ခန္ဓာကိုယ်အချိုးအစားကျ၍ အ၀မလွန်အောင် ဘယ်လိုနေထိုင်ကြမလဲ

ခန္ဓာကိုယ် အချိုးအစားကျနခြင်းဆိုတာ ကျန်းမာရေးအတွက် အထောက်အကူပြုတဲ့ အချက်တစ်ခုဖြစ်ပါတယ်။ ဒီလိုအရေးကြီးတဲ့ အချက်အလက်ဆွေးနွေးခြင်းကို Your Slimming Guide မှ ကြီးမှူးပြီး G Trim (The Natural Fat Burner) ရဲ့ “ခန္ဓာကိုယ်အချိုးအစားကျ၍ အ၀မလွန်အောင် နေထိုင်ခြင်း” ခေါင်းစဉ်ဖြင့် ဟောပြောပွဲမှ အာဟာရပညာရှင် ဆရာကြီးဒေါက်တာ ဦးလှကြည်၊ ဒုတိယ ညွှန်ကြားရေးမှူး(ငြိမ်း)၊ အာဟာရကျန်းမာရေး ဦးစီးဌာန၏ ခန္ဓာကိုယ်အချိုးအစားကျ၍ အ၀မလွန်အောင် နေထိုင်ခြင်းဆိုင်ရာ ဆွေးနွေးအကြံပေး ချက်များကို ဒီလအတွက်ဖော်ပြပေးလိုက်ပါတယ်။

အ၀လွန်ခြင်း

ခန္ဓာကိုယ် အချိုးအစားကျခြင်းသည်လည်း ကျန်းမာခြင်းအတွက် အထောက်အကူပြုနိုင်တဲ့ အချက်ဖြစ်ပါတယ်။ အ၀မလွန် အောင် နေထိုင်ခြင်းဆိုတဲ့အခါမှာ မ၀ခင်အကြောင်းကို ဆွေးနွေးလိုတာဖြစ်ပါတယ်။ ခန္ဓာကိုယ်က အ၀လွန်သွားပြီး နောက်မှ ပြန်ချဖို့ ခက်သလို ကျပြီးသား ခန္ဓာကိုယ်အလေးချိန်ကို ဆက်လက်ထိန်းသိမ်းထားဖို့ ပိုခက်ခဲပါတယ်။ ဒါကြောင့် အ၀မလွန်ခင် အ၀မလွန် အောင် နေထိုင်စားသောက်နည်းအကြောင်း ဆွေးနွေးသွားမှာ ဖြစ်ပါတယ်။ လူတစ်ယောက်ဝခြင်း မ၀ခြင်းကို မျက်စိနဲ့ဆုံးဖြတ် နိုင်တယ်၊ ကိုယ်လေးချိန် အရပ်အမောင်းနဲ့ ဆုံးဖြတ်နိုင်တယ်လို့ အများစုနားလည်ထားကြပါတယ်။ သို့သော် ကိုယ်အလေးချိန်နဲ့ အရပ်အမောင်းတူတိုင်း အ၀လွန်တယ်လို့လည်း ဆုံးဖြတ်လို့မရနိုင်ပါဘူး။ တချို့ကိုယ်အလေးချိန်များရခြင်းက ခန္ဓာကိုယ်ရဲ့ကြွက် သားတွေကြောင့်ဖြစ်ပြီး အ၀လွန်ခြင်းကို တိတိကျကျပြောရရင်တော့ ခန္ဓာကိုယ်မှာ အဆီပိုတွေ စုနေခြင်းလို့ပြော၍ ရနိုင်ပါတယ်။

ကယ်လိုရီ

သာမန်အားဖြင့် အမျိုးသားများထက် အမျိုးသမီးများရဲ့ ခန္ဓာကိုယ်က အဆီပိုများနေလေ့ရှိပါတယ်။ အမျိုးသမီးတစ်ယောက် ရဲ့ သာမန်ခန္ဓာကိုယ်အလေးချိန်မှာ ၁၈% ကနေ ၃၀% က အဆီပြင်တွေဖြစ်ပြီး အမျိုးသားများမှာတော့ အဆီ ၁၀% ကနေ ၁၈% ခန့်လောက်ပဲ ရှိပါတယ်။

လူတစ်ယောက် ၀ခြင်းပိန်ခြင်းသည် ကယ်လိုရီပမာဏ ဘယ်လောက်စားသုံးလိုက်သလဲဆိုတဲ့ပေါ်မှာ မူတည်ပါတယ်။ ကယ်လိုရီက တစ်နည်းအားဖြင့် အင်အားဖြစ်ပါတယ်။ လူတစ်ယောက်ချင်းစီရဲ့ တစ်နေ့တာအတွက် လိုအပ်သော ကယ်လိုရီပမာဏ ခြင်း မတူညီကြပါဘူး။ ယောက်ျား၊ မိန်းမ၊ လှုပ်ရှားသွားလာမှုအပေ မူတည်ပြီး လိုအပ်တဲ့ ကယ်လိုရီပမာဏကွဲပြားမှု ရှိပါတယ်။ ကယ်လိုရီပမာဏများများသုံးနိုင်လျှင် ကိုယ်အလေးချိန်လျော့ပြီး လျှော့စားရင်လည်း လျော့နိုင်ပါတယ်။ ကယ်လိုရီတွေ ပိုလာရင် တော့ ၀လာပါပြီ။ ကယ်လိုရီပိုလာရခြင်းမှာ စားတာများခြင်းနှင့်၊ သုံးတာနည်းခြင်းဆိုတဲ့ အကြောင်းရင်းနှစ်မျိုးရှိပါတယ်။ စားတာများ တယ်ဆိုတယ်က ကိုယ့်ရဲ့ခန္ဓာကိုယ်ကလိုအပ်တဲ့ ပမာဏထက် ကယ်လိုရီကို ပိုစားတာဖြစ်ပြီး သုံးတာနည်းတယ်ဆိုတာက စားလိုက် တဲ့ကယ်လိုရီတွေကို လောင်ကျွမ်းသွားစေဖို့ လုံလောက်တဲ့ လှုပ်ရှားမှုမရှိတာ ဖြစ်ပါတယ်။ စားသုံးလိုက်တဲ့ ကယ်လိုရီတွေက အသုံး ချခြင်းမပြုရင် ခန္ဓာကိုယ်ထဲမှာ အဆီအနေနဲ့ စုနေမှာ ဖြစ်ပါတယ်။

ကယ်လိုရီအသုံးပြုမှု

ခန္ဓာကိုယ်က ကယ်လိုရီကို ပုံစံအမျိုးမျိုးနဲ့ အသုံးပြုပါတယ်။ နားနေတဲ့အချိန်အတွင်း ကယ်လိုရီအသုံးပြုမှုပမာဏဟာ စုစု ပေါင်းအသုံးပြုမှုရဲ့ ၇၀% ရှိပြီး အများဆုံးဖြစ်ပါတယ်။ ခန္ဓာကိုယ်ကနားနေသော်လည်း ဦးနှောက်နဲ့ ကိုယ်တွင်းအင်္ဂါများဖြစ်တဲ့ အသည်း၊ အဆုတ်၊ ကျောက်ကပ်၊ အစာအိမ်စတဲ့အရာတွေက သူတို့ရဲ့ လုပ်ငန်းအသီးသီးကို အင်အားအသုံးပြုပြီး အလုပ်လုပ်ရတာ ဖြစ်တယ်။ ကိုယ်လက်လှုပ်ရှားမှုက ၁၅% အသုံးပြုပါတယ်။ ဘယ်လိုအမျိုးအစားကို လုပ်သလဲဆိုတာနဲ့ အချိန်ဘယ်လောက်ကြာ ကြာလုပ်သလဲဆိုတဲ့အပေါ်မှာမူတည်ပြီး စွမ်းအင်အသုံးပြုတာဖြစ်ပါတယ်။

ယောက်ျားမှာ ကြွက်သားများပြီး မိန်းမမှာ အဆီများပါတယ်။ ကြွက်သားတွေ အသုံးပြုတဲ့ ကယ်လိုရီလောင်ကျွမ်းမှုက အဆီ က အသုံးပြုတဲ့ကယ်လိုရီ လောင်ကျွမ်းမှုထက်များတာကြောင့် ယောကျာ်းတွေရဲ့ ကယ်လိုရီဖြုန်းနိုင်အားက ပိုများပါတယ်။ ဒါ့အပြင် လူတစ်ယောက်နေ့စဉ် အသုံးပြုတဲ့ ကယ်လိုရီပမာဏတွေက ကိုယ်အလေးချိန်နဲ့ လှုပ်ရှားမှုအပေါ်လိုက်ပြီး ကွဲပြားခြားနားပါတယ်။ သာမန်အရပ်အမောင်းနဲ့ ခန္ဓာကိုယ်ရှိတဲ့ မြန်မာအမျိုးသမီးတစ်ယောက် နေ့စဉ်လိုအပ်တဲ့ ကယ်လိုရီပမာဏကတော့ ၂၀၀၀ ကယ် လိုရီကနေ ၂၄၀၀ ခန့်လို့ အကြမ်းဖျင်း ဆိုနိုင်ပါတယ်။

ကိုယ်လက်လှုပ်ရှားမှု

နေ့စဉ် ကြိုးခုန်၊ လမ်းလျှောက်စတဲ့ အားကစား မိနစ်ခြောက်ဆယ်၊ တစ်နာရီခန့်ပြုလုပ်ပေးခြင်းက ကယ်လိုရီပမာဏ ၅၀၀ကို လောင်ကျွမ်းစေနိုင်ပါတယ်။ တစ်ပတ်လျှင် ၃၅၀၀ ကယ်လိုရီလောင်ကျွမ်းတာက ကိုယ်အလေးချိန်တစ်ပေါင်ကျတာနဲ့ အတူ တူပါပဲ။ ကိုယ်အလေးချိန်ကျဖို့ တစ်ချို့က အစားလျှော့စားတဲ့နည်းလမ်းကို ရွေးချယ်လိုကြပြီး တစ်ချို့က အစားလျှော့စားခြင်းနှင့် တကွ ကိုယ်လက်လေ့ကျင့်ခန်းပါလုပ်တဲ့ နည်းလမ်းကို ရွေးချယ်ကြပါတယ်။ ကိုယ်လက်လှုပ်ရှားမှုလုပ်ခြင်းက ဖြည်းဖြည်းနဲ့မှန်မှန် ကိုယ်အလေးချိန်ကိုကျစေပြီး ကျသွားတဲ့ အလေးချိန်ကိုဆက်ပြီး ထိန်းထားနိုင်ဖို့ အထောက်အကူ ဖြစ်စေပါတယ်။ အမြန်ကျတဲ့ နည်းလမ်းတွေဖြစ်တဲ့ လေ့ကျင့်ခန်းကို အပြင်းအထန်လုပ်၊ ပိန်ဆေးသုံးစွဲတာက ခနတော့ အကျိုးသက်ရောက်မှုရှိပေမဲ့ အစားပြန်စား၊ လေ့ကျင့်ခန်းလုပ်တာ နားလိုက်တဲ့အချိန်မှာ ပြန်ဝလာပါတယ်။ အပြင်းအထန် ကိုယ်အလေးချိန်ကို လျှော့ချစဉ်မှာ ခန္ဓာကိုယ်က အဆီနဲ့အတူတူ ပရိုတင်းဓာတ်တွေပါ ပါသွားပြီး ပြန်ဝလာတဲ့အခါ အဆီတွေ သက်သက်ဖြစ်နေလို့ ပိုဆိုးစေပါတယ်။ ဒါကြောင့် ၀လာ လိုက် ပြန်လျှော့လိုက်လုပ်မယ့်အစား အ၀မလွန်အောင်သတိနဲ့ နေထိုင်စားသောက်ပါ။ ၀ပြီးသွားလို့ လျှော့ချမယ်ဆိုရင်လည်း အစား အသောက်လျှော့တာနဲ့အတူ ကိုယ်လက်လေ့ကျင့်ခန်းလုပ်ပြီး ဖြည်းဖြည်းမှန်မှန်လျှော့တဲ့နည်းလမ်းကို အသုံးပြုပါ။ ဒါက ကျသွားတဲ့ ကိုယ်အလေးချိန်ကို ပြန်တက်မလာအောင် ထိန်းပေးနိုင်ပါတယ်။ လေ့ကျင့်ခန်းလုပ်တာကသိသာတဲ့ ကိုယ်အလေးချိန်ကျဆင်းမှုမရှိ ရင်တောင် အဆုတ်နဲ့နှလုံး ကျန်းမာရေးအတွက်ကောင်းပြီး ကြွက်သားတွေသန်မာစေလို့ ခန္ဓာကိုယ်ကြံ့ခိုင်ရေးအတွက် အကျိုးကျေး ဇူးရှိပါတယ်။ ကိုယ်လက်လေ့ကျင့်ခန်းလုပ်ပေးခြင်းက သွေးတိုးရောဂါအတွက် သွေးဖိအားကျစေပြီး ဆီးချိုရောဂါသည်တွေအတွက် ဆီးချိုထိန်းသိမ်းမှုကို ကောင်းစေပါတယ်။ နာတာရှည်ရောဂါတွေကိုလည်း ကာကွယ်ပေးနိုင်ပါတယ်။

ကျန်းမာအောင် နေထိုင်စားသောက်ခြင်း

ကျန်းမာအောင် နေထိုင်စားသောက်နည်းကတော့ အစာအုပ်စုသုံးခုကို ညီညွှတ်မျှတအောင်စားပေးခြင်းဖြစ်ပါတယ်။ ထမင်း၊ ဂျုံကဲ့သို့သော ကာဗိုဟိုက်ဒြိတ်အစာအုပ်စုကို ပင်မအစားအစာအဖြစ်စား၊ ရောဂါကာကွယ်ပေးတဲ့ အစာအုပ်စုဖြစ်တဲ့ အသီးအရွက် များကို ဒုတိယများများစားပေးပြီး ပရိုတင်းရနိုင်တဲ့ အသားငါးနှင့် နို့ထွက်ပစ္စည်းများကိုတော့ တတိယ ဦးစားပေးစားသုံးပေးပါ။ ဆီနဲ့ သကြားကိုတော့ လုံးဝရှောင်ကြဉ်ရမှာမဟုတ်ဘဲ လျှော့စားပေးရမှာဖြစ်ပါတယ်။ မြန်မာလူမျိုးတွေ စားသုံးလေ့ရှိတဲ့ ပုံစံဖြစ်ပါတယ်။ မမေ့မလျော့ ထည့်သွင်းရမယ့်အရာကတော့ ရေဖြစ်ပါတယ်။ ခန္ဓာကိုယ်က တစ်ရှူးတိုင်းရဲ့ ဖွဲ့စည်းမှုတိုင်းအတွက် ရေလိုအပ်ပါ တယ်။ ရေအပါအ၀င် အရည်တစ်မျိုးကိုတစ်ရက်လျှင် ၂.၄ လီတာ (ရေသန့် နှစ်ပင်လင်းခွဲခန့်) အနည်းဆုံးသောက်ပေးရမှာ ဖြစ်ပါ တယ်။ ရေတစ်မျိုးတည်းသာမက အသီးဖျော်ရည်မျိုးလို၊ ထမင်းစားတဲ့အခါ ဟင်းချိုရည်မျိုးလိုရေဓာတ်ပါဝင်တဲ့ အရာတွေကို ဖြည့် စွက်သောက်သုံးပေးရမှာဖြစ်ပါတယ်။

ဝပုံအမျိုးမျိုးရှိတဲ့အနက် ဗိုက်မှာအဆီတွေ စုပြီးဝတာဟာ ပိုပြီးအန္တရာယ်ကြီးပါတယ်။ သစ်တော်သီးပုံသဏ္ဍန် (တစ်ကိုယ်လုံး မျှမျှတတ) ၀ဖြိုးခြင်းက နှလုံးသွေးကြောကျဉ်းတဲ့ ပြဿနာအဖြစ်နည်းပါတယ်။ ပန်းသီးပုံသဏ္ဍန် ဗိုက်မှာဝဖြိုးခြင်းကတော့ အန္တရာယ် များပြီး နှလုံးသွေးကြောနဲ့ ပက်သက်သောရောဂါများ ဖြစ်နိုင်ချေပိုများပါတယ်။ ဒါကြောင့် ၀မ်းဗိုက်ပိုင်း အ၀မလွန်အောင်သာ သတိ ထားရမှာ ဖြစ်ပါတယ်။ မြန်မာလူမျိုးပီပီ မြန်မာလိုစားသောက်ပြီး ရေအလုံအလောက် သောက်ပေးကာ နေ့စဉ်ပုံမှန် ကိုယ်လက်လှုပ် ရှားမှုတစ်မျိုးမျိုး မဖြစ်မနေပြုလုပ်ပေးခြင်းဟာ အ၀မလွန်အောင် နေထိုင်စားသောက်နည်းလို့ ဆိုနိုင်ပါတယ်။