ကျန်းမာလှပဖို့ ချောကလက်ကို စားကြစို့

ချောကလက်ကို ဘီစီ (၁၁၀၀)လောက်ကတည်းက တွေ့ရှိခဲ့ပြီး အစောပိုင်းကာလတွေက ကိုကိုးပင်တွေရဲ့ အစေ့ကိုထုတ်ယူပြီး Bitter Water (ဖန်ခါးရေ) အနေနှင့် သောက်သုံးခဲ့ကြ တယ်။ နောက်ပိုင်းမှာ အစေ့ကို အချဉ်ဖောက်ခြင်းအားဖြင့် အခါးအရသာကို လျော့ ချနိုင်ခဲ့ပါတယ်။ ယနေ့ခေတ်မှာတော့ အစေ့ကိုအခြောက်လှန်း၊ သန့်စင်၊ မီးဖုတ်၊ အပြင်လွှာကိုဖယ်၊ အမှုန့်ကြိတ်ပြီး သန့်စင်သော ချောကလက်အမှုန့်ကြမ်းကို ထုတ်ယူနိုင်ပါပြီ။ ပထမဆုံးသော ချောကလက်ဆိုင်ကို (၁၉၅၇)ခုနှစ်က လန်ဒန်မြို့တွင် ဖွင့်လှစ်ခဲ့ပြီး ပထမဆုံးသော ချောကလက်အခဲကို (၁၈)ရာစုနောက် ပိုင်းမှာ အီတလီမြို့တွင် ထုတ်လုပ်နိုင်ခဲ့ပါတယ်။

ချောကလက်စားသုံးခြင်းမှ ရရှိနိုင်သော အကျိုးကျေးဇူးများကတော့ အံဖွယ်တွေပါပဲ။

၁။ ချောကလက်ဟာသင့်ကိုပိုပြီး ဥာဏ်ရည် ဥာဏ်သွေးထက်မြက်စေပါတယ်။ ချောကလက်ဟာ သင့်ဦးနှောက်ကိုပိုပြီး နိုးကြားသွက်လက်စေပါတယ်။ ကမ္ဘာပေါ်မှာ ချောကလက်စားသုံးမှု အမြင့် ဆုံးနိုင်ငံဖြစ်သည့် ဆွစ်ဇာလန်နိုင်ငံဟာ နိုဘယ်ဆုရှင်အများဆုံး ပေါ် ထွက်ရာ နိုင်ငံပဲဖြစ်ပါတယ်။

၂။ ချောကလက်ဟာ သင့်ကိုပိုပြီး လှပလာစေပါမယ်။ ကိုကိုးအမှုန့်ကြမ်းကို အလှအပရေးရာ ထိန်းသိမ်းရေးမှာ အဓိကပါဝင် ပစ္စည်းအနေဖြင့်အသုံးပြုနေကြပါပြီ။ အဓိကကတော့ ကိုကိုးအမှုန့်မှာ Anti-Oxidant (ဓာတ်တိုးဆန့်ကျင်ပစ္စည်း)တွေ ပေါများစွာ ပါဝင် သောကြောင့် နေလောင်ခြင်း၊ လေထုညစ်ညမ်းခြင်း၊ စီးကရက်နှင့် အရက်သောက်ခြင်းကြောင့် ဖြစ်ပေါ်သော အသားအရည် ညစ်နွမ်းခြင်း၊ တင်းတိပ်၊ မှဲ့ခြောက်နှင့် အသက်အရွယ်ကြောင့် ဖြစ်ပေါ်လာသော အရေးအကြောင်းတွေကို သိသာထင်ရှားစွာ ပျောက်ကင်းစေနိုင်ပါ တယ်။

၃။ ချောကလက်ဟာ သင့်ကိုပိုပြီး သွယ်လျလှပလာစေပါမယ်။ ချောကလက်ဟာ ခန္ဓာကိုယ်ရဲ့ ဇီဝဖြစ်စဉ်ကို ပိုမိုမြန်ဆန်စေခြင်း ဖြင့် ပိုလျှံနေသော ကယ်လိုရီတွေကို လောင်ကျွမ်းစေ ပါတယ်။ ချောကလက် မကြာခဏစားသုံးတဲ့ သူတွေဟာ မစားသုံးသောသူတွေထက် ခန္ဓာကိုယ်အလေးချိန် လျော့နည်းတာကို တွေ့ရပါတယ်။ သတိထားရမယ့် အချက်ကတော့ မိမိစားသုံးမယ့် ချော ကလက်ဟာ အဆီ နှင့် သကြားများစွာ မပါဝင်ဖို့ပဲ ဖြစ်ပါတယ်။

၎။ ချောကလက်ဟာ စိတ်ဓာတ်ကျခြင်းကို သက်သာစေပါတယ်။ ချောကလက်မှာ Mood-Boosting Chemical (စိတ်ဓာတ်မြှင့် တင်ပေးသော ဓာတုပစ္စည်း) လို့ခေါ်တဲ့ Phenylethylamine(PEA) ပါဝင်ပါတယ်။ လူတစ်ယောက်ဟာ ချစ်ခြင်းကိုခံစားမိပြီဆိုလျှင် (PEA) ဟာ ဦးနှောက်ကနေ ထွက်လာပါတယ်။ ထိုမှတစ်ဆင့် ထွက်ရှိလာသည့် ဟော်မုန်းတွေဟာ ပျော်ရွှင်ကြည်နူးခြင်းဆိုတဲ့ ခံစား ချက်ကို ဖြစ် ပေါ်စေပါတယ်။ ဒါကြောင့် စိတ်ဓာတ်ကျနေသော လူတစ်ယောက်ဟာ ချောကလက်များများစားသုံးသင့်ပါတယ်။

၅။ လူကြီးတွေအနေဖြင့်လည်း အခုချိန်ကစပြီး ချောကလက်ပူပူလေးတစ်ခွက်ကို ပုံမှန်သောက်သုံးခြင်းအားဖြင့် Dementia (သတိမေ့ရောဂါ)၊ နှလုံးရောဂါနှင့် သွေးတိုးရောဂါတို့ မဖြစ်အောင် ကာ ကွယ်နိုင်တော့မည် ဖြစ်ပါတယ်။

Ref: Chocolate : The Latest Super Food By Simon Edge