တုပ်ကွေးမိခဲ့ပြီဆိုရင်

တုပ်ကွေး (Flu) က ဗိုင်းရပ်စ်ကြောင့်ဖြစ်ပြီး အအေးမိခြင်း (Cold) ကတော့ ဘက်တီးရီးယားကြောင့်ဖြစ်တယ်ဆိုတာ သင်အကြမ်းဖျင်း သိထားပြီး ဖြစ်မှာပါ။ အဆိုပါ ဗိုင်းရပ်(စ်)နဲ့  ဘက်တီးရီယားအမျိုးအစားဟာ ပျံ့နှံ့မှုမြန်ဆန်ပြီး ကူးစက်ဖို့လည်း အလွန်လွယ်ကူပါတယ်။ ကူးစက်နိုင်တဲ့ နည်းလမ်းတွေကတော့ အမျိုးမျိုးပါပဲ။  သင့်ရဲ့ ကိုယ်ခံစွမ်းအားနည်းနေတဲ့အချိန်၊ တုပ်ကွေး (သို့) အအေးမိနေတဲ့ လူတစ်ယောက် သင့်အနားမှာ နှာချေလိုက်တဲ့အချိန် ရောဂါပိုးမွှားတွေဟာ သင့်အရေပြားနဲ့ အသက်ရှုလမ်းကြောင်းတွေကတစ်ဆင့် ၀င်ရောက်ပြီး သင်ဖျားနာနိုင်ပါတယ်။ သင် တုပ်ကွေးမိခဲ့ပြီဆိုရင်…

သဘာဝအတိုင်း ပြန်လည် ကုသခြင်း
    တုပ်ကွေးမိတဲ့ အချိန်၊ အအေးမိတဲ့ အချိန်မှာ ခံစားရတဲ့ ဝေဒနာအချို့က အဆိုပါရောဂါကို ခန္ဓာကိုယ်က ပျောက်ကင်းအောင်သဘာဝအတိုင်း ပြန်လည်ကုသနေခြင်းရဲ့ တစ်စိတ်တစ်ပိုင်း ဖြစ်ပါတယ်။ ခန္ဓာကိုယ်ရဲ့ ခုခံစွမ်းအားနဲ့ နာမကျန်းဖြစ်ခြင်း တိုက်ပွဲရဲ့ အကျိုးဆက်ရလဒ်များလို့လည်း ဆိုနိုင်ပါတယ်။  တုပ်ကွေးကွေးနေချိန်၊ အအေးမိနေချိန် ခန္ဓာကိုယ်အပူချိန်တက်လာခြင်းက ခန္ဓာကိုယ်ရဲ့ အလိုအလျောက် တုံ့ပြန်မှုတစ် မျိုးဖြစ်ပြီး ခန္ဓာကိုယ်ရဲ့ ခုခံအားစနစ်ထဲဝင်ရောက် ကူးစက်ပြီးသားဖြစ်တဲ့ ဗိုင်းရပ်စ် (သို့) ဘက်တီးရီးယားတွေကို သာမန်ထက်ပိုတဲ့ အပူချိန်နဲ့ တိုက်ထုတ်ပစ်ဖို့ ဖြစ်ပါတယ။်
    ကိုယ်အပူချိန်မြင့်လာတာနဲ့ ပိုးမွှားတွေကို သေစေနိုင်တဲ့ သွေးတွင်းက ပရိုတိန်းတွေ လှည့်ပတ် စီးဆင်းမှုကိုလည်း ပိုမို မြန်ဆန်လာစေပြီး ရောဂါပိုးတွေကို တိုက်ဖျက်ရာမှာလည်း ပိုမိုအစွမ်းထက်လာစေပါတယ်။ ဒါကြောင့် အလယ်အလတ် ကိုယ်ပူခြင်းကို သင့်ခံနိုင်ရည်ရှိမယ်ဆို တစ်ရက်(သို့) နှစ်ရက် ကြာပြီးနောက်မှာ သင်ပြန်လည် ကျန်းမာလာနိုင်ပါတယ်။
    ချောင်းဆိုးခြင်းကလည်း ခန္ဓာကိုယ်ရဲ့ အလိုအလျောက် ပြန်လည်ကျန်းမာလာအောင် နောက်ထပ်လုပ်ဆောင်နေတဲ့ လက္ခဏာတစ်ခုဖြစ်ပါ တယ်။ ချောင်ဆိုးလိုက်ခြင်းဖြင့် အသက်ရှုလမ်းကြောင်းတစ်လျှောက်မှာ ကပ်ညှိနေတဲ့ ရောဂါပိုးမွှားတွေ ခိုအောင်းနေတဲ့ ချွဲသလိပ်တွေကို ထွက်လာစေပြီး ရောဂါပိုးမွှားတွေ အဆုတ်နဲ့ ခန္ဓာကိုယ်ရဲ့ အခြားအစိတ်အပိုင်းများဆီသို့ ရောက်ရှိပျံ့နှံ့ မသွားအောင် ကူညီပေးပါတယ်။

ပုံမှန် နှပ်ညှစ်ပေးပါ
    တုပ်ကွေး၊ အအေးမိရောဂါများရဲ့ နောက်ဆက်တွဲရောဂါတစ်မျိုးကတော့ နှာစေးခြင်းပါ။ အရေးကြီးတဲ့အချက်က သင်နှာစေးတဲ့ အချိန်မှာနှပ်ညှစ်ပေးဖို့ဖြစ်ပြီး နှာရည်များ ခေါင်းအတွင်းပိုင်းသို့ ၀င်ရောက်ခြင်းအား ကာကွယ်ပြီးသားဖြစ်စေပါတယ်။ ဒါပေမဲ့ ပြင်းပြင်းထန်ထန် နှပ်ညှစ်ခြင်းက နှားခေါင်အတွင်းပိုင်းကို ဖိအားသက်ရောက်စေပြီး ရောဂါပိုးမွှားများကို နားအတွင်းပိုင်းသို့ ပျံ့နှံ့ဝင်ရောက်သွားပြီး နားကိုက်စေတက်လို့  သတိထားဖို့ လိုအပ်ပါတယ်။

ဆားရည်
    တုပ်ကွေး ၊အအေးမိတဲ့အချိန်ဖြစ်တတ်တဲ့ နှာစေးခြင်းကို ကုသဖို့ နောက်ထပ်နည်းလမ်းတစ်ခု ရှိနေပါသေးတယ်။ သန့်စင်တဲ့ ဆားရည်နွေးနွေးက နှားခေါင်းပိတ်ဆို့ခြင်းကို သက်သာစေပါတယ်။ ဒါအပြင် နှာခေါင်းအတွင်းက ဗိုင်းရပ်စ်တွေကိုလည်း ဖယ်ရှားပေးနိုင်ပါတယ်။ မပူမအေး၊ ရေနွေးနွေးထဲမှာ ဆားအနည်းငယ်ကို ထည့်ဖျော်ပါ။ တစ်ခါတရံ ဆားမှ အစိုင်အခဲ အနည်းငယ် ကျန်တတ်တာကြောင့် ခွက်သန့်သန့် တစ်လုံးထဲကို အနည်မပါအောင် လှယ်ထည့်ပေးနိုင်ရင် ပိုကောင်းပါတယ်။ နှာခေါင်းထဲကို ဆားရည်ပက်ထည့်ပေးတာမျိုးဖြစ်စေ၊ ဆားရည်ကို မမွှန်သွားအောင်ထိန်းပြီး ရှူသွင်းတာမျိုးဖြစ်စေ ပြုလုပ်ပေးနိုင်ပါ တယ်။

လုံလောက်အောင် အနားယူပါ
    ဖျားနေချိန်မှာ သင့်ရဲ့ ခန္ဓာကိုယ်နဲ့ စိတ်ကို လုံးဝအနားပေးထားဖို့ လိုအပ်ပါတယ်။ သင် ဖျားနာနေချိန်၊ ခန္ဓာကိုယ်ကိုရော၊ စိတ်ကိုပါ အလုပ်ပေးထားမယ်ဆိုရင် ကူးစက်ခံထားရတဲ့ ရောဂါပိုးတွေကို ခန္ဓာကိုယ်ထဲက တိုက်ထုတ်ဖို့ ကိုယ်ခံအားစနစ်က အသုံးပြုရမယ့် စွမ်းအင်တွေကို သင့်ရဲ့ လှုပ်ရှားနေတဲ့ အစိတ်အပိုင်းအတွက် ခွဲဝေပေးရတော့မှာ ဖြစ်ပါတယ်။ ဒါကြောင့် ဖျားနေချိန် ပြည့်ပြည့်၀၀ အနားယူဖို့ လိုကိုလိုအပ်ပါတယ်။ ဒါမှသာ သင့်ရဲ့ ကိုယ်ခံအားစနစ်က ရောဂါကို တိုက်ဖျက်တဲ့နေရာမှာ စွမ်းအင်ကို အပြည့်အ၀ အသုံးချနိုင်မှာ ဖြစ်ပါတယ်။  နောက်တစ်ချက်ကတော့ နွေးနွေးထွေးထွေးနေဖို့ဖြစ်ပါတယ်။

အာလုပ်ကျင်းပေးပါ
    တုပ်ကွေးမိပြီဆိုရင် နောက်တစ်ဆင့် သင်ရဲ့လည်ချောင်းတွေခြောက်ကာ ကွဲအက်ပြီး နာကျင် လာတော့မှာပါ။ အာလုပ်ကျင်းပေးခြင်းက ဝေဒနာကို ခဏတာ သက်သာစေပါတယ်။ ဆားရည်နွေးနွေးနဲ့ဆိုရင် ပိုကောင်းပါတယ်။ ဆားရည်နဲ့ အာလုပ်ကျင်းပေးခြင်းက လည်ချောင်းယားယံခြင်းကို သက်သာစေပြီး လည်ချောင်းမှာ ကပ်ညှိနေတဲ့ ချွဲသလိပ်တွေကိုလည်း ရှင်းလင်းပေးနိုင်ပါတယ်။

ပူးနွေးတဲ့ အစားအသောက်များ
    ဒီလိုအချိန်မှာ ပူနွေးတဲ့စားသောက်စရာများကို စားသောက်ပေးခြင်းက နှာခေါင်းပိတ်တဲ့ဝေဒနာကို သက်သာစေဖို့ အထောက်အကူပြုနိုင်ပါတယ်။ ရေနွေး (သို့) ပူနွေးတဲ့ သောက်စရာတစ်မျိုးမျိုးကို မကြာမကြာသောက်ပေးခြင်းက နှာခေါင်းနဲ့ လည်ချောင်းအတွင်းပိုင်းက ရောဂါပိုးကူးစက်ခံထားရလို့ ရောင်ရမ်းနေတဲ့ အမြှေးပါးလေးကြောင့် ခံစားရတဲ့ နာကျင်မှုကို သက်သာစေနိုင်သလို ခန္ဓာကိုယ်ကို ရေဓာတ်ဖြည့်တင်းပေးနိုင်ပါတယ်။

ခေါင်းအုံးမြင့်မြင့်နဲ့ အိပ်ပါ
    ခေါင်းအုံးမြင့်မြင့်နဲ့ အိပ်စက်ခြင်းက ရေရှည်ကျန်းမာရေးအတွက် မသင့်တော်ပါဘူး။ ဒါပေမဲ့ တုပ်ကွေး၊ အအေးမိနေလို့ နှာစေးပြီး နှာခေါင်းပိတ်နေချိန်မှာတော့ သင်ခေါင်းအုံးမြင့်မြင့်နဲ့ အိပ်သင့်ပါ တယ်။ ခေါင်းအုံးမြင့်မြင့်က ဦးခေါင်းကို ခပ်ပြေပြေ ထောင်မတ်သွားစေတာကြောင့် နှာခေါင်းပိတ်ခြင်းကို သက်သာစေပါတယ်။
    တုပ်ကွေးကို သင့်ခန္ဓာကိုယ်က တိုက်ထုတ်နေချိန်မှာပြင်ပက စစ်ကူအနေနဲ့ အချို့အစားအစာများကို ရွေးချယ်စားသုံးပေးသင့်ပါတယ်။

ငှက်ပျောသီး - ဗိုင်းရပ်စ် နဲ့ ဘက်တီးရီးယားများရဲ့ တိုက်ခိုက်မှုကြောင့် အားနည်းနေတဲ့ အစာအိမ်ကို သက်သက်သာသာ အစာချေနိုင်အောင် ကူညီပေးနိုင်ပါတယ်။

ငရုတ်သီး -  ဗီတာမင် C က ကိုယ်ခံစွမ်းအားကောင်းဖို့ အဓိကလိုအပ်တဲ့ ဗီတာမင်တစ်မျိုးပါ။ တုပ်ကွေးမိနေချိန် သင့်ရဲ့ ကိုယ်ခံအား အစွမ်းထက်နေဖို့ လိုအပ်တာကြောင့် ဗီတာမင် C ပါဝင်တဲ့ အစားအစာများ ကို ရွေးချယ်စားသုံးပေးဖို့ လိုအပ်ပါတယ်။ ငရုတ်သီးရဲ့ ဗီတာမင် C ပါဝင်မှုက လိမ္မော်သီးထက် ပိုမိုများပြားပြီး ပူစပ်တဲ့သဘာဝကြောင့် နှာခေါင်းပိတ်ခြင်းကိုလည်း သက်သာစေနိုင်ပါတယ်။

ကြက်သွန်နီ - ကြက်သွန်နီမှာ ပါဝင်တဲ့ phytochemicals ဓာတုပစ္စည်းတစ်မျိုးက အသက်ရှုလမ်းကြောင်းဆိုင်ရာ ကူးစက်ရောဂါများနဲ့ အခြားသော ကူးစက်ရောဂါများရဲ့ အန္တရာယ်မှ ကာကွယ်ပေးနိုင်ပါတယ်။ ဗိုင်းရပ်စ်ကြောင့် တုပ်ကွေးဖြစ်တဲ့အချိန်၊ ဒါမှမဟုတ် ဘက်တီးရီးယားကြောင့် အအေးမိချိန်တွေမှာ အခြားသော ကူးစက်ရောဂါများ ထပ်မံမကူးစက်လာဖို့ကလည်း အရေးကြီးတဲ့ အချက်ဖြစ်ပါတယ်။ ဒါကြောင့် သင်စားမယ့် စွပ်ပြုတ်၊ ဆန်ပြုတ်၊ ဟင်းတွေထဲမှာ ကြက်သွန်နီများများသာ ထည့်ချက်လိုက်ပါ။

ကြက်စွပ်ပြုတ် - ခန္ဓာကိုယ်ကို အာဟာရနဲ့ ရေဓာတ်ပြန်လည်ဖြည့်တင်းပေးဖို့ အလွန်အားကိုးရတဲ့ ဓာတ်စာဖြစ်ပါတယ်။ လက်တွေ့စမ်းသပ်မှုတွေ ပြုလုပ်ပြီးနောက်ပိုင်းမှာတော့ ကြက်စွပ်ပြုတ် က ရောဂါကို ပြန်လည်သက်သာစေနိုင်တဲ့ အာနိသင်ရှိပြီး ရောင်ရမ်းခြင်းကို သက်သာစေနိုင်တဲ့ ဂုဏ်သတ္တိလည်း အတန်အသင့်ရှိတယ်လို့ ဆိုပါတယ်။ ဒါကြောင့် ရောဂါကူးစက်ခံရပြီးနောက်ပိုင်း အာသီး
ရောင်ခြင်းနဲ့ နှာခေါင်းအတွင်းပိုင်း ရောင်ရမ်းခြင်းကြောင့် နှာစေး၊ နှာပိတ်ခြင်းကိုလည်း သက်သာ စေနိုင်တယ်လို့ ဆိုနိုင်ပါတယ်။

သိထားသင့်တဲ့ အချက်များ
    တုပ်ကွေးလိုမျိုး၊ အအေးမိခြင်းလိုမျိုး ရောဂါတွေက ပျံ့နှံ့ဖို့ လွယ်ကူတဲ့ ကူးစက်မြန်ရောဂါများ ဖြစ်ပါတယ်။ သင်ကိုယ်တိုင်လည်း တစ်ယောက်ယောက်ဆီက ကူးစက်ခံခဲ့ရတာပါ။ ဒါကြောင့် ဖျားနေချိန်မှာ သင့်ရဲ့ ရောဂါကို အခြားသူများထံ ဖြန့်ဝေပေးသလိုမျိုးမဖြစ်အောင် ရောဂါပျောက်ကင်းတဲ့အထိ အိမ်မှာပဲနေပြီး အနားယူပါ။
    ဒီအချိန်မှာ တစ်ကိုယ်တည်း သီးသန့်နေနိုင် ရင် အကောင်းဆုံးဖြစ်ပြီး မိသားစုဝင်များနဲ့ အိမ်သုံးပစ္စည်းများ၊ အစားအသောက်များကို ရောနှောပြီး သုံးစွဲစားသောက်ခြင်းမျိုး ရှောင်ကြဉ်ရပါမယ်။ ချောင်းဆိုးခြင်း၊ ကိုယ်ပူခြင်းတွေက အထက်မှာဆိုခဲ့သလို ခန္ဓာကိုယ်ကရောဂါကို တိုက်ထုတ်နေတဲ့ လက္ခဏာတွေဖြစ်ပြီး နှာစေးခြင်း၊ လည်ချောင်းနာခြင်း၊ မျက်ရည်ယိုခြင်း၊ ဗိုက်အောင့်ခြင်း၊ ၀မ်းလျှောခြင်းတွေကတော့ ရောဂါပိုးတွေ အဆိုပါ နေရာတွေကို ပျံ့နှံ့ရောက်ရှိသွားခြင်းကြောင့် ခံစားရလေ့ရှိတဲ့ လက္ခဏာများဖြစ်ပါတယ်။
    တုပ်ကွေး၊ အအေးမိချိန် အသုံးပြုလေ့ရှိတဲ့ ဆေးဝါးက တုပ်ကွေး ဗိုင်းရပ်စ် နဲ့ အအေးမိခြင်းကို ဖြစ်စေတဲ့ ဘက်တီးရီးယားများကို တိုက်ထုတ်ဖို့ မဟုတ်ဘဲ ရောဂါကူးစက်ခံရခြင်းရဲ့ နောက်ဆက်တွဲ လက္ခဏာများဖြစ်တဲ့ နှာစေးခြင်း၊ ခေါင်းကိုက်ခြင်း၊ ကိုယ်လက်ကိုက်ခဲခြင်းစတဲ့ ဝေဒနာများ သက်သာစေဖို့ပဲ ဖြစ်ပါတယ်။
    တုပ်ကွေး၊ အအေးမိခြင်းရဲ့ သဘာဝက ရောဂါဟာ အစပိုင်းမှာ အပြင်းထန်ဆုံးဖြစ်ပြီး တစ်ဖြည်းဖြည်း သက်သာလာလေ့ရှိတဲ့ ရောဂါမျိုး ဖြစ်ပါတယ်။ ဒီလိုမဟုတ်ဘဲ တစ်ရက်ပြီး တစ်ရက်ကိုယ်အပူချိန် ပိုတက်လာတာ၊ ရောဂါလက္ခဏာတွေ တစ်ခုပြီးတစ်ခု ပိုတိုးလာတာမျိုးဆိုရင်တော့ သက်ဆိုင်ရာ ဆရာဝန်နဲ့ပြသပြီး ကုသမှု ခံယူရတော့မှာဖြစ်ပါတယ်။ ဒါကြောင့် တုပ်ကွေးဖြစ်နေချိန် ကိုယ့်ရဲ့ ကျန်းမာရေး အနေအထားကို သတိထားပြီး စောင့်ကြည့်စစ်ဆေးနေဖို့ လိုအပ်ပါတယ်လို့ အကြံပြုလိုက်ရပါတယ်။
Ref;webmd, Reader’s Digest