အစိမ်းစားရမယ့် အစားအစာ

    ကျန်းမာရေးနဲ့ ညီညွတ်တဲ့အစားအစာတိုင်းမှာ ပါဝင်ဖွဲ့စည်းထားတဲ့ အာဟာရဓာတ်တွေ အာနိသင်တွေ ကိုယ်စီကိုယ်စီ ရှိကြပါတယ်။ အချို့ အစားအစာတွေက ချက်၊ ပြုတ်၊ ကြော်၊ လှော်၊ မီးဖုတ်လိုက်မှ သူတို့မှာပါဝင်တဲ့ အာဟာရတန်ဖိုးတွေ တိုးလာသလို  စားသုံးပြီးတဲ့ အခါမှာလည်း အဆိုပါ အာဟာရဓာတ်တွေကို ခန္ဓာကိုယ်က စုပ်ယူနိုင်ဖို့ ပိုမိုလွယ်ကူသွားစေပါတယ်။ တစ်ချို့အစားအစာများကတော့ ဆန့်ကျင်ဘက်ပါ။ အပူနဲ့ထိတွေ့လိုက်တာကြောင့် ပါဝင်တဲ့ အာနိသင်တွေ ပျက်ပြယ်သွားတာရှိသလို စားသုံးတဲ့အခါ ပါဝင်တဲ့ အာဟာရဓာတ်တွေကို ခန္ဓာကိုယ်က အလွယ်တကူ စုပ်ယူအသုံးပြုလို့ မရတော့တဲ့ အစားအစာများလည်း ရှိပါတယ်။ ဒါကြောင့် အစိမ်းစားမှ အာနိသင်ထက် မြက်ပြီးပါဝင်တဲ့ သတ္တုဓာတ်တွေ၊ ဗီတာမင်တွေနဲ့ အခြားအာဟာရများကို အပြည့်အ၀ရနိုင်မယ့် အစားအစာများကို တင်ဆက်ပေးလိုက်ပါတယ်။

ဘရိုကိုလီ
    ပန်းဂေါ်ဖီမျိုးနွယ်ဝင် အစိမ်းရောင် ဘရိုကိုလီက လက်ရှိအချိန်မှာ အိမ်ရှင်မများရဲ့ နံပါတ်(၁) အကြိုက် ဖြစ်လို့နေပါတယ်။ ဘရိုကိုလီမှာ ဗီတာမင် C ၊ Calcium ၊ Potassium နဲ့ ပရိုတိန်းတွေအပြင် ကင်ဆာဖြစ်စေနိုင်တဲ့ ဆဲလ်တွေကို တိုက်ဖျက်ပေးနိုင်တဲ့ Sulforaphane ဓာတ်ပေါင်းပါပါဝင်ပါတယ်။ အဆိုပါ Sulforaphane ဓာတ်ပေါင်းက ကင်ဆာဆဲလ်တွေကို တိုက်ဖျက်ပေးနိုင်ရုံမက သွေးဖိအားကို လျော့ကျစေနိုင်သလို နှလုံးရဲ့ ကျန်းမာရေးကိုလည်း တိုးတက်ကောင်းမွန်စေနိုင်တယ်လို့ ပညာရှင်တွေဆိုထားပါတယ်။ ဒါ့အပြင် ဘရိုကိုလီမှာ ပါဝင်တဲ့ Antioxidant မျိုးစုံက အိုမင်းရင့်ရော်ခြင်းကို ကာကွယ်ပေးနိုင်ပြီး သင့်ရဲ့ကိုယ်ခံစွမ်းအား ကိုပါ မြှင့်တင်ပေးနိုင်စွမ်းရှိပါတယ်။ Journal of Agricultural and Food Chemistry ရဲ့ အဆိုအရ ဘရိုကိုလီကို ချက်ပြုတ်ပြီးမှ စားခြင်းထက် အစိမ်းစားခြင်းက Sulforaphane ပမာဏများများရရှိစေပြီး ခန္ဓာကိုယ်က စုပ်ယူနိုင်မှုနှုန်းလည်း ပိုမိုမြန်ဆန်တယ်လို့ သိရပါတယ်။ ဒါကြောင့် ဘရိုကိုလီကို ကြော်ချက်ပြီး စားမယ့်အစား အသုပ်ပုံစံပြောင်းလဲပြီး စားသုံးကြည့်ပါလို့ အကြံပြုလိုပါတယ်။

ကြက်သွန်နီ
    အခွံခွာနေစဉ် လှီးနေစဉ် သင့်ကို မျက်ရည်တောက်တောက်ကျစေတဲ့ ကြက်သွန်နီဥထဲမှာပါဝင်တဲ့ ဓာတ်ပစ္စည်းတစ်မျုိုးက သင့်ရဲ့ ကျန်းမာရေးကို အထောက်အကူပြုနိုင်တဲ့အရာ ဖြစ်နေတယ်ဆိုရင် သင်အံ့သြသွားနိုင်ပါတယ်။ အပင်များမှာ သဘာဝအလျောက်တွေ့ရှိရတဲ့ ဓာတုဓာတ်ပေါင်းတစ်မျိုးတဲ့ Allicin က ကြက်သွန်ရဲ့အဓိက ပါဝင်ပစ္စည်းဖြစ်ပြီး အလွန်အကျွံ အစားစားလိုစိတ်ကို တားဆီးပေးနိုင်တဲ့ အာနိသင်ရှိပါတယ်။ ဒါ့အပြင် ကင်ဆာရောဂါများကို တားဆီးပေးနိုင်ပြီး နှလုံးသွေးကြောများကို ကျန်းမာစေပြီး သွေးဖိအားမြင့်တက်ခြင်းကို လျှော့ချပေးနိုင်စွမ်းလည်း ရှိတယ်လို့ သိရပါတယ်။ ကြက်သွန်နီမှာ ဖြစ်စေ၊
ကြက်သွန်ဖြူမှာဖြစ်စေ Anti-fungal ၊ Anti-inflammatory ၊ Anti-bacterial စတဲ့ ဂုဏ်သတ္တိများပါဝင်ပြီး အစိမ်းအတိုင်းစားပေးခြင်းက သူ့ရဲ့အာနိသင်ကို အပြည့်အ၀ ရရှိစေနိုင်မယ့် နည်းလမ်း ဖြစ်ပါတယ်။

ကြက်သွန်ဖြူ
    ကြက်သွန်ဖြူက ဟင်းချက်တိုင်းမပါမဖြစ် အသုံးပြုလေ့ရှိတဲ့ ဟင်းခတ်အမွှေးအကြိုင်တစ်မျိုး ဖြစ်ပါတယ်။ ဒါကြောင့် သင်စားသုံးလိုက်တဲ့ ကြက်သွန်ဖြူတိုင်းဟာ ချက်ပြီး၊ ပြုတ်ပြီး၊ကြော်ပြီးသား ကြက်သွန်ဖြူများ သာ ဖြစ်နေပါလိမ့်မယ်။ ကြက်သွန်ဖြူမှာလည်း ကြက်သွန်နီကဲ့သို့ Allincin ဓာတ်ပေါင်းပါဝင်ပါတယ်။ လေ့လာမှုတွေအရ ကြက်သွန်ဖြူကို မကြာမကြာ အစိမ်းစားပေးခြင်းက အဆုတ် ကင်ဆာ ဖြစ်ပွားနိုင်ချေကို လျော့ချပေးနိုင်ကြောင်း တွေ့ရှိခဲ့ရပါတယ်။ ချက်ပြုတ်ပြီးသား ကြက်သွန်ဖြူမှာလည်း အဖိုးတန်အာနိသင်တွေ ကျန်ရှိနေသေးတယ်လို့ ဆိုနိုင်သော်လည်း အစိမ်းအတိုင်းစားပေးခြင်းက အကောင်းဆုံးပါလို့ ပညာရှင်တွေ အကြံပြုထားပါတယ်။

ငရုတ်ပွသီး
    ဗီတာမင် C လို့ ဆိုလိုက်တာနဲ့ တပြိုင်နက် သင့်မျက်စိထဲမှာ လိမ္မော်သီး၊ သံပုရာသီး၊ ရှောက်သီးများကိုပဲ ပြေးမြင်မိမှာပါ။ အနီရောင်ငရုတ်ပွသီးတစ်လုံးမှာ တစ်နေ့တာအတွက် လိုအပ်တဲ့ ဗီတာမင် C ပမာဏရဲ့ သုံးဆပါဝင်ပါတယ်။ ဒါ့အပြင်ငရုတ်ပွသီးကို စွမ်းအားမြင့် Antioxidant တွေ ပါဝင်တဲ့အသီးအဖြစ် သတ်မှတ်ထားပြီး vitamin B6 ၊ vitamin E နဲ့ magnesium တွေ ပါဝင်ဖွဲ့စည်းထားပါတယ်။ ဒါပေမဲ့ အပူချိန် ၃၇၅ ဒီဂရီ ဖာရင်ဟိုက်နဲ့အထက် ချက်ပြုတ်လိုက်ပြီဆိုရင်ဖြင့် ငရုတ်ပွသီးမှာပါဝင်တဲ့ အဖိုးတန်ဗီတာမင် C တွေ အာနိသင်ပြယ်ကုန်ပါပြီ။ အစိမ်းအတိုင်း စားပေးတာက ပါဝင်တဲ့အာဟာရတန်ဖိုးကို အပြည့်အ၀ ရရှိစေနိုင်တဲ့ အကောင်းဆုံးနည်းလမ်းဖြစ်ပြီး အစိမ်းအတိုင်း မကြိုက်ဘူးဆိုရင်တော့ ရေနွေးလေးဖျောပြီး စားလို့ရပါတယ်။ အပူချိန်သိပ်မပြင်း၊ အချိန်အရမ်း မကြာသွားအောင်တော့ ဂရုစိုက်ရမှာပါ။

အစေ့အဆံ
    အခွံမာသီးကရတဲ့ အစေ့အဆံများဟာ အခြားအစားအစာများနဲ့ နှိုင်းယှဉ်လျှင် ကယ်လိုရီများတယ်လို့ ဆိုနိုင်ပါတယ်။ ဒါပေမဲ့ ဒီအစေ့အဆန်များမှာ ပါဝင်တဲ့အဆီက ကျန်းမာရေးနဲ့ သင့်တော်ပြီး ခန္ဓာကိုယ်အတွက်လည်း လိုအပ်ပါတယ်။  Essential Fatty Acid က ခန္ဓာကိုယ်ထဲက မလိုအပ်တဲ့ ကိုလက်စထရောတွေကို လျော့ကျစေပြီး သွေးကြောတွေအတွင်း အဆီပိတ်ခြင်းကို တားဆီးပေးနိုင်ပါတယ်။ ဗာဒံစေ့၊ သီဟိုဠ်စေ့၊ သစ်ကြားစေ့ အစရှိတဲ့ အစေ့အဆံတွေမှာ သံဓာတ်ပါဝင်မှုမြင့်မားပြီး Magnesium လည်းပါဝင်ပါတယ်။ အရေးကြီးတဲ့အချက်က မကြော်မလှော်ဘဲ အစိမ်းအတိုင်းက အာနိသင်အထက်မြက်ဆုံး ဖြစ်ပါတယ်။

အုန်းသီး
    အုန်းသီးကို  မြန်မာ့ရိုးရာ အစားအစာ အတော်များများမှာ အသုံးပြုလေ့ရှိပါတယ်။ အုန်းရေကလည်း  ကျန်းမာရေးအတွက် သင့်တော်ကောင်းမွန်တဲ့ သတ္တုဓာတ်တွေ၊ ဗီတာမင်တွေ ပါဝင်ဖွဲ့စည်းထားပြီး သဘာဝအားဖြည့် အချိုရည်လို့တောင် တင်စားခေါ်ဝေါ်နိုင်ပါတယ်။ အုန်းဆီက ဦးနှောက်စွမ်းရည်ကို တိုးတက်စေပြီး နှလုံးကျန်းမာရေးအတွက် ကောင်းမွန်တဲ့ အဆီတစ်မျိုးဖြစ်ပါတယ်။ ဒါပေမဲ့ အဆိုပါအုန်းသီးကလည်း အစိမ်းအတိုင်းစားပေးရင် ပိုကောင်းတဲ့ အစားအစာစာရင်းမှာ ပါဝင်ပါတယ်။