ်အရွယ်ကလေးငယ် တစ်ဦးဟာ တစ်ရက်ကို အရည် ၁.၃ လီတာ လိုအပ်ပါတယ်။ အဆိုပါ ၁.၃ လီတာဆိုတဲ့ ပမာဏထဲမှာ ကလေးကို တိုက်ကျွေးလိုက်တဲ့ မိခင်နို့၊ နွားနို့၊ ရေ၊ သစ်သီးဖျော်ရည်၊ ဟင်းရည် စတာတွေ အားလုံးပါဝင်ပါတယ်။ နွားနို့ဆိုရင်တစ်ရက်ကို ၂၄ အောင်စ ထပ် မပိုသင့်သလို သစ်သီးဖျော်ရည်ဆိုရင် ၁၂ အောင်စလောက်ပဲ တိုက်သင့်ပါတယ်။ လိုအပ်တဲ့ ကျန်ပမာဏကို ကျိုချက်ထားတဲ့ ရေ တိုက်ပေးရမှာပါ။ သင့်ရဲ့ ကလေး ရေဓာတ်ကောင်းကောင်း ရမရကို သူ့ရဲ့ ဆီးအရောင်ကိုကြည့်ပြီး ဆုံးဖြတ်သင့်ပါတယ်။ ဆီးအရောင်က ဖျော့နေရင် ကလေးမှာ ရေဓာတ်ပြည့်ဝနေတယ်လို့ ယူဆလို့ရ
ပါတယ်။ ဆော့တဲ့ကလေး၊ တက်ကြွလှုပ်ရှားတဲ့ ကလေးတွေမှာ ရေဓာတ်ပိုလိုအပ်ပြီး ပူတဲ့ရာသီ၊ ဖျားနာတဲ့ အချိန်တွေမှာလည်း ၁.၃ လီတာထက်ပိုတဲ့ အရည်ပမာဏကို လိုအပ်ပါတယ်။
Ref ; bellamysorganic.com.au/recommended daily intake for toddlers aged 1-2 years